Just In
- 5 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 6 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 7 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 7 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬಿಎಂಡಬ್ಲ್ಯು ಎಕ್ಸ್ 4 ಎಕ್ಸ್ಡ್ರೈವ್ 30 ಡಿ ರಿವ್ಯೂ
ಬಿಎಂಡಬ್ಲ್ಯು ಕಂಪನಿಯು ಕೆಲವು ವರ್ಷಗಳ ಹಿಂದೆ ತನ್ನ ಎಕ್ಸ್ 4 ಎಸ್ಯುವಿಯನ್ನು ದೇಶಿಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿತ್ತು. ಈ ಎಸ್ಯುವಿಯು ಮುಂಭಾಗದಲ್ಲಿ ಕ್ರೋಮ್ ಕಿಡ್ನಿ ಗ್ರಿಲ್, ಹಿಂಭಾಗದಲ್ಲಿ ಅಗಲವಾದ ಮಸ್ಕ್ಯುಲರ್ ಹಾಂಚ್ಗಳನ್ನು ಹೊಂದಿದೆ.
ನಾವು ಕೆಲ ದಿನಗಳ ಕಾಲ ಫೇಸ್ಲಿಫ್ಟ್ ಎಕ್ಸ್ 4 ಎಸ್ಯುವಿಯನ್ನು ಚಾಲನೆ ಮಾಡಿದೆವು. ಈ ಎಸ್ಯುವಿಯನ್ನು ಸಿಟಿಯೊಳಗೆ ಹಾಗೂ ಹೆದ್ದಾರಿಯಲ್ಲಿ ಚಾಲನೆ ಮಾಡಲಾಯಿತು. ಈ ಎಸ್ಯುವಿಯ ರೋಡ್ ಟೆಸ್ಟ್ ರಿವ್ಯೂವನ್ನು ಈ ವೀಡಿಯೊದಲ್ಲಿ ನೋಡೋಣ.
ಎಕ್ಸ್'ಟಿರಿಯರ್ ಹಾಗೂ ಡಿಸೈನ್
ಈ ಎಸ್ಯುವಿಯನ್ನು ದೂರದಿಂದ ನೋಡಿದಾಗ ಎಕ್ಸ್ 6 ಎಸ್ಯುವಿಯಂತೆ ಕಾಣುತ್ತದೆ. ಹೊಸ ಎಕ್ಸ್ 4 ಎಕ್ಸ್ ಡ್ರೈವ್ 30 ಡಿ ಎಸ್ಯುವಿಯು ಪ್ರಕಾಶಮಾನವಾದ ಎಲ್ಇಡಿ ಅಡಾಪ್ಟಿವ್ ಹೆಡ್'ಲೈಟ್, ಎಲ್ಇಡಿ ಡಿಆರ್ಎಲ್ ಹಾಗೂ ಫಾಗ್ ಲ್ಯಾಂಪ್'ಗಳನ್ನು ಹೊಂದಿದೆ.
ಈ ಎಸ್ಯುವಿಯು ಗ್ರಿಲ್'ನಲ್ಲಿ ದೊಡ್ಡ ಗಾತ್ರದ ಆಕ್ಟಿವ್ ವೆಂಟ್ ಹೊಂದಿದೆ. ಎಂಜಿನ್ ಬೇಗೆ ಹೆಚ್ಚಿನ ಗಾಳಿಯ ಅಗತ್ಯವಿದ್ದಾಗ ಈ ವೆಂಟ್ ತೆರೆದುಕೊಂಡು ನಂತರ ಮುಚ್ಚಿಕೊಳ್ಳುತ್ತದೆ. ಈ ಎಸ್ಯುವಿಯು ಅಗ್ರೇಸಿವ್ ಬಂಪರ್ ಅನ್ನು ಹೊಂದಿದೆ.
ಸೈಡ್ ಪ್ರೊಫೈಲ್ ಬಗ್ಗೆ ಹೇಳುವುದಾದರೆ ಫೆಂಡರ್ನಲ್ಲಿ ಸಣ್ಣ ಗಾತ್ರದ ಎಂ ಬ್ಯಾಡ್ಜ್ ನೀಡಲಾಗಿದೆ. ಇದರ ಜೊತೆಗೆ ಎಂ ಸೆಗ್'ಮೆಂಟಿನ ಸಿಂಗಲ್-ಟೋನ್ ಬಣ್ಣದ19 ಇಂಚಿನ ಮಲ್ಟಿಸ್ಪೋಕ್ ಅಲಾಯ್ ವ್ಹೀಲ್'ಗಳನ್ನು ನೀಡಲಾಗಿದೆ.
