ಈ ವರ್ಷ ಲಾಂಚ್ ಆಗುವ ಟಾಪ್ 10 ಬೈಕ್‌ಗಳು.. ಬೆಲೆ ಬಗ್ಗೆ ಸಂಪೂರ್ಣ ವಿವರ

ಭಾರತದ ಮಾರುಕಟ್ಟೆಯಲ್ಲಿ 2022ರಲ್ಲಿ ಮೋಟಾರ್‌ಸೈಕಲ್‌ಗಳು ಬ್ಯಾಕ್-ಟು-ಬ್ಯಾಕ್ ಲಾಂಚ್‌ ಆಗಿದ್ದವು. ಈ ವರ್ಷವು ರಾಯಲ್ ಎನ್‌ಫೀಲ್ಡ್, ಹೀರೋ, ಬಜಾಜ್ ಹಾಗೂ ಕೆಟಿಎಂ ಸೇರಿದಂತೆ ವಿವಿಧ ಕಂಪನಿಯ ಹಲವು ಹೊಸ ಬೈಕ್ ಬಿಡುಗಡೆಯಾಗಲಿವೆ. ಇಲ್ಲಿ ಮುಂಬರಲಿರುವ ಟಾಪ್ 10 ಮೋಟಾರ್‌ಸೈಕಲ್‌ಗಳ ಬಗ್ಗೆ ಸಂಕ್ಷಿಪ್ತ ವಿವರವನ್ನು ತಿಳಿಸಿಕೊಡಲಾಗಿದೆ.

ರಾಯಲ್ ಎನ್‌ಫೀಲ್ಡ್ ಸೂಪರ್ ಮೀಟಿಯರ್ 650:
ರಾಯಲ್ ಎನ್‌ಫೀಲ್ಡ್ ಕಂಪನಿಯು 648 ಸಿಸಿ ಪ್ಯಾರಲಲ್ ಟ್ವಿನ್ ಎಂಜಿನ್ ಅನ್ನು ಬಳಸಿರುವ ಮೂರನೇ ಮೋಟಾರ್‌ಸೈಕಲ್ ಸೂಪರ್ ಮೀಟಿಯರ್ 650 ಆಗಿದೆ. ಇಟಲಿಯ EICMAನಲ್ಲಿ ಜಾಗತಿವಾಗಿಕ ಅನಾವರಣಗೊಳಿಸಲಾಯಿತು. ನವೆಂಬರ್‌ 2022ರಲ್ಲಿ ರೈಡರ್ ಮೇನಿಯಾದಲ್ಲಿ ಭಾರತಕ್ಕೆ ಎಂಟ್ರಿಕೊಟ್ಟಿತು. ಸೂಪರ್ ಮೀಟಿಯರ್ 650 ಶೋವಾ ಅಪ್‌ಸೈಡ್-ಡೌನ್ ಫೋರ್ಕ್ಸ್, ಎಲ್ಇಡಿ ಹೆಡ್‌ಲ್ಯಾಂಪ್ ಮತ್ತು ಅಲ್ಯೂಮಿನಿಯಂ ಭಾಗಗಳಂತಹ ನವೀಕರಿಸಿದ ಸಾಧನಗಳನ್ನು ಹೊಂದಿದ್ದು, ಸುಮಾರು 3.5 ಲಕ್ಷ (ಎಕ್ಸ್ ಶೋ ರೂಂ) ಬೆಲೆಯಲ್ಲಿ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಬಹುದು.

ರಾಯಲ್ ಎನ್‌ಫೀಲ್ಡ್ ಬುಲೆಟ್ 350:
ಈ ವರ್ಷಕ್ಕೆ ಸೂಪರ್ ಮೀಟಿಯರ್ 650 ಬಿಡುಗಡೆಯಾದ ನಂತರ, ರಾಯಲ್ ಎನ್‌ಫೀಲ್ಡ್ ಹೊಸ ತಲೆಮಾರಿನ ಬುಲೆಟ್ 350 ಬೆಲೆಯನ್ನು ಶೀಘ್ರದಲ್ಲೇ ಪ್ರಕಟಿಸುವ ನಿರೀಕ್ಷೆಯಿದೆ. ಹೊಸ ಮಾದರಿಯು ರಾಯಲ್ ಎನ್‌ಫೀಲ್ಡ್‌ನ J ಸರಣಿಯ ಮೋಟಾರ್‌ಸೈಕಲ್‌ ವಿಭಾಗವನ್ನು ಸೇರಿಕೊಳ್ಳಲಿದೆ. ಇದು ಉಲ್ಕೆ 350, ಕ್ಲಾಸಿಕ್ 350, ಮತ್ತು ಹಂಟರ್ 350ಗೆ ಪವರ್ ನೀಡುವ ಅದೇ ಎಂಜಿನ್‌ನಿಂದ ಚಾಲಿತವಾಗುತ್ತದೆ. ಪ್ರಸ್ತುತ-ಪೀಳಿಗೆಯ ಮೋಟಾರ್‌ಸೈಕಲ್‌ಗಿಂತ ಬೆಲೆಯಲ್ಲಿ ಸ್ವಲ್ಪ ಹೆಚ್ಚು ಇರಬಹುದು.

ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450:
ಬಹುತೇಕ ಈ ವರ್ಷವೇ ಭಾರತೀಯ ಮಾರುಕಟ್ಟೆಗೆ ರಾಯಲ್ ಎನ್‌ಫೀಲ್ಡ್ ಹಿಮಾಲಯನ್ 450 ಬಿಡುಗಡೆಯಾಗಲಿದೆ. ಹೊಸ ಹಿಮಾಲಯನ್ ಇನ್ನೂ ಲಿಕ್ವಿಡ್-ಕೂಲಿಂಗ್‌ನೊಂದಿಗೆ ಅತ್ಯಂತ ಆಧುನಿಕ ರಾಯಲ್ ಎನ್‌ಫೀಲ್ಡ್ ಬೈಕ್ ಆಗಿರುತ್ತದೆ. KTM 390 ಅಡ್ವೆಂಚರ್ ಶ್ರೇಣಿಯ ಕಾರ್ಯಕ್ಷಮತೆಯನ್ನು ಇದರಲ್ಲಿ ನಿರೀಕ್ಷಿಸಬಹುದು. ಹಿಮಾಲಯನ್ 450 ಹಾರ್ಡ್‌ಕೋರ್ ಆಫ್-ರೋಡ್ ಸಾಮರ್ಥ್ಯವನ್ನು ಹೊಂದಿರುವ ಹಗುರವಾದ ಮೋಟಾರ್‌ಸೈಕಲ್ ಆಗಿರಬಹುದು ಎಂದು ಅಂದಾಜಿಸಲಾಗಿದ್ದು, ಸುಮಾರು 2.8 ಲಕ್ಷ (ಎಕ್ಸ್ ಶೋ ರೂಂ) ಬೆಲೆಯನ್ನು ಹೊಂದಿರಬಹುದು.

ಹೀರೋ ಎಕ್ಸ್‌ಪಲ್ಸ್ 400:
ಮಿಡಲ್ ವೇಟ್ ಅಡ್ವೆಂಚರ್ ಬೈಕ್ ವಿಭಾಗವನ್ನು ಮತ್ತಷ್ಟು ಬಲಪಡಿಸಲು ಹೀರೋ ಮೋಟೋಕಾರ್ಪ್ ಅಡ್ವೆಂಚರ್ ಬೈಕ್ ವಿಭಾಗದಲ್ಲಿ ಕೆಲಸ ಮಾಡುತ್ತಿದೆ ಎಂದು ಹೇಳಲಾಗುತ್ತದೆ. ದೊಡ್ಡದಾದ ಎಕ್ಸ್‌ಪಲ್ಸ್ 400 42ಸಿಸಿ ಲಿಕ್ವಿಡ್-ಕೂಲ್ಡ್ ಸಿಂಗಲ್ ಸಿಲಿಂಡರ್ ಎಂಜಿನ್ ಹೊಂದಿರಲಿದ್ದು, ಇದು BMW G 310 GS ಅನ್ನು ಮೀರಿಸುವಷ್ಟು ಕಾರ್ಯಕ್ಷಮತೆಯನ್ನು ಪಡೆದುಕೊಂಡಿರಲಿದೆಯಂತೆ. ಹೀರೋ ಮೋಟೋಕಾರ್ಪ್ ಎಕ್ಸ್‌ಪಲ್ಸ್ 400 ಸಮರ್ಥ ಆಫ್-ರೋಡ್ ಬೈಕ್ ಆಗಿರಬಹುದು. ಇದು ಹಿಮಾಲಯನ್ 450 ಮತ್ತು 390 ಅಡ್ವೆಂಚರ್ ಬೈಕುಗಳಿಗೆ ಕಠಿಣ ಪೈಪೋಟಿ ನೀಡಲಿದೆ.

