ಬಜೆಟ್ ಪರಿಣಾಮ: ಟೊಯೊಟಾ ಕಾರುಗಳು ದುಬಾರಿ

ಚಿತ್ರಲೋಕ

"ಅಬಕಾರಿ ಮತ್ತು ಆಮದು ಸುಂಕ ಹೆಚ್ಚಾದ ಹಿನ್ನಲೆಯಲ್ಲಿ ಕಂಪನಿಯ ಕಾರು ನಿರ್ಮಾಣ ವೆಚ್ಚ ಹೆಚ್ಚಾಗಿದೆ. ಈ ವೆಚ್ಚ ಹೆಚ್ಚಳವನ್ನು ಗ್ರಾಹಕರ ಮೇಲೆ ವರ್ಗಾಯಿಸುವುದಲ್ಲದೇ ಬೇರೆ ಆಯ್ಕೆಗಳು ನಮ್ಮ ಮುಂದಿಲ್ಲ" ಎಂದು ಟೊಯೊಟಾ ಕಿರ್ಲೊಸ್ಕರ್ ಕಂಪನಿಯ ವ್ಯವಸ್ಥಾಪಕ ನಿರ್ದೇಶಕರು ಹೇಳಿದ್ದಾರೆ.

ಕಂಪನಿಯು ಟೊಯೊಟಾ ಎಟಿಯೋಸ್ ಪೆಟ್ರೋಲ್ ಆವೃತ್ತಿ ದರವನ್ನು ಸುಮಾರು 11,500 ರು.ನಷ್ಟು ಹೆಚ್ಚಿಸಿದೆ. ಎಟಿಯೋಸ್ ಡೀಸೆಲ್ ಆವೃತ್ತಿ ದರ 13,600 ರುಪಾಯಿ ಏರಿಕೆ ಮಾಡಿದೆ. ಎಟಿಯೋಸ್ ಲಿವಾ ಪೆಟ್ರೋಲ್ ಮತ್ತು ಡೀಸೆಲ್ ಆವೃತ್ತಿ ದರವನ್ನು ಕ್ರಮವಾಗಿ 9,500 ರು. ಮತ್ತು 11,500 ರು.ನಷ್ಟು ಏರಿಕೆ ಮಾಡಲಾಗಿದೆ.

ಟೊಯೊಟಾ ಕಂಪನಿಯ ಜನಪ್ರಿಯ ಸ್ಪೋರ್ಟ್ ಯುಟಿಲಿಟಿ ವೆಹಿಕಲ್ ಫಾರ್ಚ್ಯುನರ್ ದರ ಸುಮಾರು 80 ಸಾವಿರ ರುಪಾಯಿ ಏರಿಕೆ ಕಂಡಿದೆ. ಕೊರೊಲಾ ಆಲ್ಟಿಸ್ ಸೆಡಾನ್ ಪೆಟ್ರೋಲ್ ಆವೃತ್ತಿ ದರ 39 ಸಾವಿರ ರುಪಾಯಿ ಹೆಚ್ಚಾಗಿದೆ. ಡೀಸೆಲ್ ಆಲ್ಟಿಸ್ ದರ 26,500 ರುಪಾಯಿಯಷ್ಟು ಏರಿಕೆ ಕಂಡಿದೆ. ಇನ್ನೋವಾ ದರ 32,500 ರು.ವರೆಗೆ ಏರಿಕೆ ಕಂಡಿದೆ.

ಇದರೊಂದಿಗೆ ಆಮದುಮಾಡಿಕೊಳ್ಳುವ ಸಿಬಿಯು ಆವೃತ್ತಿಗಳಾದ ಕ್ಯಾಮ್ರಿ, ಪ್ರಾಡೊ, ಲ್ಯಾಂಡ್ ಕ್ರೂಷರ್ ಮತ್ತು ಪ್ರಿಯೂಸ್ ದರ ಕೂಡ ಏರಿಕೆ ಕಂಡಿದೆ. ಈ ಆವೃತ್ತಿಗಳ ದರ ಹೆಚ್ಚಳ ಮಾಹಿತಿಯನ್ನು ಕಂಪನಿಯು ಶೀಘ್ರದಲ್ಲಿ ಪ್ರಕಟಿಸುವ ನಿರೀಕ್ಷೆಯಿದೆ.

ಮಾರುತಿ ಕಾರುಗಳು ಎಷ್ಟು ದುಬಾರಿಯಾಗಿವೆ?