ಈ ಎಸ್ಯುವಿಯ ಸುತ್ತಲೂ ಇರುವ ಸಿಲ್ವರ್ ಕ್ಲಾಡಿಂಗ್ ದೂರದಿಂದ ಮಸ್ಕ್ಯುಲರ್ ಆಗಿ ಕಾಣುತ್ತದೆ. ಈ ಎಸ್ಯುವಿಯ ಸೈಡ್ ಪ್ರೊಫೈಲ್'ನಲ್ಲಿ ಕ್ರೋಮ್ ಬದಲಿಗೆ ಬ್ರಷ್ಡ್ ಅಲ್ಯೂಮಿನಿಯಂ ಬಣ್ಣವನ್ನು ನೀಡಲಾಗಿದೆ.
ಈ ಎಸ್ಯುವಿಯು ಪನೋರಾಮಿಕ್ ಸನ್ರೂಫ್, ರೂಫ್ ಮೇಲೆ ಶಾರ್ಕ್-ಫಿನ್ ಆಂಟೆನಾವನ್ನು ಹೊಂದಿದೆ. ಎಕ್ಸ್ 4 ಎಸ್ಯುವಿಯ ಹಿಂಭಾಗದಲ್ಲಿ ಸ್ಲೀಕ್ ಆದ ಎಲ್ಇಡಿ ಟೇಲ್ಲೈಟ್ ಹಾಗೂ ರಿವರ್ಸ್ ಪಾರ್ಕಿಂಗ್ ಕ್ಯಾಮೆರಾ ನೀಡಲಾಗಿದೆ.
ಈ ಎಸ್ಯುವಿಯಲ್ಲಿ ಬೂಟ್ ತೆರೆಯಲು ಯಾವುದೇ ಬಟನ್ ನೀಡಿಲ್ಲ. ಬದಲಿಗೆ ಬಿಎಂಡಬ್ಲ್ಯು ಲೋಗೊವನ್ನು ಹಿಂದಿನಿಂದ ಒತ್ತಿದರೆ ಬೂಟ್ ತೆರೆದು ಕೊಳ್ಳುತ್ತದೆ.ಈ ಎಸ್ಯುವಿಯು 525-ಲೀಟರ್'ನಷ್ಟು ಗಾತ್ರದ ಬೃಹತ್ ಸ್ಪೇಸ್ ಹೊಂದಿದೆ. ಎರಡನೇ ಸಾಲನ್ನು 60:40 ಆಗಿ ಫೋಲ್ಡ್ ಮಾಡಿದರೆ ಇನ್ನಷ್ಟು ಸ್ಪೇಸ್ ಪಡೆಯಬಹುದು.
ಇಂಟಿರಿಯರ್ ಹಾಗೂ ಫೀಚರ್'ಗಳು
ಬಿಎಂಡಬ್ಲ್ಯು ಎಕ್ಸ್ 4 ನ ಕ್ಯಾಬಿನ್ ಡ್ಯುಯಲ್-ಟೋನ್ ಬಣ್ಣವನ್ನು ಹೊಂದಿದೆ. ಡೋರ್ ಪ್ಯಾನೆಲ್ ಹಾಗೂ ಡ್ಯಾಶ್ಬೋರ್ಡ್ನಲ್ಲಿ ಸಾಕಷ್ಟು ಸಾಫ್ಟ್ ಟಚ್ ಮೇಟಿರಿಯಲ್ ನೀಡಲಾಗಿದೆ.
ಇದರ ಜೊತೆಗೆ ಆಂಡ್ರಾಯ್ಡ್ ಆಟೋ ಹಾಗೂ ಆಪಲ್ ಕಾರ್ ಪ್ಲೇ ಹೊಂದಿರುವ 10.25-ಇಂಚಿನ ಇನ್ಫೋಟೇನ್'ಮೆಂಟ್ ಸಿಸ್ಟಂ ನೀಡಲಾಗಿದೆ. ಇನ್ಸ್ಟ್ರುಮೆಂಟ್ ಕ್ಲಸ್ಟರ್ ಈಗ ಸಂಪೂರ್ಣವಾಗಿ ಡಿಜಿಟಲ್ ಆಗಿದ್ದು, 12.3-ಇಂಚಿನ ಸ್ಕ್ರೀನ್ ಹೊಂದಿದೆ.
