ಜ. 6ರಂದು ಆಡಿ ಸ್ಪೋರ್ಟ್ಸ್ ಕಾರು ದೇಶದಲ್ಲಿ ಲಾಂಚ್

ಜರ್ಮನಿಯ ಐಷಾರಾಮಿ ಕಾರು ತಯಾರಕ ಸಂಸ್ಥೆಯಾಗಿರುವ ಆಡಿ ಹೊಸ ವರ್ಷದಲ್ಲಿ ನೂತನ ಆರ್‌ಎಸ್7 ಸ್ಪೋರ್ಟ್ಸ್ ಸೆಡಾನ್ ಕಾರನ್ನು ಭಾರತಕ್ಕೆ ಪರಿಚಯಿಸಲಿದೆ. ಇದು ಎ7 ಸೆಡಾನ್ ಕಾರಿನ ನಿರ್ವಹಣಾ ವರ್ಷನ್ ಎನಿಸಿಕೊಳ್ಳಲಿದೆ.

ಪ್ರಸ್ತುತ ಆರ್‌ಎಸ್7 ಸ್ಪೋರ್ಟ್ಸ್ ಸೆಲೂನ್ ಕಾರು ಜನವರಿ 6ರಂದು ಬಿಡುಗಡೆಯಾಗಲಿದೆ. ಪ್ರಮುಖವಾಗಿಯೂ ಮರ್ಸಿಡಿಸ್ ಬೆಂಝ್ ಎಎಂಜಿ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಿ ಕಾಣಿಸಿಕೊಳ್ಳಲಿದೆ. ಪ್ರಸ್ತುತ ಕಾರು ಮರ್ಸಿಡಿಸ್ ಬೆಂಝ್ ಇ63 ಎಎಂಜಿ ಮತ್ತು ಬಿಎಂಡಬ್ಲ್ಯು ಎಂ5 ಆವೃತ್ತಿಗೆ ಪೈಪೋಟಿ ನೀಡಲಿದೆ.

ಇದು ಗಂಟೆಗೆ 250 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ. ಹಾಗಿದ್ದರೂ ಜಾಗತಿಕ ಮಾರುಕಟ್ಟೆಯಲ್ಲಿ ಈ ವೇಗ ಗಂಟೆಗೆ 305 ಕೀ.ಮೀ. ವರೆಗೂ ವರ್ಧನೆಯಾಗಲಿದೆ. ಅದೇ ರೀತಿ ಕೇವಲ 3.9 ಸೆಕೆಂಡುಗಳಲ್ಲಿ ಗಂಟೆಗೆ 100 ಕೀ.ಮೀ. ವೇಗವರ್ಧಿಸುವ ಸಾಮರ್ಥ್ಯ ಹೊಂದಿದೆ. ಅಂತಿಮವಾಗಿ ದರದ ಬಗ್ಗೆ ಮಾತನಾಡುವುದಾದ್ದಲ್ಲಿ ಆಡಿ ಆರ್‌ಎಸ್ 7 ಸೆಡಾನ್ ಐಷಾರಾಮಿ ಕಾರು 1.5 ಕೋಟಿ ರು.ಗಳಷ್ಟು ದುಬಾರಿಯಾಗಲಿದೆ.