ಲಂಬೋರ್ಗಿನಿಯಿಂದ ಹೊಸ ರೇಸರ್ ಕಾರು ಲಾಂಚ್

ಇಟಲಿಯ ಸೂಪರ್ ಕಾರು ತಯಾರಕ ಸಂಸ್ಥೆಯಾಗಿರುವ ಲಂಬೋರ್ಗಿನಿ ಇತ್ತೀಚೆಗಷ್ಟೇ ಹೊಸ ತಲೆಮಾರಿನ ಹ್ಯುರಕೇನ್ ಎಲ್‌ಪಿ 620-2 ಸೂಪರ್ ಟ್ರೋಫಿಯೊ ರೇಸರ್ ಕಾರನ್ನು ಬಿಡುಗಡೆಗೊಳಿಸಿದೆ.

ಲಂರ್ಬೋಗಿನಿಯ ಹೊಸ ರೇಸರ್ ಕಾರನ್ನು ಸಂಸ್ಥೆಯ ಮೋಟಾರ್‌ಸ್ಪೋರ್ಟ್ ವಿಭಾಗ ವಿನ್ಯಾಸಗೊಳಿಸಿದೆ. ಅಲ್ಲದೆ ಕೆಲವು ದಿನಗಳ ಹಿಂದೆಯಷ್ಟೇ ಅಮೆರಿಕದ ಕ್ಯಾಲಿಫೋರ್ನಿಯಾದಲ್ಲಿ ನಡೆದ ಮಾನಿಟರಿ ಕಾರ್ ವೀಕ್‌ನಲ್ಲಿ ಪ್ರದರ್ಶಿಸಲಾಗಿತ್ತು.

ಇನ್ನು ದೇಹದ ಭಾರವನ್ನು ಹಗುರಗೊಳಿಸುವ ನಿಟ್ಟಿನಲ್ಲಿ ಕಾಂಪೋಸಿಟ್ ಉಪಕರಣಗಳ ಬಳಕೆ ಮಾಡಲಾಗಿದೆ. ಅಂತೆಯೇ ಇದರ ವಿ10 ಎಂಜಿನ್ ಬರೋಬ್ಬರಿ 620 ಅಶ್ವಶಕ್ತಿ (570 ಎನ್‌ಎಂ) ಉತ್ಪಾದಿಸಲಿದ್ದು, 6 ಸ್ಪೀಡ್ ಸಿಕ್ವೇನ್ಸಿಯಲ್ ಗೇರ್ ಬಾಕ್ಸ್ ಇರಲಿದೆ.

ಅದೇ ರೀತಿ ಇದರಲ್ಲಿರು ಎಂಒಟಿಇಸಿ ಎಂ181 ಘಟಕವು, ಮಾಹಿತಿ, ಗೇರ್ ಬದಲಾವಣೆ ಮತ್ತು ಡ್ಯಾಶ್‌ಬೋರ್ಡ್‌ನಲ್ಲಿರುವ ಹೊಸ ಟಿಎಫ್‌ಟಿ ಪರದೆಯನ್ನು ನಿಯಂತ್ರಿಸಲಿದೆ.