ತ್ವರೆ ಮಾಡಿ; ಟಾಟಾದಲ್ಲಿ 3,000 ಉದ್ಯೋಗವಕಾಶಗಳು

ದೇಶದ ಅತಿ ದೊಡ್ಡ ವಾಹನ ತಯಾರಿಕ ಸಂಸ್ಥೆಯಾಗಿರುವ ಟಾಟಾ ಮೋಟಾರ್ಸ್, ಹೊಸದಾಗಿ 3,000 ಉದ್ಯೋಗಿಗಳನ್ನು ನೇಮಕ ಮಾಡಲು ನಿರ್ಧರಿಸಿದೆ. ಬಲ್ಲ ಮೂಲಗಳ ಪ್ರಕಾರ ಟಾಟಾದಿಂದ ನೇಮಕಗೊಳ್ಳಲಿರುವ ಉದ್ಯೋಗಿಗಳು ದೇಶದಲ್ಲಿ ಸ್ಥಿತಗೊಂಡಿರುವ 200 ಡೀಲರ್‌ಶಿಪ್‌ಗಳಲ್ಲಿ ಕೆಲಸ ಮಾಡಲಿದ್ದಾರೆ.

ಇದರಲ್ಲಿ ಟೀಮ್ ಲೀಡರ್, ಸೇಲ್ಸ್ ಮ್ಯಾನೇಜರ್, ಕಸ್ಟಮರ್ ಅಡೈಸರ್ ಮುಂತಾದ ಕೆಲಸಗಳು ಸೇರಿವೆ. ಈ ನಿಟ್ಟಿನಲ್ಲಿ ಅರ್ಹ ಅಭ್ಯರ್ಥಿಗಳ ಅರ್ಜಿಗಳಿಂದ ತಾತ್ಕಾಲಿಕ ಪಟ್ಟಿ ರೂಪಿಸಲಿರುವ ಸಂಸ್ಥೆಯು ಬಳಿಕ ನೇಮಕ ಪ್ರಕ್ರಿಯೆ ಪೂರ್ಣಗೊಳಿಸಲಿದೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಸಂಸ್ಥೆಯು, ಗ್ರಾಹಕರಿಗೆ ಉತ್ಕೃಷ್ಟ ಖರೀದಿ ಅನುಭವ ನೀಡುವುದು ಸಂಸ್ಥೆಯ ಗುರಿಯಾಗಿದೆ. ಈ ನಿಟ್ಟಿನಲ್ಲಿ ಶೋ ರೂಂಗಳನ್ನು ಪರಿಷ್ಕೃತಗೊಳಿಸುವುದು, ಹೊಸ ಡೀಲರ್‌ಶಿಪ್‌ಗಳ ಸ್ಥಾಪನೆಯಾಗುತ್ತಿದೆ ಎಂದಿದೆ.