ಜನವರಿ 7 ಬಿಗ್ ಡೇ; ಹೋಂಡಾ ಸಿಟಿ ಲಾಂಚ್

ದೇಶದ ವಾಹನೋದ್ಯಮ ಪಾಲಿಗೆ ಅದರಲ್ಲೂ ವಿಶೇಷವಾಗಿ ಪ್ರಯಾಣಿಕ ಕಾರು ವಿಭಾಗಕ್ಕೆ 2014 ಜನವರಿ 7, ಮಹತ್ತರ ದಿನವಾಗಲಿದೆ. ಯಾಕೆಂದರೆ ನೂತನ ಹೋಂಡಾ ಸಿಟಿ ಸಡಾನ್ ಕಾರು ದೇಶದ ರಸ್ತೆ ಪ್ರವೇಶಿಸಲಿದೆ.

ದೇಶದ ಕಾರುಗಳ ಪಾಲಿಗೆ ಅತಿ ಹೆಚ್ಚು ಇಂಧನ ಕ್ಷಮತೆಯುಳ್ಳ ಕಾರೆಂಬ ಹಿರಿಮೆಗೆ ಪಾತ್ರವಾಗಿರುವ ಹೋಂಡಾ ಸಿಟಿ ಡೀಸೆಲ್ ಕಾರು ಈಗಾಗಲೇ ಜನಮನ ಗೆದ್ದಿದೆ.

ಇಷ್ಟೆಲ್ಲ ಆದರೂ ದೇಶದ ಮಾರುಕಟ್ಟೆ ದೃಷ್ಟಿಕೋನದಲ್ಲಿ ಸ್ಮರ್ಧಾತ್ಮಕ ದರಗಳಲ್ಲಿ ಆಗಮನವಾಗಬೇಕಾಗಿರುವುದು ಅತಿ ಅಗತ್ಯವಾಗಿದೆ. ಸದ್ಯ ಬಂದಿರುವ ಮಾಹಿತಿಗಳ ಪ್ರಕಾರ ಹೋಂಡಾ ಸಿಟಿ ಸೆಡಾನ್ ಕಾರಿನ ಆರಂಭಿಕ ದರ 8 ಲಕ್ಷ ರು.ಗಳ ಅಸುಪಾಸಿನಲ್ಲಿರಲಿದೆ. ಹಾಗೆಯೇ ಟಾಪ್ ಎಂಡ್ ವೆರಿಯಂಟ್ 11ರಿಂದ 12 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ. ಇದು ಒಟ್ಟು ಐದು ವೆರಿಯಂಟ್‌ಗಳಲ್ಲಿ ಲಭ್ಯವಾಗಲಿದೆ. ಅವುಗಳೆಂದರೆ ಇ, ಎಸ್, ಎಸ್‌ವಿ, ವಿ ಮತ್ತು ವಿಎಕ್ಸ್.