ಕಾರಿನ ಮೋಡ್ಗಳನ್ನು ಬದಲಿಸುವಾಗ ಸ್ಕ್ರೀನ್ ಮೇಲಿನ ಡಿಸ್ ಪ್ಲೇಗಳು ಬದಲಾಗುತ್ತವೆ. ಚಾಲಕನ ಅಗತ್ಯಗಳಿಗೆ ಅನುಗುಣವಾಗಿ ಕ್ಲಸ್ಟರ್ ಅನ್ನು ಸಹ ಕಾನ್ಫಿಗರ್ ಮಾಡಬಹುದು. ಎಕ್ಸ್ 4 ಎಸ್ಯುವಿಯು ಹೆಡ್-ಅಪ್ ಡಿಸ್ ಪ್ಲೇಯನ್ನು ಹೊಂದಿಲ್ಲ.
ಲೆದರ್ ನಿಂದ ವ್ರಾಪ್ ಮಾಡಲಾದ ಸ್ಟೀಯರಿಂಗ್ ವ್ಹೀಲ್ ಎಂ ಬ್ಯಾಡ್ಜ್ ಹೊಂದಿದ್ದು, ಹೆಚ್ಚಿನ ಗ್ರಿಪ್ ನೀಡುತ್ತದೆ. ಈ ಎಸ್ಯುವಿಯಲ್ಲಿ ಫ್ಲಾಟ್-ಬಾಟಮ್ ಸ್ಟೀಯರಿಂಗ್ ವ್ಹೀಲ್ ನೀಡಲಾಗಿಲ್ಲ.
ಇನ್ನು ಸೀಟುಗಳ ಬಗ್ಗೆ ಹೇಳುವುದಾದರೆ, ಲೆದರ್'ನಿಂದ ವ್ರಾಪ್ ಮಾಡಲಾದ ಮುಂಭಾಗದ ಸೀಟುಗಳನ್ನು ಎಲೆಕ್ಟ್ರಿಕ್ ಆಗಿ ಅಡ್ಜಸ್ಟ್ ಮಾಡಬಹುದು. ಡ್ರೈವರ್ ಪಕ್ಕದಲ್ಲಿ ಮಾತ್ರ ಸೀಟ್ ಮೆಮೊರಿ ಫಂಕ್ಷನ್ ನೀಡಲಾಗಿದೆ.
ಸೈಡ್ ಬೋಲ್ಸ್ಟರ್ಗಳಿಗೆ ಅಡ್ಜಸ್ಟಬಲ್ ಬಟನ್ ನೀಡಲಾಗಿದೆ. ಹಿಂಭಾಗದ ಸೀಟುಗಳಲ್ಲಿ ಥೈ ಸಪೋರ್ಟ್ ನೀಡಲಾಗಿದೆ. ಈ ಎಸ್ಯುವಿ ಎರಡು ಕಪ್ ಹೋಲ್ಡರ್ ಹೊಂದಿರುವ ಸೆಂಟರ್ ಆರ್ಮ್ ರೆಸ್ಟ್, ಕ್ಲೈಮೇಟ್ ಕಂಟ್ರೋಲ್ ಹಾಗೂ ಎರಡು ಟೈಪ್-ಸಿ ಚಾರ್ಜಿಂಗ್ ಸಾಕೆಟ್ಗಳನ್ನು ನೀಡಲಾಗಿದೆ.
ಹಿಂಭಾಗದಲ್ಲಿ ಮೂವರು ಪ್ರಯಾಣಿಕರು ಕುಳಿತುಕೊಳ್ಳಬಹುದಾದರೂ ಮಧ್ಯದಲ್ಲಿ ಕುಳಿತ ವ್ಯಕ್ತಿಗೆ ಟ್ರಾನ್ಸ್ ಮಿಷನ್ ಟನಲ್ ಅಡ್ಡಿಯಾಗುತ್ತದೆ.
ಎಂಜಿನ್ ಹಾಗೂ ಹ್ಯಾಂಡ್ಲಿಂಗ್
ನಾವು 3-ಲೀಟರ್, ಆರು ಸಿಲಿಂಡರ್, ಡೀಸೆಲ್ ಎಂಜಿನ್ ಹೊಂದಿರುವ ಎಕ್ಸ್ಡ್ರೈವ್ 30 ಡಿ ಎಸ್ಯುವಿಯನ್ನು ಚಾಲನೆ ಮಾಡಿದೆವು. ಈ ಎಂಜಿನ್ 261 ಬಿಹೆಚ್ಪಿ ಪವರ್ ಹಾಗೂ 2,000 - 2,500 ಆರ್ಪಿಎಂ ನಡುವೆ ಗರಿಷ್ಠ 620 ಎನ್ಎಂ ಟಾರ್ಕ್ ಉತ್ಪಾದಿಸುತ್ತದೆ.
