2018ರ ವೇಳೆಗೆ 7 ಆಲ್ಫಾ ರೊಮಿಯೊ ಸ್ಪೋರ್ಟ್ಸ್ ಕಾರುಗಳು ಲಾಂಚ್

ಫಿಯೆಟ್ ಗ್ರೂಪ್ ಆಟೋಮೊಬೈಲ್ಸ್‌ನ ಭಾಗವಾಗಿರುವ ಆಲ್ಫಾ ರೊಮಿಯೊ, ಜಗತ್ತಿನ ದುಬಾರಿ ಸ್ಪೋರ್ಟ್ಸ್ ಕಾರು ಬ್ರಾಂಡ್‌ಗಳಲ್ಲಿ ಒಂದಾಗಿದೆ. ಸರಿ ಸುಮಾರು 100 ವರ್ಷಕ್ಕೂ ಹಿಂದೆ ಸ್ಥಾಪಿತಗೊಂಡ ಈ ಐಕಾನಿಕ್ ಬ್ರಾಂಡ್ ಇಟಲಿ ಮೂಲದವರೇ ಆದ ಫಿಯೆಟ್ 2007ನೇ ಇಸವಿಯಲ್ಲಿ ತನ್ನದಾಗಿಸಿಕೊಂಡಿತ್ತು.

ಪ್ರಸ್ತುತ ಆಲ್ಫಾ ರೊಮಿಯೊ ಐಷಾರಾಮಿ ಕಾರು ಬ್ರಾಂಡ್ ಅನ್ನು ಸಕ್ರಿಯವಾಗಿಸುವ ಯೋಜನೆಯಲ್ಲಿರುವ ಫಿಯೆಟ್, 2018ರ ವೇಳೆಯಾಗುವಾಗ ಏಳು ನೂತನ ಆಲ್ಫಾ ರೊಮಿಯೊ ಕಾರುಗಳನ್ನು ಪರಿಚಯಿಸುವ ಯೋಜನೆ ಹೊಂದಿದೆ.

ಒಟ್ಟಾರೆಯಾಗಿ ಆಲ್ಫಾ ರೊಮಿಯೊ ದುಬಾರಿ ಕನ್ವರ್ಟಿಬಲ್, ಸೆಡಾನ್ ಹಾಗೂ ವ್ಯಾಗನ್ ಕಾರುಗಳು ಮುಂಬರುವ ವರ್ಷಗಳಲ್ಲಿ ಕಾಣಸಿಗಲಿದೆ. ಇವೆಲ್ಲವೂ ಕಂಪನಿಗೆ ಲಗ್ಷುರಿ ಕಾರು ಮಾರುಕಟ್ಟೆಯಲ್ಲಿ ಇನ್ನು ಎತ್ತರಕ್ಕೆ ಬೆಳೆಯಲು ನೆರವಾಗಲಿದೆ.