ಫ್ರಾಂಕ್‌ಫರ್ಟ್ ಮೋಟಾರ್ ಶೋ ನೋಡಲು ಮರೆತು ಬಿಟ್ರಾ?

ಮುಂದಿನ ಬಟನ್ ಕ್ಲಿಕ್ ಮಾಡುತ್ತಾ ಫ್ರಾಂಕ್‌ಫರ್ಟ್‌ನಲ್ಲಿ ಪ್ರದರ್ಶನವಾದ ಉತ್ಪಾದಕಾ ಹಾಗೂ ಕಾನ್ಸೆಪ್ಟ್ ಕಾರುಗಳ ಬಗ್ಗೆ ಮಾಹಿತಿ ಪಡೆಯೋಣ. ಖಂಡಿತವಾಗಿಯೂ ನೀವಿದನ್ನು ಇಷ್ಟಪಡುವ ಭರವಸೆ ನಮ್ಮದು.

ಇದೇ ಆಟೋದಲ್ಲಿ ಬೆಂಟ್ಲಿ ತನ್ನ ಆಕರ್ಷಕ ಕಾಂಟಿನೆಂಟಲ್ ಜಿಟಿ ವಿ8 ಕಾರನ್ನು ಪ್ರದರ್ಶಿಸಿತ್ತು.

ಫ್ರಾಂಕ್‌ಫರ್ಟ್ ಮೋಟಾರ್ ಶೋ ವರ್ಷಂಪ್ರತಿ ಜರ್ಮನಿಯ ಫ್ರಾಂಕ್‌ಫರ್ಟ್ ನಗರದಲ್ಲಿ ಆಯೋಜನೆಯಾಗುತ್ತದೆ. ಇದೇ ಕಾರಣಕ್ಕಾಗಿ ಫ್ರಾಂಕ್‌ಫರ್ಟ್ ಮೋಟಾರ್ ಶೋ ಎಂಬ ಹೆಸರು ಬಂದಿದೆ. ಇನ್ನು ಜರ್ಮನಿಯಲ್ಲಿ ಇದು Internationale Automobil-Ausstellung (IAA) ಎಂದೇ ಪ್ರಸಿದ್ಧಿ ಪಡೆದಿದೆ.

ನೀವು ಇಡಿ ವಿಶ್ವದ ವಾಹನೋದ್ಯಮವನ್ನು ತೆರೆದು ನೋಡಿದರೆ ಜರ್ಮನಿಗರ ಪ್ರಾಬಲ್ಯ ತಿಳಿದು ಬರುತ್ತದೆ. ಇಲ್ಲಿಂದಲೇ ಮರ್ಸಿಡಿಸ್, ಬಿಎಂಡಬ್ಲ್ಯು, ಆಡಿ ಹಾಗೂ ಫೋಕ್ಸ್‌ವ್ಯಾಗನ್‌ಗಳಂತಹ ವಿಶ್ವ ವಿಖ್ಯಾತ ಕಂಪನಿಗಳು ತಲೆದೋರಿವೆ.

ಮರ್ಸಿಡಿಸ್ ಬೆಂಝ್ ಪಾಲಿಗಿದು ಊರಿನ ಜಾತ್ರೆಯಂತಿತ್ತು. ಹಾಗಾಗಿಯೇ ಈ ಸಂದರ್ಭದ ಗರಿಷ್ಠ ಲಾಭ ಪಡೆಯುವಲ್ಲಿ ವಿಶೇಷವಾಗಿಯೂ ಸಜ್ಜಾಗಿ ನಿಂತಿದ್ದವು.

ಇದೇ ಸಂದರ್ಭದಲ್ಲಿ ಅಮೆರಿಕದ ಖ್ಯಾತ ಕಾರು ತಯಾರಕ ಸಂಸ್ಥೆಯಾದ ಫೋರ್ಡ್ ತನ್ನ ಬಹುನಿರೀಕ್ಷಿತ ಎಂಪಿವಿ ಎಸ್‌ಮ್ಯಾಕ್ಸ್ ಕಾರನ್ನು ಅನಾವರಣಗೊಳಿಸಿತ್ತು.

ಅದೇ ರೀತಿ ಸ್ಕೋಡಾ ತನ್ನ ಜನಪ್ರಿಯ ಆಕ್ಟಾವಿಯಾ ನೂತನ ಅವತಾರವಾದ ಆರ್‌ಎಸ್ ಸಹ ಪ್ರದರ್ಶನಕ್ಕಿರಿಸಿತ್ತು.