ಈ ಎಂಜಿನ್'ನೊಂದಿಗೆಜೋಡಿಸಲಾಗಿರುವ 8-ಸ್ಪೀಡ್ ಗೇರ್ಬಾಕ್ಸ್ ಎಲ್ಲಾ ವ್ಹೀಲ್'ಗಳಿಗೆ ಪವರ್ ಕಳುಹಿಸುತ್ತದೆ. ಈ ಎಸ್ಯುವಿಯು ಕೇವಲ 6 ಸೆಕೆಂಡುಗಳಲ್ಲಿ 0 - 100 ಕಿ.ಮೀ ವೇಗವನ್ನು ಆಕ್ಸಲರೇಟ್ ಮಾಡುತ್ತದೆ.
ಇಕೋ ಪ್ರೊ, ಕಂಫರ್ಟ್, ಸ್ಪೋರ್ಟ್ ಮತ್ತು ಅಡಾಪ್ಟಿವ್ ಎಂಬ ನಾಲ್ಕು ಡ್ರೈವಿಂಗ್ ಮೋಡ್ಗಳನ್ನು ನೀಡಲಾಗಿದೆ. ಇಕೋ ಪ್ರೊ ಮೋಡ್ನಲ್ಲಿ ಸ್ಟೀಯರಿಂಗ್ ಹಗುರವಾಗಿದ್ದು, ಥ್ರೊಟಲ್ ರೆಸ್ಪಾನ್ಸ್ ನಿಧಾನವಾಗಿರುತ್ತದೆ. ಆದರೆ ಇಂಧನವನ್ನು ಉಳಿಸುತ್ತದೆ.
ಕಂಫರ್ಟ್ ಮೋಡ್ನಲ್ಲಿ ಸ್ಟೀಯರಿಂಗ್ ಹಾಗೂ ಥ್ರೊಟಲ್ ರೆಸ್ಪಾನ್ಸ್ ಸ್ವಲ್ಪ ಹೆಚ್ಚಾಗುತ್ತದೆ. ಸಿಟಿಯೊಳಗೆ ಈ ಮೋಡ್'ನಲ್ಲಿ ಚಾಲನೆ ಮಾಡುವಂತೆ ನಾವು ಸಲಹೆ ನೀಡುತ್ತೇವೆ. ಸ್ಪೋರ್ಟ್ ಮೋಡ್ನಲ್ಲಿ, ಥ್ರೊಟಲ್ ರೆಸ್ಪಾನ್ಸ್ ತೀಕ್ಷ್ಣವಾಗಿದ್ದು ಸ್ಟೀಯರಿಂಗ್ ಗಟ್ಟಿಯಾಗಿರುತ್ತದೆ.
ಈ ಮೋಡ್ನಲ್ಲಿ ಹೆಚ್ಚಿನ ಸಾಮರ್ಥ್ಯವನ್ನು ಪಡೆಯಬಹುದು. ಬಿಎಂಡಬ್ಲ್ಯು ಎಕ್ಸ್ 4 ಎಸ್ಯುವಿಯಲ್ಲಿನ ಆರಾಮದಾಯಕ ಸವಾರಿಗಾಗಿ ಸಾಫ್ಟ್ ಸಸ್ಪೆಂಷನ್ನೀಡಲಾಗಿದೆ.
ಈ ಸಸ್ಪೆಂಷನ್'ನಿಂದಾಗಿ ಹಂಪ್ ಹಾಗೂ ಗುಂಡಿಗಳಲ್ಲಿ ಸರಾಗವಾಗಿ ಸಾಗಬಹುದು. ಈ ಎಸ್ಯುವಿಯಲ್ಲಿರುವ ಎನ್ವಿಹೆಚ್ ಹಾಗೂ ಇನ್ಸುಲೇಷನ್ ಲೆವೆಲ್ ಅತ್ಯುತ್ತಮ ಗುಣಮಟ್ಟದಲ್ಲಿರುವ ಕಾರಣ ವಿಂಡೋಗಳನ್ನು ಮುಚ್ಚಿದಾಗ ಹೊರಗಿನ ಶಬ್ದವು ಒಳಗೆ ಕೇಳಿಸುವುದಿಲ್ಲ.
