ದೊಡ್ಡಣ್ಣನಿಗೆ ಜಗತ್ತಿನ ಸಣ್ಣ ಕಾರು- ಟಾಟಾ ನ್ಯಾನೊ

ನ್ಯಾನೊ ಲೋಕ

"ಮುಂದಿನ ಎರಡು ಅಥವಾ ಮೂರು ವರ್ಷಗಳಲ್ಲಿ ಜಗತ್ತಿನ ಅಗ್ಗದ ಕಾರಿನ ಪರಿಷ್ಕೃತ ಮತ್ತು ನೂತನ ನ್ಯಾನೊ ಕಾರನ್ನು ಅಮೆರಿಕಕ್ಕೆ ಪರಿಚಯಿಸಲಿದ್ದೇವೆ" ಎಂದು ಸಂದರ್ಶನವೊಂದರಲ್ಲಿ ಟಾಟಾ ಗ್ರೂಪ್ ಚೇರ್ಮನ್ ರತನ್ ಟಾಟಾ ಹೇಳಿದ್ದಾರೆ.

ಅಮೆರಿಕಕ್ಕೆ ಪರಿಚಯಿಸಲಿರುವ ನ್ಯಾನೊ ಕಾರಲ್ಲಿ ಅಡ್ವಾನ್ಸಡ್ ಬ್ರೇಕಿಂಗ್ ಸಿಸ್ಟಮ್ ಇತ್ಯಾದಿ ಆಧುನಿಕ ಸುರಕ್ಷತೆಯ ಫೀಚರುಗಳು ಇರಲಿದೆ. ಅಮೆರಿಕಕ್ಕೆ ಎಲೆಕ್ಟ್ರಿಕ್ ನ್ಯಾನೊ ಕಾರನ್ನು ಕೂಡ ಕಂಪನಿ ಪರಿಚಯಿಸಲಿದೆಯಂತೆ. "ಅಮೆರಿಕದಲ್ಲಿ ಸುಮಾರು 7 ಸಾವಿರ ಡಾಲರ್ ಗೆ ನ್ಯಾನೊ ಮಾರಾಟ ಮಾಡುವ ನಿರೀಕ್ಷೆಯಿದೆ" ಎಂದು ಟಾಟಾ ಹೇಳಿದ್ದಾರೆ,

ಟಾಟಾ ನ್ಯಾನೊ 2009ರಲ್ಲಿ ರಸ್ತೆಗಿಳಿದಿತ್ತು. ಆದರೆ ಬೆಂಕಿ ಆಕಸ್ಮಿಕ ಇತ್ಯಾದಿ ಕಾರಣಗಳಿಂದ ನ್ಯಾನೊ ಜನಪ್ರಿಯವಾಗಿರಲಿಲ್ಲ. ಆದರೆ ಇತ್ತೀಚೆಗೆ ರಸ್ತೆಗಿಳಿದ 2012ರ ನೂತನ ನ್ಯಾನೊ ಕುರಿತು ಹೆಚ್ಚು ಜನರು ಮೆಚ್ಚುಗೆಯ ಮಾತನಾಡುತ್ತಿದ್ದಾರೆ ಎಂದು ಕಂಪನಿ ಹೇಳಿದೆ. (ಕನ್ನಡ ಡ್ರೈವ್ ಸ್ಪಾರ್ಕ್)