ವರ್ಷಕ್ಕೊಂದು ಕಾರು ತರಲು ವೊಲ್ವೊ ಯೋಜನೆ

ಚಿತ್ರಲೋಕ

ವೊಲ್ವೊ ಆಟೊ ಇಂಡಿಯಾ ಕಂಪನಿಯು ಈ ಕುರಿತು ಚೀನಾದ ಜೆಲಿ ಆಟೋಮೊಬೈಲ್ ಜೊತೆ ಮೈತ್ರಿಮಾಡಿಕೊಂಡು ಕಾರ್ಯತಂತ್ರ ರೂಪಿಸುತ್ತಿದೆ. ದೇಶದಲ್ಲಿ ವಹಿವಾಟು ವಿಸ್ತರಿಸಲು ಜೆಲಿ ಆಟೋಮೊಬೈಲ್ ಹೆಚ್ಚು ಆಸಕ್ತಿ ವಹಿಸಿದ್ದು, ಇತ್ತೀಚೆಗೆ 50 ಮುಖ್ಯ ಕಾರ್ಯನಿರ್ವಹಕರೊಂದಿಗೆ ಕಂಪನಿಯು ಈ ಕುರಿತು ಚರ್ಚೆ ನಡೆಸಿದೆ ಎಂದು ವೊಲ್ಒ ಇಂಡಿಯಾದ ಮುಖ್ಯಸ್ಥ ಥೋಮಸ್ ಎರ್ನ್ ಬರ್ಗ್ ಹೇಳಿದ್ದಾರೆ.

ಇದರೊಂದಿಗೆ ಮುಂದಿನ ಐದು ವರ್ಷಗಳ ಕಾಲ ಪ್ರತಿವರ್ಷವೂ ಒಂದೊಂದು ಕಾರುಗಳನ್ನು ದೇಶಕ್ಕೆ ಪರಿಚಯಿಸುವ ಕಾರ್ಯತಂತ್ರ ರೂಪಿಸಲಾಗಿದೆ ಎಂದು ಥೋಮಸ್ ಹೇಳಿದ್ದಾರೆ. ಜರ್ಮನ್ ದೇಶದ ಪ್ರತಿಸ್ಪರ್ಧಿ ಕಂಪನಿಗಳೊಂದಿಗೆ ಸಮರ್ಥವಾಗಿ ಸ್ಪರ್ಧೆ ನಡೆಸಲು ವೊಲ್ವೊ ಕಂಪನಿಗೆ ಇಲ್ಲಿವರೆಗೆ ಸಾಧ್ಯವಾಗಿಲ್ಲ. ವೊಲ್ವೊ ಕಾರುಗಳು ಹೆಚ್ಚು ದುಬಾರಿಯಾಗಿರುವುದು ಕೂಡ ಇದಕ್ಕೆ ಪ್ರಮುಖ ಕಾರಣವಾಗಿದೆ.

ಮುಂದಿನ ದಿನಗಳಲ್ಲಿ ಸಣ್ಣದಾದ ಮತ್ತು ಹೆಚ್ಚು ಇಂಧನ ದಕ್ಷತೆಯ ಕಾರುಗಳನ್ನು ಪರಿಚಯಿಸಲು ವೊಲ್ವೊ ಯೋಜಿಸಿದೆ. ಕಂಪನಿಯು ಈಗ ಪರಿಚಯಿಸಿರುವ ಕಾರುಗಳು ವಿ6 ಮತ್ತು ವಿ8 ಎಂಜಿನ್ ಹೊಂದಿವೆ. ಇದರ ಬದಲಿಗೆ ಸಣ್ಣದಾದ 1.6 ನಿಂದ 2 ಲೀಟರ್ ಸಾಮರ್ಥ್ಯದ ಎಂಜಿನ್ ಕಾರುಗಳನ್ನು ಪರಿಚಯಿಸಲು ಕಂಪನಿ ಯೋಜಿಸಿದೆ.