ಹ್ಯುಂಡೈ ಕ್ರೆಟಾಗೆ ಭಾರಿ ಬೇಡಿಕೆ; ಕಾರಣ ಏನು ?

Published: Friday, October 16, 2015, 12:30 [IST]

ಕೆಲವು ತಿಂಗಳುಗಳ ಹಿಂದೆಯಷ್ಟೇ ಮಾರುಕಟ್ಟೆ ಪ್ರವೇಶಿಸಿರುವ ಹ್ಯುಂಡೈ ಕ್ರೆಟಾ ಕಾಂಪಾಕ್ಟ್ ಕ್ರೀಡಾ ಬಳಕೆಯ ವಾಹನಕ್ಕೆ (ಎಸ್‌ಯುವಿ) ಭಾರಿ ಬೇಡಿಕೆ ವ್ಯಕ್ತವಾಗುತ್ತಿದ್ದು, ಮುಂಗಡ ಬುಕ್ಕಿಂಗ್ ಮಾಡಿದ ಗ್ರಾಹಕರು ತಮ್ಮ ಕಾರಿನ ಆಗಮನಕ್ಕಾಗಿ ಆರು ತಿಂಗಳಷ್ಟು ಕಾಲ ಕಾಯಬೇಕಾದ ಪರಿಸ್ಥಿತಿ ಎದುರಾಗಿದೆ.

2015 ಜುಲೈ 21 ಬಿಡುಗಡೆಗೂ ಮುನ್ನವೇ 10,000 ಯುನಿಟ್ ಗಳಷ್ಟು ಮುಂಗಡ ಬುಕ್ಕಿಂಗ್ ದಾಖಲಿಸಿರುವ ಹ್ಯುಂಡೈ ಕ್ರೆಟಾ ಆಗಲೇ 40,000 ಯುನಿಟ್ ಗಳ ಬುಕ್ಕಿಂಗ್ ಸಂಖ್ಯೆಯನ್ನು ದಾಟಿದೆ. ಅಷ್ಟಕ್ಕೂ ನೂತನ ಹ್ಯುಂಡೈ ಕ್ರೆಟಾ ಇಷ್ಟೊಂದು ಪ್ರಯಾಣದಲ್ಲಿ ವಾಹನ ಪ್ರೇಮಿಗಳ ಮೆಚ್ಚುಗೆಗೆ ಪಾತ್ರವಾಗಲಿರುವ ಕಾರಣಗಳೇನು ? ಮುಂದಕ್ಕೆ ಓದಿ

ಅದ್ಭುತ ರಸ್ತೆ ಸಾನಿಧ್ಯ

ಒಂದೇ ವಾಕ್ಯದಲ್ಲಿ ಹೇಳಬೇಕಾದರೆ ಪರಿಣಾಮಕಾರಿ ವಿನ್ಯಾಸ ಮೈಗೂಡಿಸಿರುವ ಬಂದಿರುವ ಹ್ಯುಂಡೈ ಕ್ರೆಟಾ, ಅದ್ಭುತ ರಸ್ತೆ ಸಾನಿಧ್ಯವೇ ಕಾರಿನ ಆಕರ್ಷಣೆಗೆ ಕಾರಣವಾಗಿದೆ. ಅಲ್ಲದೆ ಎಲ್ಲ ಹಂತದಲ್ಲೂ ಮಾರುತಿ ಎಸ್ ಕ್ರಾಸ್ ಮಾದರಿಯನ್ನು ಹಿಮ್ಮೆಟ್ಟಿಸಿದೆ.

ಪ್ರತಿಸ್ಪರ್ಧಿಗಳು

ಈ ವಿಭಾಗದಲ್ಲಿ ರೆನೊ ಡಸ್ಟರ್, ಮಹೀಂದ್ರ ಎಕ್ಸ್‌ಯುವಿ500 ಹಾಗೂ ಮಾರುತಿ ಎಸ್-ಕ್ರಾಸ್ ಮಾದರಿಗಳನ್ನು ಪರಿಗಣಿಸಿದಾಗ ನೂತನ ಕ್ರೆಟಾ ತಾಜಾತನದ ವಿನ್ಯಾಸವನ್ನು ಪಡೆದುಕೊಂಡಿದೆ.

ವಿನ್ಯಾಸ ಸ್ಪೂರ್ತಿ

ಹ್ಯುಂಡೈ ಫ್ಲೂಯಿಡಿಕ್ 2.0 ಡಿಸೈನ್ ತಂತ್ರಗಾರಿಕೆಯಿಂದ ಸ್ಪೂರ್ತಿ ಪಡೆದಿರುವ ಹ್ಯುಂಡೈ ಕ್ರೆಟಾ, ದೇಶದ ಅತ್ಯಂತ ಜನಪ್ರಿಯ ಐ20 ಹ್ಯಾಚ್ ಬ್ಯಾಕ್ ಕಾರಿನ ತಳಹದಿಯಲ್ಲಿ ನಿರ್ಮಾಣವಾಗಿದೆ.

ಆಯಾಮ

4270 ಎಂಎಂ ಉದ್ದ, 1780 ಎಂಎಂ ಅಗಲ, 1630 ಎಂಎಂ ಎತ್ತರ ಹಾಗೂ 2590 ಎಂಎಂ ಚಕ್ರಾಂತರವನ್ನು ಹೊಂದಿರುವ ಹ್ಯುಂಡೈ ಕ್ರೆಟಾ, ರೆನೊ ಡಸ್ಟರ್ ಹಾಗೂ ನಿಸ್ಸಾನ್ ಟೆರನೊಗಿಂತಲೂ ಹೆಚ್ಚು ಸ್ಥಳಾವಕಾಶವನ್ನು ಪಡೆದುಕೊಂಡಿದೆ.