ಆಸ್ಟನ್ ಮಾರ್ಟಿನ್ ಖರೀದಿಸಲಿರುವ ಬೆಂಝ್?

ಜಗತ್ತಿನ ಎರಡು ಐಕಾನಿಕ್ ಸಂಸ್ಥೆಗಳು ಸದ್ಯದಲ್ಲೇ ಒಂದಾಗಲಿದೆ. ಬಲ್ಲ ಮೂಲಗಳ ಪ್ರಕಾರ ಆಸ್ಟನ್ ಮಾರ್ಟಿನ್ ಸದ್ಯದಲ್ಲೇ ಮರ್ಸಿಡಿಸ್ ಬೆಂಝ್ ತೆಕ್ಕೆಗೆ ಸೇರಿಕೊಳ್ಳುವ ಸಾಧ್ಯತೆಯಿದೆ.

ಬಲ್ಲ ಮೂಲಗಳ ಪ್ರಕಾರ ಜರ್ಮನಿಯ ಐಷಾರಾಮಿ ವಾಹನ ತಯಾರಕ ಸಂಸ್ಥೆಯಾದ ಬೆಂಝ್ ಇಂತಹದೊಂದು ಯೋಜನೆಯನ್ನು ಹೊಂದಿದೆ. ಈಗಾಗಲೇ ಆಸ್ಟನ್ ಮಾರ್ಟಿನ್ ಜತೆ ತಂತ್ರಗಾರಿಕೆ ಪಾಲುದಾರಿಕೆ ಹೊಂದಿರುವ ಬೆಂಝ್, ಈ ಬ್ರಿಟಿಷ್ ಬ್ರಾಂಡ್ ಅನ್ನು ಕೊಂಡುಕೊಳ್ಳುವ ಇರಾದೆ ಹೊಂದಿದೆ.

2013 ಡಿಸೆಂಬರ್‌ನಲ್ಲಿ ನಡೆದ ಒಪ್ಪಂದದಂತೆ ಆಸ್ಟನ್ ಮಾರ್ಟಿನ್‌ಗೆ ಬೆಂಝ್ ಹೊಸ ಎಂಜಿನ್‌ಗಳನ್ನು ಪೂರೈಕೆ ಮಾಡುತ್ತಿದೆ. ಇದರ ಪ್ರತಿಫಲವೆಂಬಂತೆ ಮುಂದಿನ ಜನಾಂಗದ ಆಸ್ಟನ್ ಮಾರ್ಟಿನ್ ವ್ಯಾಂಟೇಜ್ ಕಾರುಗಳು ಶಕ್ತಿಶಾಲಿ ಬೆಂಝ್ ಎಎಂಜಿ ವಿ8 ಎಂಜಿನ್‌ನಿಂದ ನಿಯಂತ್ರಿಸಲ್ಪಡಲಿದೆ.