Click it and Unblock the Notifications
ನಿಸ್ಸಾನ್ನಿಂದ ಪ್ರೀಮಿಯಂ ಎಸ್ಯುವಿ ಎಕ್ಸ್-ಟ್ರೇಲ್ ಅನಾವರಣ
ಸದ್ಯ ಇಡೀ ಜಗತ್ತಿನ ವಾಹನೋದ್ಯಮವು ಫ್ರಾಂಕ್ಫರ್ಟ್ನತ್ತ ಗಮನ ಕೇಂದ್ರಿತವಾಗಿದ್ದು, ನೂತನ ಕಾರುಗಳನ್ನು ಬರಮಾಡಿಕೊಳ್ಳುವುದರಲ್ಲಿ ಕಾತರದಿಂದ ಕಾಯುತ್ತಿದ್ದಾರೆ.
ಇದೀಗಷ್ಟೇ 65ನೇ ಫ್ರಾಂಕ್ಫರ್ಟ್ ಮೋಟಾರ್ ಶೋದಲ್ಲಿ ಸುಜುಕಿ iV-4 ಅನಾವರಣಗೊಂಡಿರುವ ಬಗ್ಗೆ ಮಾಹಿತಿ ಕೊಟ್ಟಿದ್ದೆವು. ಇದರ ಬೆನ್ನಲ್ಲೇ ಇನ್ನೊಂದು ಬಿಸಿ ಬಿಸಿ ಸುದ್ದಿ ಹೊರಬಂದಿದ್ದು, ನಿಸ್ಸಾನ್ ಎಕ್ಸ್-ಟ್ರೇಲ್ ಜಾಗತಿಕ ಪ್ರದರ್ಶನ ಕಂಡಿದೆ.
ಈ ಮೂಲಕ ಮತ್ತೊಂದು ಜಪಾನ್ ಕಂಪನಿಯು ಫ್ರಾಂಕ್ಫರ್ಟ್ನಲ್ಲಿ ಹೆಚ್ಚಿನ ಗಮನ ಸೆಳೆಯುತ್ತಿದೆ. ನಿಸ್ಸಾನ್ ಅಧ್ಯಕ್ಷ ಹಾಗೂ ಸಿಇಒ ಕಾರ್ಲೊಸ್ ಘೋಸ್ನ್ ಈ ಪ್ರೀಮಿಯಂ ಎಸ್ಯುವಿ ಬಿಡುಗಡೆಗೊಳಿಸಿದ್ದಾರೆ.
ನಿಸ್ಸಾನ್ ಬದ್ಧತೆ
ಆಟೋ ಜಗತ್ತಿನಲ್ಲಿ ತನ್ನ ಬದ್ಧತೆಯನ್ನು ಪ್ರದರ್ಶಿಸಿರುವ ನಿಸ್ಸಾನ್, ಎಕ್ಸ್-ಟ್ರೇಲ್ ಮುಖಾಂತರ ಇನ್ನೊಂದು ಹೆಜ್ಜೆ ಮುಂದಿಟ್ಟಿದೆ.
ವಿನ್ಯಾಸ
ನೂತನ ಸಂಶೋಧನೆಯ ಭಾಗವಾಗಿ ಅತ್ಯಧಿಕ ನಿರ್ವಹಣೆ ನೀಡುವ ಪ್ರೀಮಿಯಂ ವಿನ್ಯಾಸದ ಎಕ್ಸ್-ಟ್ರೇಲ್ ಬಿಡುಗಡೆ ಮಾಡಲಾಗಿದೆ.
ಎಕ್ಸ್-ಟ್ರೇಲ್ ಮುಖಾಂತರ ತನ್ನದೇ ಆದ ವಿಶಿಷ್ಟ ಹಾಗೂ ಆಕ್ರಣಮಣಕಾರಿ ವಿನ್ಯಾಸವನ್ನು ಕಾಪಾಡಿಕೊಳ್ಳುವಲ್ಲಿ ನಿಸ್ಸಾನ್ ಯಶಸ್ವಿಯಾಗಿದೆ ಎಂದು ಆಟೋ ವಿಶ್ಲೇಷಕರು ಅಭಿಪ್ರಾಯಪಡುತ್ತಾರೆ.
ಇದರ ಫ್ರಂಟ್ ಗ್ರಿಲ್ ಜೊತೆಗೆ ಎಲ್ಇಡಿ ಹೆಡ್ಲೈಟ್ಗಳು ಪ್ರಮುಖ ಆಕರ್ಷಣೆಯಾಗಿದೆ.
ಹಿಂದಿನ ಆವೃತ್ತಿಗಳಿಗೆ ಹೋಲಿಸಿದರೆ ನೂತನ ಎಕ್ಸ್-ಟ್ರೇಲ್ ಹೆಚ್ಚು ಐಷಾರಾಮಿ ಹಾಗೂ ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಒಳಗೊಂಡಿದೆ.
ಇನ್ನು ಕಾರಿನ ಆಂತರಿಕ ಭಾಗಗಳಲ್ಲೂ ಹೆಚ್ಚಿನ ಸ್ಥಳಾವಕಾಶ ಒದಗಿಸಲಾಗಿದೆ. ಹಾಗೆಯೇ ಥಿಯೇಟರ್ ಶೈಲಿಯ ಸಿಟ್ಟಿಂಗ್ ವ್ಯವಸ್ಥೆ ಹೊಂದಿದೆ.
ನಿಸ್ಸಾನ್ನ ಮುಂದುವರಿದ ಫೋರ್ ವೀಲ್ ಡ್ರೈವಿಂಗ್ ವ್ಯವಸ್ಥೆಯಾದ ಆಲ್ ಮೋಡ್ 4x4i ವ್ಯವಸ್ಥೆಯನ್ನು ಇದರಲ್ಲಿ ಆಳವಡಿಸಲಾಗಿದೆ.
ಇದರಲ್ಲಿ ನೇವಿಗೇಷನ್, ಮಾಹಿತಿ ಹಾಗೂ ಮನರಂಜನಾ ಸಿಸ್ಟಂಗಳನ್ನು ಲಗತ್ತಿಸಲಾಗಿದೆ. ಹಾಗೆಯೇ ಸ್ಮಾರ್ಟ್ ಫೋನ್ ಸಂಪರ್ಕ ಕಲ್ಪಿಸುವ ವ್ಯವಸ್ಥೆ ಕೂಡಾ ಕೊಡಲಾಗಿದೆ.
Continue with Google