ಟ್ರಯಂಫ್-ಬಜಾಜ್:
ಬಜಾಜ್ ಆಟೋ ಮತ್ತು ಟ್ರಯಂಫ್ ಕಂಪನಿಗಳು ಸಹಯೋಗವನ್ನು ಘೋಷಿಸಿ ಬಹಳ ಸಮಯವಾಗಿದೆ. ಇದು ಈ ವರ್ಷ ಫಲಪ್ರದವಾಗುವ ನಿರೀಕ್ಷೆಯಿದೆ. ರೋಡ್‌ಸ್ಟರ್ ಮತ್ತು ಸ್ಕ್ರ್ಯಾಂಬ್ಲರ್ - ಒಂದಕ್ಕಿಂತ ಹೆಚ್ಚು ವರ್ಗದ ಮೋಟಾರ್‌ಸೈಕಲ್‌ಗಳು ಈ ಪಾಲುದಾರಿಕೆಯಿಂದ ಮಾರುಕಟ್ಟೆಗೆ ಬರುವ ಸಾದ್ಯತೆಯಿದ್ದು, ಈ ವರ್ಷದ ಅಂತ್ಯದ ವೇಳೆಗೆ ಭಾರತದಲ್ಲಿ ಬಿಡುಗಡೆಯಾಗಬಹುದು. ಬೆಲೆ ರೂ 2.5 ಲಕ್ಷದಿಂದ (ಎಕ್ಸ್ ಶೋ ರೂಂ) ಪ್ರಾರಂಭವಾಗಲಿದೆ ಎಂದು ಅಂದಾಜಿಸಲಾಗಿದೆ. ಇದರಿಂದ ಗ್ರಾಹಕರಿಗೆ ನೀರಿಕ್ಷೆಗಳು ಹೆಚ್ಚಾಗಿವೆ.

KTM 390 ಡ್ಯೂಕ್:
ಈ ವರ್ಷದ ಅಂತ್ಯದ ವೇಳೆಗೆ ಹೊಸ ಕೆಟಿಎಂ 390 ಡ್ಯೂಕ್ ಭಾರತದ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗಿವ ಸಾಧ್ಯತೆಯಿದೆ. ಹೊಸ ಪೀಳಿಗೆಯಲ್ಲಿ 390 ಡ್ಯೂಕ್‌ನಲ್ಲಿ ಬಹಳಷ್ಟು ಬದಲಾವಣೆಯಾಗಿದೆ. ಎಂಜಿನ್‌ ಅನ್ನು 373 ಸಿಸಿಯಿಂದ 399 ಸಿಸಿವರೆಗೆ ಹೆಚ್ಚಿಸಲಾಗಿದೆ. ಆದ್ದರಿಂದ ಹೆಚ್ಚಿನ ಪವರ್ ಮತ್ತು ಪೀಕ್ ಟಾರ್ಕ್ ಉತ್ಪಾದಿಸುವ ಸಾಧ್ಯತೆಯಿದೆ ಎಂದು ಅಂದಾಜಿಸಲಾಗಿದೆ. ಪ್ರಾಯಶಃ ನವೀಕರಿಸಿದ ಸಸ್ಪೆನ್ಷನ್ ಪಡೆಯಲಿದ್ದು, ಬೆಲೆ ಸುಮಾರು 3.5 ಲಕ್ಷದಿಂದ (ಎಕ್ಸ್ ಶೋ ರೂಂ) ಆರಂಭವಾಗಬಹುದು.

ಟ್ರಯಂಫ್ ಸ್ಟ್ರೀಟ್ ಟ್ರಿಪಲ್ ರೇಂಜ್:
ಸ್ಟ್ರೀಟ್ ಟ್ರಿಪಲ್ ರೇಂಜ್ ಅನ್ನು 2022ರಲ್ಲಿ ನವೀಕರಿಸಲಾಗಿದೆ. ಅದು ಒಂದೆರಡು ತಿಂಗಳುಗಳಲ್ಲಿ ಭಾರತದಲ್ಲಿ ಮಾರುಕಟ್ಟೆಯಲ್ಲಿ ಖರೀದಿಗೆ ಲಭ್ಯವಾಗಲಿದೆ. ಹೊಸ ಸ್ಟ್ರೀಟ್ ಟ್ರಿಪಲ್ ಮೂರು ರೂಪಾಂತರಗಳನ್ನು ಪಡೆಯಲಿದೆ. ಅವುಗಳೆಂದರೇ, R, RS ಮತ್ತು Moto2. R ಮತ್ತು RS ಎರಡು ಮೊದಲಿಗಿಂತ ಹೆಚ್ಚು ಪವರ್ ಮತ್ತು ಟಾರ್ಕ್ ಉತ್ಪಾದಿಸುತ್ತವೆ. ಹಾಗೆಯೇ Moto2 ಆವೃತ್ತಿಯು ನಿಜವಾದ Moto2 ರೇಸ್ ಬೈಕ್‌ಗಿಂತ ಕೇವಲ 10 PS ಪವರ್ ಉತ್ಪಾದಿಸುವ ಸಾಮರ್ಥ್ಯ ಹೊಂದಿದೆ. ಬೆಲೆಗಳು 9.5-11.5 ಲಕ್ಷ (ಎಕ್ಸ್ ಶೋ ರೂಂ) ನಡುವೆ ಇರಬಹುದೆಂದು ನಿರೀಕ್ಷಿಸಲಾಗಿದೆ.