ಇನ್ನು ಏಷ್ಯಾದ ಮುಂಚೂಣಿಯ ಕಾರು ತಯಾರಕ ಸಂಸ್ಥೆಗಳಲ್ಲಿ ಒಂದಾಗಿರುವ ಜಪಾನ್ ಮೂಲದ ನಿಸ್ಸಾನ್, ತನ್ನ ಅತ್ಯಾದ್ಭುತ ಎಸ್‌ಯುವಿ ಎಕ್ಸ್‌ಟ್ರೇಲ್ ಸಹ ಅನಾವರಣಗೊಳಿಸಿತ್ತು.

ಹಾಗಿದ್ದರೂ ಭಾರತದ ಯಾವುದೇ ವಾಹನ ತಯಾರಕ ಸಂಸ್ಥೆಗಳು ಇದುವರೆಗೆ ಫ್ರಾಂಕ್‌ಫರ್ಟ್ ಮೋಟಾರ್ ಶೋ ಪ್ರವೇಶಿಸದಿರುವುದು ತುಂಬಾನೇ ಬೇಸರದ ಸಂಗತಿಯಾಗಿದೆ. ಆದರೆ ವಾಹನ ಜಗತ್ತಿನಲ್ಲಿ ಭಾರತ ಗಳಿಸುತ್ತಿರುವ ವೇಗವನ್ನು ಗಮನಿಸಿದರೆ ಫ್ರಾಂಕ್‌ಫರ್ಟ್‌ನಲ್ಲಿ ಭಾರ ಕಾರುಗಳು ರಾರಾಜಿಸುವ ದಿನಗಳು ಇನ್ನು ಬಹುದೂರವಿಲ್ಲ.

ಷೆವರ್ಲೆ ಸಹ ತನ್ನ ಆಕರ್ಷಕ ಸ್ಪೋರ್ಟ್ಸ್ ಕಾರಾದ ಕ್ಯಾಮರೊದ ನೂತನ ವೆರಿಯಂಟ್ ಸಹ ಇದೇ ಆಟೋ ಶೋದಲ್ಲಿ ಪ್ರದರ್ಶಿಸಿತ್ತು.

ನಿಮ್ಮ ಮಾಹಿತಿಗಾಗಿ, ಫ್ರಾಂಕ್‌ಫರ್ಟ್ ಮೋಟಾರ್ ಶೋದ ಇತಿಹಾಸವು ಸಹ ಅಷ್ಟೇ ರೋಚಕವಾಗಿದೆ. ಮೊದಲ ಐಎಎ ಮೋಟಾರ್ ಶೋ 1897ನೇ ಇಸವಿಯಲ್ಲಿ ಬರ್ಲಿನ್‌ನ ಹೋಟೆಲ್ ಬ್ರಿಸ್ಟಾಲ್‌ನಲ್ಲಿ ಆಯೋಜನೆಯಾಗಿತ್ತು.

ಫ್ರಾಂಕ್‌ಫರ್ಟ್ ಮೋಟಾರ್ ಶೋ ಹಾಗೂ ಫೆರಾರಿ ಕಾರುಗಳಿಗೆ ವಿಶೇಷ ನಂಟಿದೆ. ಈ ಬಾರಿಯೂ ಅದನ್ನು ಸಾಬೀತುಪಡಿಸಿರುವ ಫೆರಾರಿ ವಿಶೇಷವಾ 458 ಸ್ಪೋರ್ಟ್ಸ್ ಕಾರು ಪ್ರದರ್ಶಿಸಿತ್ತು.

ಫ್ರಾಂಕ್‌ಫರ್ಟ್ ಮೋಟಾರ್ ಶೋದ ಆಯೋಜನೆ ಸುಸಜ್ಜಿತ ಮಟ್ಟದಲ್ಲಿರುತ್ತದೆ ಎಂಬುದೇ ಇದರ ಯಶಸ್ಸಿಗೆ ಕಾರಣವಾಗಿದೆ. ಇಲ್ಲಿ ವಾಹನ ಕಂಪನಿಗಳಿಗೆ ತಮ್ಮ ಕಾನ್ಸೆಪ್ಟ್‌ಗಳನ್ನು ಪರಿಚಯಿಸಲು ವಿಶಾಲವಾದ ಪ್ರದರ್ಶನಾ ಶಾಲೆಗಳನ್ನು ಏರ್ಪಡಿಸಲಾಗಿದೆ.

