ಫೋಕ್ಸ್ ವ್ಯಾಗನ್ ಡೀಸೆಲ್ ವೆಂಟೊ ರಸ್ತೆಗೆ, ದರ 8.56 ಲಕ್ಷ ರು.

ಚಿತ್ರಲೋಕ

ಬಾಡಿ ಬಣ್ಣದ ಡೋರ್ ಹ್ಯಾಂಡಲ್ ಮತ್ತು ಮಿರರ್, ಸಿಡಿ ಮತ್ತು ರೆಡಿಯೊ, ಎಂಪಿ3 ಪ್ಲೇಯರ್ ಮ್ಯೂಸಿಕ್ ಸಿಸ್ಟಮ್, ಹಿಂಭಾಗದ ಸೀಟಿಗೂ ಆರ್ಮ್ ರೆಸ್ಟ್, ಮುಂಭಾಗ ಮತ್ತು ಹಿಂಭಾಗದಲ್ಲಿ ಮಿಣುಕು ದೀಪ(ಫಾಗ್ ಲ್ಯಾಂಪ್), ಹೊಂದಾಣಿಕೆ ಮಾಡಿಕೊಳ್ಳಬಹುದಾದ ಡ್ರೈವರ್ ಸೀಟು, ಎಲೆಕ್ಟ್ರಿಕ್ ನೆರವಿನಿಂದ ಹೊಂದಾಣಿಕೆ ಮಾಡಿಕೊಳ್ಳಬಹುದಾದ ರಿಯರ್ ಮಿರರ್ ಇತ್ಯಾದಿ ಹಲವು ಆಸಕ್ತಿದಾಯಕ ಫೀಚರುಗಳನ್ನು ನೂತನ ವೆಂಟೊ ಹೊಂದಿದೆ.

"ನಾವು ವೆಂಟೊ ಪರಿಚಯಿಸಿದಾಗಿನಿಂದ ಮಿಡ್ ಲೆವೆಲ್ ಟೈಂಲೈನ್ ಕಾರೊಂದನ್ನು ಹೊರತರುವಂತೆ ಗ್ರಾಹಕರು ಪ್ರೀತಿಯಿಂದ ಒತ್ತಾಯಿಸುತ್ತಿದ್ದರು" ಎಂದು ಫೋಕ್ಸ್ ವ್ಯಾಗನ್ ಪ್ರಯಾಣಿಕ ಕಾರು ವಿಭಾಗದ ನಿರ್ದೇಶಕರಾದ ನೀರಜ್ ಗಾರ್ಗ್ ಹೇಳಿದ್ದಾರೆ.

ಆಟೋಮ್ಯಾಟಿಕ್ ಗೇರ್ ಆಯ್ಕೆ, ಪೆಟ್ರೋಲ್ ಮತ್ತು ಡೀಸೆಲ್ ಆಯ್ಕೆ ಸೇರಿದಂತೆ ಒಟ್ಟು ಏಳು ಟ್ರಿಮ್ ಆಯ್ಕೆಗಳಲ್ಲಿ ವೆಂಟೊ ಸೆಡಾನ್ ದೊರಕಲಿದೆ. ನೂತನ ವೆಂಟೊ 1.6 ಲೀಟರಿನ ಎಂಪಿಐ ಪೆಟ್ರೋಲ್ ಎಂಜಿನ್ ಹೊಂದಿದ್ದು 105 ಹಾರ್ಸ್ ಪವರ್ ಮತ್ತು 140 ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ.

ನೂತನ ವೆಂಟೊ 1.6 ಲೀಟರಿನ ಟಿಡಿಐ ಟರ್ಬೊ ಡೀಸೆಲ್ ಆಯ್ಕೆಯಲ್ಲೂ ದೊರಕುತ್ತದೆ. ಡೀಸೆಲ್ ಎಂಜಿನ್ 105 ಹಾರ್ಸ್ ಪವರ್ ಮತ್ತು 250 ಎನ್ಎಂ ಟಾರ್ಕ್ ಪವರ್ ನೀಡುತ್ತದೆ. ಎಲ್ಲಾ ಆವೃತ್ತಿಗಳೂ 5 ಸ್ಪೀಡಿನ ಮ್ಯಾನುಯಲ್ ಗೇರ್ ಬಾಕ್ಸ್ ಹೊಂದಿದೆ. ಬೇಕಿದ್ರೆ ಸೀಮಿತ ಆವೃತ್ತಿಗಳನ್ನು ಆಟೋಮ್ಯಾಟಿಕ್ ಗೇರ್ ಬಾಕ್ಸ್ ಆಯ್ಕೆಯಲ್ಲೂ ಖರೀದಿಸಬಹುದು.