ಯಮಹಾ MT-07 & YZF-R7:
ಯಮಹಾ ಭಾರತಕ್ಕೆ ತನ್ನ ದೊಡ್ಡ ಬೈಕ್‌ಗಳನ್ನು ಹಲವು ವರ್ಷದಿಂದ ಬಿಡುಗಡೆ ಮಾಡುತ್ತಿಲ್ಲ. ಕೆಲವು ವರ್ಷಗಳ ಹಿಂದೆ, MT-09 ಇತ್ತು. ಅದನ್ನು ಇತ್ತೀಚ್ಚಿಗೆ ಸ್ಥಗಿತಗೊಳಿಸಲಾಯಿತು. ಯಮಹಾ MT-07 ಮತ್ತು R7 ಎರಡು ಹೊಸ ಒಂದೆರಡು ತಿಂಗಳುಗಳಲ್ಲಿ ಕಂಪ್ಲೇಟೇಲಿ ಬಿಲ್ಟ್ ಯುನಿಟ್ಸ್ (CBU)ಗಳಾಗಿ ಸೀಮಿತ ಸಂಖ್ಯೆಯಲ್ಲಿ ದೇಶೀಯ ಮಾರುಕಟ್ಟೆಗೆ ಬರುವ ನಿರೀಕ್ಷೆಯಿದೆ. ಇತರೆ ಬೈಕುಗಳಿಗೆ ಹೋಲಿಸಿದರೆ ಬೆಲೆ ಕೊಂಚ ದುಬಾರಿಯಾಗಿದೆ. ಸುಮಾರು 10-12 ಲಕ್ಷ (ಎಕ್ಸ್ ಶೋ ರೂಂ) ಹೆಚ್ಚಿನ ಬೆಲೆ ಹೊಂದಿರಬಹುದು.

ಹೋಂಡಾ ಹಾರ್ನೆಟ್, ಟ್ರಾನ್ಸಾಲ್ಪ್ & ಸುಜುಕಿ V-Strom 800 DE:
ಹೋಂಡಾ ಹೊಸ ಹಾರ್ನೆಟ್, ಟ್ರಾನ್ಸಾಲ್ಪ್ ಎರಡನ್ನೂ ಭಾರತಕ್ಕೆ ತರಬಹುದು. 2023ರ ಮಧ್ಯದಿಂದ ಅಂತ್ಯದವರೆಗೆ ಮಾರುಕಟ್ಟೆಗೆ ಬರಬಹುದು. ಎರಡಕ್ಕೂ 10-11 ಲಕ್ಷ ರೂಪಾಯಿ ಬೆಲೆಯಿರಬಹುದು. ಸುಜುಕಿ ಕಳೆದ ವರ್ಷ EICMAದಲ್ಲಿ V-Strom 800 DE ರೂಪದಲ್ಲಿ V-Strom 650 ಅಪ್‌ಗ್ರೇಡ್ ಮಾದರಿಯನ್ನು ಅನಾವರಣಗೊಳಿಸಿತು. ಇದು ಸಹ ಆನ್-ರೋಡ್ ಮತ್ತು ಆಫ್-ರೋಡ್ ಕಾರ್ಯಕ್ಷಮತೆ ಹೊಂದಿರುವ ಬೈಕ್ ಆಗಿದ್ದು, ದೀಪಾವಳಿ 2023ರ ಮೊದಲು ಸುಮಾರು 11 ಲಕ್ಷ ರೂಪಾಯಿಗಳಲ್ಲಿ ಮಾರುಕಟ್ಟೆಗೆ ಬರಬಹುದು.

Most Read Articles

Kannada
English summary
Top 10 bikes launching this year
Story first published: Monday, January 2, 2023, 18:45 [IST]
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X