ಕೋಲ್ಕತ್ತಾದಲ್ಲಿ ಅಂಬಾಸಿಡರ್‌ಗೆ ಟಾಟಾ ಪ್ರತಿಸ್ಪರ್ಧಿ

ನಾವು ಈ ಹಿಂದೆ ಸೂಚಿಸಿರುವಂತೆಯೇ ಕೋಲ್ಕತ್ತಾದಲ್ಲಿ ಹಿಂದೂಸ್ತಾನ್ ಮೋಟಾರ್ಸ್‌ನ ಅಂಬಾಸಿಡರ್ ಟ್ಯಾಕ್ಸಿಗಳು ಹೆಚ್ಚಿನ ಯಶಸ್ಸನ್ನು ಗಳಿಸಿದೆ. ಅಂಬಿಗೆ ಪಶ್ಚಿಮ ಬಂಗಾಳದ ರಾಜಧಾನಿಯಲ್ಲಿ ನಿಷ್ಠೆಯ ಗ್ರಾಹಕರಿರುವುದೇ ಬಹುತೇಕ ಟ್ಯಾಕ್ಸಿ ವಿಭಾಗವನ್ನು ವಶಪಡಿಸಿಕೊಳ್ಳಲು ನೆರವಾಗಿದೆ.

ಈ ವರೆಗೆ ಕೋಲ್ಕತ್ತಾ ಟ್ಯಾಕ್ಸಿ ವಿಭಾಗದಲ್ಲಿ ಅಂಬಾಸಿಡರ್ ಕಾರನ್ನು ಯಾರೂ ಎದುರು ಹಾಕುವಂತಿರಲಿಲ್ಲ. ಆದರೆ ಇದೀಗ ದೇಶದ ಮುಂಚೂಣಿಯ ವಾಹನ ತಯಾರಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, ಇಂಡಿಗೊ ಸೆಡಾನ್ ವರ್ಷನ್ ಟ್ಯಾಕ್ಸಿ ಬಿಡುಗಡೆಗೊಳಿಸುವ ಮೂಲಕ ನಿಕಟ ಪ್ರತಿಸ್ಫರ್ಧಿ ಸಿದ್ಧಗೊಳಿಸಿದೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಟಾಟಾ ಮೋಟಾರ್ಸ್ ಪ್ರಕಾರ, ಇಂಧನ ಕ್ಷಮತೆಯನ್ನು ರುಪಾಯಿಗೆ ಪರಿವರ್ತಿಸಿದರೆ ದಿನಂಪ್ರತಿ 180 ಕೀ.ಮೀ. ಚಲಿಸಿದರೆ ರು. 350 ಉಳಿಸಬಹುದಾಗಿದೆ ಎಂದು ತಿಳಿಸಿದೆ. ಇದರ ಜತೆಗೆ ಆಕರ್ಷಕ ಹಣಕಾಸು ಯೋಜನೆ ಕೂಡಾ ಬಿಡುಗಡೆ ಮಾಡಿದ್ದು, ಯಾವುದೇ ಡೌನ್ ಪೇಮೆಂಟ್ ಇಲ್ಲದೆಯೇ ಹಳೆ ಕಾರುಗಳನ್ನು ಹೊಸ ಕಾರಿನೊಂದಿಗೆ ಎಕ್ಸ್‌ಚೇಂಜ್ ಮಾಡಬಹುದಾಗಿದೆ.

ಹಾಗಿದ್ದರೂ ಕಡಿಮೆ ನಿರ್ವಹಣಾ ವೆಚ್ಚ ಹೊಂದಿರುವ ಅಂಬಾಸಿಡರ್, ಈಗಾಗಲೇ ಕೋಲ್ಕತ್ತಾ ರಸ್ತೆಗಳಲ್ಲಿ ರಾಜನಂತೆ ಮೆರೆದಾಡುತ್ತಿದ್ದು, ಇದನ್ನು ಇಂಡಿಗೊ ಹೇಗೆ ಓವರ್‌ಟೇಕ್ ಮಾಡಲಿದೆ ಎಂಬುದನ್ನು ಕಾದುನೋಡಬೇಕಾಗಿದೆ.