ರುಪಾಯಿ ಅಪಮೌಲ್ಯ; ಟೊಯೊಟಾ ಕಾರು ದರ ಏರಿಕೆ?

ಡಾಲರ್ ಎದುರಿಗೆ ರುಪಾಯಿ ಅಪಮೌಲ್ಯ ಇದೇ ರೀತಿ ಮುಂದುವರಿದರೆ ಅಕ್ಟೋಬರ್ ತಿಂಗಳ ವೇಳೆಗೆ ಅನಿವಾರ್ಯವಾಗಿ ಕಾರು ದರ ಏರಿಕೆಗೊಳಿಸಬೇಕಾಗುತ್ತದೆ ಎಂದು ಜಪಾನ್‌ನ ದೈತ್ಯ ಕಾರು ತಯಾರಕ ಸಂಸ್ಥೆಯಾಗಿರುವ ಟೊಯೊಟಾ ಪ್ರಕಟಣೆಯಲ್ಲಿ ತಿಳಿಸಿದೆ.

ಭಾರತದಲ್ಲಿ ಕಿರ್ಲೊಸ್ಕರ್ ಸಂಸ್ಥೆ ಪಾಲುದಾರಿಕೆ ಹೊಂದಿರುವ ಟೊಯೊಟಾ, ಟೊಯೊಟಾ ಕಿರ್ಲೊಸ್ಕರ್ ಮೋಟಾರ್ (ಕೆಟಿಎಂ) ಮುಖಾಂತರ ದೇಶದಲ್ಲಿ ಕಾರುಗಳನ್ನು ಮಾರಾಟ ಮಾಡುತ್ತಿವೆ.

ಡ್ರೈವ್ ಸ್ಪಾರ್ಕ್ ಗ್ಯಾಲರಿ

ಇತ್ತೀಚೆಗಷ್ಟೇ ಟೊಯೊಟಾ ಫಾರ್ಚ್ಯುನರ್ ಹಾಗೂ ಕ್ಯಾಮ್ರಿ ದರಗಳನ್ನು ಶೇಕಡಾ 1ರಷ್ಟು ಏರಿಕೆಗೊಳಿಸಲಾಗಿತ್ತು. ಅಂದ ಹಾಗೆ ಈಗಾಗಲೇ ಇಂಡೋನೇಷ್ಯಾ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿರುವ ಟೊಯೊಟಾ ಫಾರ್ಚ್ಯುನರ್ ಹಾಗೂ ಇನ್ನೋವಾ ಫೇಸ್‌ಲಿಫ್ಟ್ ಆವೃತ್ತಿಗಳು ಸದ್ಯದಲ್ಲೇ ಭಾರತ ಮಾರುಕಟ್ಟೆಗೆ ಪ್ರವೇಶಿಸಲಿದೆ. ಆದರೆ ಈ ಎರಡು ಜನಪ್ರಿಯ ಆವೃತ್ತಿಗಳಿಗೆ ಬೆಲೆಯೇರಿಕೆ ಬಿಸಿ ಮುಟ್ಟಲಿದೆಯೇ ಎಂಬುದನ್ನು ಕಾದು ನೋಡಬೇಕಾಗಿದೆ.