Click it and Unblock the Notifications
ಟ್ರಕ್ ಮಾರಾಟ, ಚೀನಾ ಹಿಂದಿಕ್ಕಿದ ಭಾರತ
ಆದರೆ, ವಾಣಿಜ್ಯ ವಾಹನ ಮಾರಾಟ ಕ್ಷೇತ್ರದಲ್ಲಿ ಆರ್ಥಿಕವಾಗಿ ಸದೃಢವಾಗುತ್ತಿರುವ ಭಾರತ ಚೀನಾವನ್ನು ಹಿಂದೆ ಹಾಕಿ ಮುಂದೆ ಸಾಗಿದೆ. ಪ್ರಸಕ್ತ ವರ್ಷದಲ್ಲಿ ಚೀನಾ ಶೇ.60ರಷ್ಟು ವಾಣಿಜ್ಯ ವಾಹನಗಳ ಮಾರಾಟ ಮಾಡಿದ್ದರೆ, ಭಾರತ ಶೇ.77ರಷ್ಟು ಮಾರಾಟ ಮಾಡಿದೆ. ಟ್ರಕ್ ಮಾರಾಟದಲ್ಲಿ ಭಾರತ ಉಳಿದೆಲ್ಲ ದೇಶಗಳಿಗಿಂತ ಸಾಕಷ್ಟು ಮುಂದಿದೆ.
ಹೊಸ ವಿನ್ಯಾಸದ ನ್ಯಾವಿಸ್ಟರ್ ಟ್ರಕ್ಕನ್ನು ಮಹೀಂದ್ರ ಮತ್ತು ಮಹೀಂದ್ರ ಇತ್ತೀಚೆಗೆ ಬಿಡುಗಡೆ ಮಾಡಿದೆ. ವಿದೇಶಿ ಕಂಪನಿಗಳಾದ ಡೈಮ್ಲರ್, ವೊಲ್ವೋ, ಮ್ಯಾನ್, ಹಿನೋ ಮೋಟರ್ಸ್ ಮತ್ತು ಕಮಜ್ ವೆಕ್ಟ್ರಾ ಕಂಪನಿಗಳು ಹೊಸ ಮಾದರಿಯ ಟ್ರಕ್ಕುಗಳನ್ನು ಭಾರತದ ಮಾರುಕಟ್ಟೆಗೆ ಬಿಡಲು ಸಿದ್ಧವಾಗಿವೆ. ಒಟ್ಟಿನಲ್ಲಿ, ಅತ್ಯಂತ ಸುಸಜ್ಜಿತ, ಹೆಚ್ಚು ಬಾಳಿಕೆ ಬರುವ ಮತ್ತು ಸುಲಭವಾಗಿ ನಿರ್ವಹಿಸಬಹುದಂತಹ ಟ್ರಕ್ಕುಗಳ ಮಾರಾಟಕ್ಕೆ ಭಾರತೀಯ ಮತ್ತು ವಿದೇಶಿ ಕಂಪನಿಗಳ ನಡುವೆ ಭಾರೀ ಪೈಪೋಟಿ ಶುರುವಾಗಿದೆ.
ಟ್ರಕ್ ನಿರ್ಮಿಸುತ್ತಿರುವ ಜಗತ್ತಿನ ಅತಿ ದೊಡ್ಡ ಕಂಪನಿ ಡೈಮ್ಲರ್ ಭಾರತಕ್ಕೆ ಅಡಿಯಿಟ್ಟಿದ್ದು 2011ರಲ್ಲಿ ಸಂಪೂರ್ಣವಾಗಿ ನಿರ್ಮಾಣವಾಗಿರುವ ಟ್ರಕ್ಕುಗಳನ್ನು ಬಿಡುಗಡೆ ಮಾಡಲಿದೆ. ಟ್ರಕ್ ಕೊಳ್ಳಲು ಗ್ರಾಹಕರಿಗೆ ಹಣಕಾಸು ನೆರವು ಕೂಡ ಅತಿ ಸುಲಭದಲ್ಲಿ ದೊರೆಯುತ್ತಿರುವುದರಿಂದ ಮಾರಾಟದ ಪ್ರಮಾಣ ಏರಮುಖಿಯಾಗಿದೆ. ಮುಂದಿನ ತಿಂಗಳುಗಳಲ್ಲಿ ಹೆಚ್ಚಿನ ಮೂಲಸೌಕರ್ಯದ ಭರವಸೆ ದೊರೆತಿರುವುದರಿಂದ ಚೀನಾವನ್ನು ಭಾರತ ಹಿಂದಿಕ್ಕುವುದರಲ್ಲಿ ಸಂದೇಹವಿಲ್ಲ.
Continue with Google