ಕಾರು ಆಲ್-ವೀಲ್-ಡ್ರೈವ್ ಸೆಟಪ್ ಹೊಂದಿರುವುದರಿಂದ ಈ ಎಸ್ಯುವಿಯು ಎಲ್ಲಾ ಮೂಲೆಗಳಿಗೂ ಸರಾಗವಾಗಿ ಸಾಗುತ್ತದೆ. ಸುರಕ್ಷತೆಗಾಗಿ ಈ ಎಸ್ಯುವಿಯಲ್ಲಿ ಆರು ಏರ್ಬ್ಯಾಗ್, ಎಬಿಎಸ್, ಟ್ರಾಕ್ಷನ್ ಕಂಟ್ರೋಲ್, ಕಾರ್ನರಿಂಗ್ ಬ್ರೇಕ್ ಕಂಟ್ರೋಲ್ (ಸಿಬಿಸಿ), ಆಟೋ ಹೋಲ್ಡ್ ಹೊಂದಿರುವ ಎಲೆಕ್ಟ್ರಿಕ್ ಪಾರ್ಕಿಂಗ್ ಬ್ರೇಕ್, ಸೈಡ್-ಇಂಪ್ಯಾಕ್ಟ್ ಪ್ರೊಟೆಕ್ಷನ್, ಎಲೆಕ್ಟ್ರಾನಿಕ್ ವೆಹಿಕಲ್ ಇಮೊಬೈಲೈಸರ್, ಕ್ರ್ಯಾಶ್ ಸೆನ್ಸಾರ್ ಸೇರಿದಂತೆ ಹಲವಾರು ಫೀಚರ್'ಗಳನ್ನು ನೀಡಲಾಗಿದೆ.
ಇನ್ನು ಮೈಲೇಜ್ ಬಗ್ಗೆ ಹೇಳುವುದಾದರೆ, ಈ ಎಸ್ಯುವಿಯು ಸಿಟಿಯೊಳಗೆ ಪ್ರತಿ ಲೀಟರ್ ಡೀಸೆಲ್'ಗೆ 7ರಿಂದ 10ಕಿ.ಮೀ ಮೈಲೇಜ್ ನೀಡಿದರೆ, ಹೈವೇಗಳಲ್ಲಿ11ರಿಂದ 14 ಕಿ.ಮೀ ಮೈಲೇಜ್ ನೀಡುತ್ತದೆ.
ಡ್ರೈವ್ಸ್ಪಾರ್ಕ್ ಅಭಿಪ್ರಾಯ
ಬಿಎಂಡಬ್ಲ್ಯು ಎಕ್ಸ್ 4 ಎಕ್ಸ್ಡ್ರೈವ್ 30 ಡಿ ಎಸ್ಯುವಿ ಬಗ್ಗೆ ನಮ್ಮ ಅಭಿಪ್ರಾಯವನ್ನು ಹೇಳುವುದಾದರೆ ಈ ಎಸ್ಯುವಿಯ ಬೆಲೆ ಎಕ್ಸ್ಶೋರೂಂ ದರದಂತೆ ರೂ.68.88 ಲಕ್ಷಗಳಾಗಿದೆ.
ಈ ಎಸ್ಯುವಿಯು ಸೊಗಸಾದ ಸ್ಟೈಲಿಂಗ್ ಹಾಗೂ ಐಷಾರಾಮಿ ಫೀಚರ್'ಗಳ ಮಿಶ್ರಣವಾಗಿದೆ. ಚಾಲನೆ ಮಾಡಲು ಉತ್ತಮವಾಗಿರುವ ಬಿಎಂಡಬ್ಲ್ಯು ಎಕ್ಸ್ 4 ದೇಶಿಯ ಮಾರುಕಟ್ಟೆಯಲ್ಲಿ ಯಾವುದೇ ನೇರ ಪ್ರತಿಸ್ಪರ್ಧಿಯನ್ನು ಹೊಂದಿಲ್ಲ.
ಈ ಎಸ್ಯುವಿಯಲ್ಲಿ ನಾವು ಹೆಡ್ಸ್-ಅಪ್-ಡಿಸ್ಪ್ಲೇ, ಸ್ವಲ್ಪ ಹೆಚ್ಚು ಆರಾಮದಾಯಕವಾದ ಫ್ರಂಟ್ ಸೀಟ್ ಹಾಗೂ ವಿಭಿನ್ನ ಬಣ್ಣದ ಅಪ್ ಹೊಲೆಸ್ಟರಿಯನ್ನು ಬಯಸಿದ್ದೆವು.