ರುಕ್, ಜಾನಾ ನಹಿ; ಅಂತಿಮ ಮಾರುತಿ 800 ಕಾರು ರಸ್ತೆಗೆ

ಈ ಮೊದಲೇ ತಿಳಿಸಿರುವಂತೆಯೇ ಐಕಾನಿಕ್ ಮಾರುತಿ 800 ಉತ್ಪಾದನೆಯನ್ನು ಕೊನೆಗೊಳಿಸಲಾಗಿದೆ. ಇದರಂತೆ ಅಂತಿಮ ಮಾರುತಿ 800 ಕಾರನ್ನು ಬಿಡುಗಡೆಗೊಳಿಸಲಾಗಿದೆ.

2014 ಜನವರಿ 18ರಿಂದ ಅನ್ವಯವಾಗುವಂತೆ ಮಾರುತಿ 800 ಉತ್ಪಾದನೆಯನ್ನು ದೇಶದ ಅತಿದೊಡ್ಡ ವಾಹನ ತಯಾರಕ ಸಂಸ್ಥೆಯಾಗಿರುವ ಮಾರುತಿ ಸುಜುಕಿ ನಿಲುಗಡೆಗೊಳಿಸಿತ್ತು. ಈ ಮೂಲಕ ಕಳೆದ ಮೂರು ದಶಕಗಳಲ್ಲಿ 2.9 ಮಿಲಿಯನ್ ಯಶಸ್ವಿ ಗ್ರಾಹಕರನ್ನು ಪೆಡಿದಿದ್ದ ಮಾರುತಿ 800 ತನ್ನ ಜೈತ್ರಯಾತ್ರೆಯನ್ನು ಕೊನೆಗೊಳಿಸಿತ್ತು.

ಈ ನಡುವೆ ದೇಶದ ಪ್ರಖ್ಯಾತ ಹಾಲು ಉತ್ಪಾದಕ ಸಂಸ್ಥೆಯಾಗಿರುವ ಅಮೂಲ್, ವಿಶೇಷ ಚಿತ್ರವೊಂದನ್ನು ಬಿಡುಗಡೆ ಮಾಡಿದ್ದು, ಇದರಲ್ಲಿ ಮಾರುತಿ 800 ನಮ್ಮನ್ನು ಬಿಟ್ಟು ಹೋಗದಂತೆ ವಿನಂತಿಸಿಕೊಳ್ಳಲಾಗುತ್ತಿದೆ.