ಮಹೀಂದ್ರ ಎಲೆಕ್ಟ್ರಿಕ್ ಸ್ಕೂಟರ್ 'ಜಿನ್ಜಿ' ಭಾರತಕ್ಕೂ ಬರುತ್ತಾ?

ಸದ್ಯ ಅಮೆರಿಕಕ್ಕೆ ಪರಿಚಯವಾಗಿರುವ ಜಿನ್ಜಿ ನಿಕಟ ಭವಿಷ್ಯದಲ್ಲೇ ಭಾರತ ಸೇರಿದಂತೆ ಚೀನಾ ರಾಷ್ಟ್ರಗಳನ್ನು ಪ್ರವೇಶಿಸುವ ಸಾಧ್ಯತೆಯಿದೆ.

ಅಂದ ಹಾಗೆ ಮಹೀಂದ್ರ ಜಿನ್ಜಿ ಎಂಬುದು ಒಂದು ಸೀಟಿನ ಎಲೆಕ್ಟ್ರಿಕ್ ಸ್ಕೂಟರ್ ಆಗಿದ್ದು, ಹಿಂದಿನ ಸೀಟಿನ ಬದಲಾಗಿ ಬೃಹತಾಕಾರದ ಸ್ಟೋರೆಜ್ ಪ್ರದೇಶ ನೀಡಲಾಗಿದೆ.

ನಿಮ್ಮ ದೈನಂದಿಗಳ ಅಗತ್ಯಗಳನ್ನು ಪೂರೈಸುವುದಕ್ಕಾಗಿ ಈ ಬಕೆಟ್ ಗಾತ್ರದ ಸ್ಟೋರೆಜ್ ಜಾಗ ಸಾಕಾಗಲಿದೆ. ಇದರಲ್ಲಿ ತರಕಾರಿಯಿಂದ ಹಿಡಿದು ಸಣ್ಣ ಪ್ರಮಾಣದ ಲಗ್ಗೇಜ್ ಬ್ಯಾಗ್ ಕೂಡಾ ಲಗತ್ತಿಸಬಹುದು. ಅಂದರೆ ಸಿಟಿ ಪ್ರದೇಶದ ಚಾಲನೆಯಲ್ಲಿ ಪರಿಪೂರ್ಣವೆನಿಸಲಿದೆ.

ಅಷ್ಟೇ ಅಲ್ಲ, ಸೀಟಿನ ಅಡಿಯಲ್ಲೂ ಲ್ಯಾಪ್‌ಟಾಪ್ ಹಾಗೂ ಸ್ಮಾರ್ಟ್ ಫೋನ್ ಇಡಬಹುದಾಗಿದೆ. ಇದೇ ಸಂದರ್ಭದಲ್ಲಿ ಯುಎಸ್‌ಬಿ ಪೋರ್ಟ್ ಮುಖಾಂತರ ಚಾರ್ಜ್ ಕೂಡಾ ಮಾಡಿಸಬಹುದು.

ಇಲ್ಲಿ ಸಾಂಪ್ರದಾಯಿಕ ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಬದಲಾಗಿ ವಾಟರ್ ಫ್ರೂಪ್, 7 ಇಂಚಿನ ಟಚ್ ಸ್ಕ್ರೀನ್ ಡಿಸ್‌ಪ್ಲೇ ನೋಡಬಹುದಾಗಿದೆ. ಬ್ಲೂಟೂತ್ ಸಂಪರ್ಕಿತ ಡಿಸ್‌ಪ್ಲೇ ಪರದೆಯಲ್ಲಿ ಬ್ಯಾಟರಿ ಚಾರ್ಜ್ ಸಹಿತ ಇನ್ನಿತರ ಅಗತ್ಯ ಮಾಹಿತಿಗಳನ್ನು ಕಲೆ ಹಾಕಬಹುದಾಗಿದೆ.

ಹಾಗಿದ್ದರೂ ತಾಂತ್ರಿಕ ವೈಶಿಷ್ಟ್ಯಗಳ ಬಗ್ಗೆ ಹೆಚ್ಚಿನ ಮಾಹಿತಿ ಮಹೀಂದ್ರ ಬಹಿರಂಗಪಡಿಸಿಲ್ಲ. ಇದು ಲಿಥಿಯಂ ಇಯಾನ್ ಬ್ಯಾಟರಿಯಿಂದ ನಿಯಂತ್ರಿಸಲ್ಪಡುವ ಸಾಧ್ಯತೆಯಿದೆ. ಇದರ ಸಣ್ಣದಾದ 1.4 ಕೆಡಬ್ಲ್ಯು ಎಲೆಕ್ಟ್ರಿಕ್ ಮೋಟಾರು ಗಂಟೆಗೆ 50 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ಅಂತಿಮವಾಗಿ ದರದ ಬಗ್ಗೆ ಮಾತನಾಡುವುದಾದ್ದಲ್ಲಿ ಮಹೀಂದ್ರ ಜಿನ್ಜಿ ಅಮೆರಿಕದಲ್ಲಿ 3,000 ಅಮೆರಿಕನ್ ಡಾಲರುಗಳಷ್ಟು ದುಬಾರಿಯಾಗಿರಲಿದೆ. ಅಂದರೆ ಇದನ್ನು ರುಪಾಯಿಗೆ ಪರಿವರ್ತಿಸಿದಾಗ 1.80,000 ಲಕ್ಷ ರು.ಗಳಷ್ಟು ಬೆಲೆಬಾಳಲಿದೆ.

ಅಷ್ಟಕ್ಕೂ ಮಹೀಂದ್ರ ಜಿನ್ಜಿ ಭಾರತದಲ್ಲಿ ಲಾಂಚ್ ಆದ್ದಲ್ಲಿ ಯಶ ಸಾಧಿಸಲಿದೆಯೇ? ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...

ಮಹೀಂದ್ರ ಜಿನ್ಜಿ