ಮಾರುತಿ, ಹ್ಯುಂಡೈ ಕುಸಿತದ ನಡುವೆ ಹೋಂಡಾ ಬೇಟೆ

ದೇಶದ ಸಂಪ್ರದಾಯಿಕ ಕಾರು ತಯಾರಕ ಸಂಸ್ಥೆಗಳಾಗಿರುವ ಮಾರುತಿ ಸುಜುಕಿ ಹಾಗೂ ಹುಂಡ್ಯೈ ಇಂಡಿಯಾ ಕುಸಿತ ಅನುಭವಿಸಿರುವ ಹೊರತಾಗಿಯೂ ಜಪಾನ್ ಮೂಲದ ಹೋಂಡಾ ಕಾರು ತಯಾರಕ ಸಂಸ್ಥೆಯು 2014 ಫೆಬ್ರವರಿ ತಿಂಗಳ ಮಾರಾಟದಲ್ಲಿ ಭರ್ಜರಿ ಶೇಕಡಾ 123ರಷ್ಟು ಪ್ರಗತಿ ಸಾಧಿಸುವಲ್ಲಿ ಯಶಸ್ವಿಯಾಗಿದೆ.

ಇಲ್ಲಿ ಯಾವುದೇ ಅಚ್ಚರಿಯಿಲ್ಲವೆಂಬಂತೆ ಹೋಂಡಾದ ನೂತನ 2014 ಸಿಟಿ ಕಾರು ಅತ್ಯಂತ ಹೆಚ್ಚು ಮಾರಾಟ ಗಿಟ್ಟಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಇದಕ್ಕೆ ಅಮೇಜ್ ಕಾಂಪಾಕ್ಟ್ ಸೆಡಾನ್ ಕಾರು ನೆರವಾಗಿದೆ.

ಇನ್ನುಳಿದಂತೆ 2013 ಎಪ್ರಿಲ್ ತಿಂಗಳಿಂದ 2014 ಮಾರ್ಚ್ ತಿಂಗಳ ವರೆಗಿನ ಅವಧಿ ಪರಿಗಣಿಸಿದಾಗ ಹೋಂಡಾ ಮಾರಾಟದಲ್ಲಿ ಶೇಕಡಾ 83ರಷ್ಟು ವರ್ಧನೆ ದಾಖಲಿಸಿಕೊಂಡಿದೆ. ಈ ಅವಧಿಯಲ್ಲಿ ಹೋಂಡಾ ಒಟ್ಟು 115,913 ಯುನಿಟ್‌ಗಳನ್ನು ಮಾರಾಟ ಮಾಡಿವೆ. ಕಳೆದ ಬಾರಿಯಿದು 63,439 ಯುನಿಟ್‌ಗಳಷ್ಟಿತ್ತು.

ಉಳಿದಂತೆ ಹೋಂಡಾ ಬ್ರಿಯೊ ಹ್ಯಾಚ್‌ಬ್ಯಾಕ್ 1235, ಸಿಆರ್‌ವಿ ಎಸ್‌ಯುವಿ 65 ಹಾಗೂ 252 ಯುನಿಟ್‌ಗಳನ್ನು ರಫ್ತು ಮಾಡುವಲ್ಲಿ ಕಂಪನಿ ಯಶ ಕಂಡಿದೆ. ಆಟೋ ತಜ್ಞರ ಪ್ರಕಾರ ಹೋಂಡಾ ಮಾರಾಟ ಬೇಟೆ ಮಾರ್ಚ್ ತಿಂಗಳಲ್ಲೂ ಮುಂದುವರಿಯುವ ಸಾಧ್ಯತೆಯಿದೆ.