ಜಪಾನ್‌ನ ಇನ್ನೊಂದು ವಾಹನ ತಯಾರಕ ಸಂಸ್ಥೆಯಾದ ಹೋಂಡಾ ತನ್ನ ಜನಪ್ರಿ ಸಿವಿಕ್ ಟೂರರ್ ಸಹ ಇದೇ ಮೋಟಾರ್ ಶೋದಲ್ಲಿ ಪ್ರದರ್ಶಿಸಿದೆ.

ಇನ್ನು ಬ್ರಿಟನ್‌ನ ದೈತ್ಯ ಕಾರು ತಯಾರಕ ಸಂಸ್ಥೆಯಾದ ಜಾಗ್ವಾರ್, ತನ್ನ ಸಿ ಎಕ್ಸ್17 ಕಾನ್ಸೆಪ್ಟ್ ಸಹ ಅದ್ದೂರಿಯಾಗಿ ಅನಾವರಣಗೊಳಿಸಿತ್ತು.

1977ನೇ ಇಸವಿಯಲ್ಲಿ 4 ದಶಲಕ್ಷ ವಾಹನಗಳನ್ನು ಉತ್ಪಾದಿಸುವಲ್ಲಿ ಜರ್ಮನಿ ಯಶಸ್ವಿಯಾಗಿತ್ತು. ಇದರಲ್ಲಿ ಫ್ರಾಂಕ್‌ಫರ್ಟ್ ಮೋಟಾರ್ ಶೋ ಪಾಲು ಬಲುದೊಡ್ಡದಾಗಿತ್ತು.

ಇಟಲಿಯ ಫೇಮಸ್ ಸ್ಪೋರ್ಟ್ಸ್ ಕಾರು ತಯಾರಕ ಸಂಸ್ಥೆಯಾದ ಲಂಬೊರ್ಗನಿ, ತನ್ನ ಗಲರ್ಡೊ ಎಲ್‌ಪಿ 570-4 ಕಾರನ್ನು ಸಹ ಪ್ರದರ್ಶಕ್ಕಿರಿಸಿತ್ತು.

ನಿಸ್ಸಾನ್ ನೂತನ ಕಾನ್ಸೆಪ್ಟ್ ಮಾದರಿಯನ್ನು ಸಹ ಅನಾವರಣಗೊಳಿಸಿತ್ತು. ಪ್ರಸ್ತುತ ಕಾರಿನ ವಿನ್ಯಾಸ ನೋಡುಗರನ್ನು ಮಂತ್ರಮುಗ್ಧಗೊಳಿಸಿತ್ತು.

ಇನ್ನು ತಾವೇನು ಕಮ್ಮಿಯೇನಲ್ಲ ಎಂಬಂತೆ ಆಡಿ ಸಹ ಆಕರ್ಷಕ ಕಾನ್ಸೆಪ್ಟ್‌ಗಳೊಂದಿಗೆ ರಂಗಕ್ಕಿಳಿದಿತ್ತು.

ಆಡಿ ತನ್ನ ಆಕರ್ಷಕ ನ್ಯಾನೂಕ್ ಕ್ವಾಟ್ರೊ ಕಾನ್ಸೆಪ್ಟ್ ಪ್ರದರ್ಶಿಸಿತ್ತು. ಇದು ಕೇವಲ 3.8 ಸೆಕೆಂಡುಗಳಲ್ಲಿ 100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ.

ಫ್ರಾಂಕ್‌ಫರ್ಟ್ ಮೋಟಾರ್ ಶೋ ಭವಿಷ್ಯದ ಕಾರು ಪರಿಕಲ್ಪನೆಯನ್ನು ಪದರ್ಶಿಸಲು ಉತ್ತಮ ವೇದಿಕೆಯೊದಗಿಸಿತ್ತು.

ಇಟಲಿ ವಾಹನ ತಯಾರಕ ಸಂಸ್ಥೆಯಾದ ಜೀಪ್ ಸಹ ತನ್ನ ಆಧುನಿಕ ಕಾನ್ಸೆಪ್ಟ್‌ನೊಂದಿಗೆ ಮುಂದೆ ಬಂದಿತ್ತು.

ಒಟ್ಟಾರೆಯಾಗಿ ಫ್ರಾಂಕ್‌ಫರ್ಟ್‌ನಲ್ಲಿ ಕಾರಿನ ಜತೆ ಜತೆಗೆ ತಂತ್ರಗಾರಿಕೆ ಆವಿಷ್ಕಾರವಾಗಿತ್ತು. ಇದೀಗ ನಿಮ್ಮ ಅನಿಸಿಕೆಗಳನ್ನು ನಮ್ಮ ಜತೆ ಹಂಚಿಕೊಳ್ಳಿರಿ...