ರಾಜ್ಯದಲ್ಲಿ ಮಹೀಂದ್ರ ಟ್ರಾಕ್ಟರುಗಳ ದರ ಏರಿಕೆ

ವರ್ಷಾಂತ್ಯದಲ್ಲಿ ಕೇವಲ ಕಾರು ತಯಾರಿಕ ಸಂಸ್ಥೆಗಳು ಮಾತ್ರ ದರ ಏರಿಕೆ ಘೋಷಣೆ ಮಾಡಿಲ್ಲ. ಇದರಲ್ಲಿ ಮಹೀಂದ್ರ ಆಂಡ್ ಮಹೀಂದ್ರ ಲಿಮಿಟೆಡ್‌ನ ಫಾರ್ಮ್ ಎಕ್ಯೂಪ್‌ಮೆಂಟ್ ವಿಭಾಗ (ಎಫ್‌ಇಎಸ್) ಕೂಡಾ ಸೇರಿದೆ.

ಹೌದು, ಟ್ರಾಕ್ಟರ್ ದರಗಳನ್ನು ಏರಿಕೆಗೊಳಿಸಲು ಮಹೀಂದ್ರ ನಿರ್ಧರಿಸಿದೆ. ಕರ್ನಾಟಕದಲ್ಲಿ ಮಹೀಂದ್ರ ಟ್ರಾಕ್ಟರುಗಳು ಕಳೆದ ಬಾರಿಗಿಂತ ಶೇಕಡಾ 1ರಷ್ಟು ದುಬಾರಿಯೆನಿಸಲಿದೆ. ಅಂದರೆ 4,000 ರು.ಗಳಿಂದ 4,500 ರು.ಗಳ ವರೆಗೆ ವರ್ಧನೆ ಕಂಡುಬರಲಿದೆ. ಇದು ರೈತರ ಮೇಲೆ ನೇರ ಪರಿಣಾಮ ಬೀರುವ ಸಾಧ್ಯತೆಯಿದೆ.

ದೇಶದ ಅತಿದೊಡ್ಡ ಟ್ರಾಕ್ಟರ್ ತಯಾರಕ ಸಂಸ್ಥೆಯಾಗಿರುವ ಮಹೀಂದ್ರ ಫಾರ್ಮ್ ಎಕ್ಯೂಪ್‌ಮೆಂಟ್ ಸೆಕ್ಟರ್, ಜಗತ್ತಿನಲ್ಲಿ ಅತ್ಯಂತ ದೊಡ್ಡ ಮಾರುಕಟ್ಟೆಯನ್ನು ಹೊಂದಿದೆ. ಅಮೆರಿಕ, ಚೀನಾ, ಆಸ್ಟ್ರೇಲಿಯಾ ಸೇರಿದಂತೆ ವಿಶ್ವದ ಆರು ಖಂಡಗಳಲ್ಲೂ ಮಹೀಂದರ್ ಟ್ರಾಕ್ಟರುಗಳು ಮಾರಾಟವಾಗುತ್ತಿದೆ.