2016ರಲ್ಲಿ ದಟ್ಸನ್ ಅಗ್ಗದ ಕಾರು ಭಾರತಕ್ಕೆ

By Nagaraja

Published: Monday, March 23, 2015, 9:14 [IST]

ದಟ್ಸನ್ ಬಜೆಟ್ ಕಾರು ಮಾಲಿಕತ್ವದ ಜಪಾನ್ ಮೂಲಕ ದೈತ್ಯ ವಾಹನ ತಯಾರಿಕ ಸಂಸ್ಥೆಯಾಗಿರುವ ನಿಸ್ಸಾನ್, ಮುಂದಿನ ವರ್ಷ ಮಗದೊಂದು ಅಗ್ಗದ ಮಾದರಿ ದೇಶಕ್ಕೆ ಪರಿಚಯಿಸಲಿದೆ. ಈಗಗಾಲೇ ದಟ್ಸನ್ ಬ್ರಾಂಡ್ ನಲ್ಲಿ ಎರಡು ಮಾದರಿಗಳನ್ನು ಪರಿಚಯಿಸಿರುವ ನಿಸ್ಸಾನ್ ಗ್ರಾಹಕರ ಕೈಗೆಟುಕುವ ದರಗಳಲ್ಲಿ ನೂತನ ಮಾದರಿ ಬಿಡುಗಡೆ ಮಾಡುವ ಯೋಜನೆ ಹೊಂದಿದೆ.

ಇದುವರೆಗೆ ಭಾರತದಲ್ಲಿ ಬಿಡುಗಡೆಯಾದ ದಟ್ಸನ್ ಮಾದರಿಗಳು:

ಹ್ಯಾಚ್ ಬ್ಯಾಕ್ ವಿಭಾಗ - ದಟ್ಸನ್ ಗೊ
ಎಂಪಿವಿ ವಿಭಾಗ - ದಟ್ಸನ್ ಗೊ ಪ್ಲಸ್ (4 ಮೀಟರ್ ಒಳಗಡೆ)

ಈಗಿರುವ ದಟ್ಸನ್ ಮಾದರಿಗಿಂತಲೂ ಕಡಿಮೆ ಬೆಲೆಯಲ್ಲಿ ನೂತನ ಕಾರು ಬಿಡುಗಡೆ ಮಾಡುವುದು ನಿಸ್ಸಾನ್ ಯೋಜನೆಯಾಗಿದೆ. ಈ ಮೂಲಕ ಸಣ್ಣ ಕಾರು ವಿಭಾಗದಲ್ಲಿ ಅತಿ ಹೆಚ್ಚು ಸದ್ದು ಮಾಡುತ್ತಿರುವ ದೇಶದ ನಂ.1 ಪ್ರಯಾಣಿಕ ಕಾರು ಸಂಸ್ಥೆ ಮಾರುತಿಗೆ ಕಠಿಣ ಪ್ರತಿಸ್ಪರ್ಧೆಯನ್ನು ಒಡ್ಡಲಿದೆ.

2016ನೇ ಸಾಲಿನಲ್ಲಿ ಬಿಡುಗಡೆಯಾಗಲಿರುವ ಹೊಸ ಕಾರು ನಿಸ್ಸಾನ್ ಹಾಗೂ ದಟ್ಸನ್ ತಳಹದಿಯಲ್ಲಿ ನಿರ್ಮಾಣವಾಗಲಿದೆ. ಇದನ್ನು 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪರಿಚಯಿಸಲಾಗಿದ್ದು ರೆಡಿ-ಗೊ ಕಾನ್ಸೆಪ್ಟ್ ಮಾದರಿಯಿಂದ ಪ್ರೇರಣೆ ಪಡೆದು ರಚಿಸಲಾಗುವುದು.

ವಿಶೇಷವೆಂದರೆ ಐ2 ಎಂಬ ಹೆಸರು ಪಡೆದುಕೊಂಡಿರುವ ದಟ್ಸನ್ ಸಣ್ಣ ಕಾರು ಭಾರತದಲ್ಲೇ ತಯಾರಿಯಾಗಲಿದೆ. ಇದು ಸ್ಪರ್ಧಾತ್ಮಕ ಬೆಲೆ ಕಾಪಾಡಲು ಸಹಕಾರಿಯಾಗಲಿದೆ. ಒಟ್ಟಿನಲ್ಲಿ ಸುರಕ್ಷತೆ ಮುಂತಾದ ಗುಣಮಟ್ಟತೆಯನ್ನು ಕಾಯ್ದುಕೊಳ್ಳುವಲ್ಲಿ ದಟ್ಸನ್ ಹೇಗೆ ಯಶಸ್ವಿಯಾಗಲಿದೆ ಎಂಬುದು ಮುಂದಿನ ದಿನಗಳಲ್ಲಷ್ಟೇ ತಿಳಿದು ಬರಲಿದೆ.