ಢಿಕ್ಕಿ ಪರೀಕ್ಷೆಯಲ್ಲಿ ಒಂದು ಸ್ಟಾರ್ ರೇಟಿಂಗ್ ಗೆದ್ದ ಬಜಾಜ್ ಕ್ಯೂಟ್

ದೇಶದಲ್ಲಿ ಕಾನೂನು ತೊಡಕು ಎದುರಾಗಿರುವ ಹಿನ್ನಲೆಯಲ್ಲಿ ಬಜಾಜ್ ಕ್ಯೂಟ್ ಬಿಡುಗಡೆ ವಿಳಂಬವಾಗುತ್ತಿದೆ.

By Nagaraja

Published: Friday, November 18, 2016, 17:56 [IST]

ಗ್ಲೋಬಲ್ ನ್ಯೂ ಕಾರ್ ಅಸ್ಸೆಸ್ಮೆಂಟ್ ಪ್ರೋಗ್ರಾಂ ನಡೆಸಿರುವ ಢಿಕ್ಕಿ ಪರೀಕ್ಷೆಯಲ್ಲಿ ಬಜಾಜ್ ಕ್ಯೂಟ್ ಕ್ವಾಡ್ರಾಸೈಕಲ್ ವಾಹನವು ಒಂದು ಸ್ಟಾರ್ ರೇಟಿಂಗ್ ಗೆಲ್ಲುವಲ್ಲಿ ಯಶಸ್ವಿ ಕಂಡಿದೆ. ಜನಪ್ರಿಯ ಪ್ರಯಾಣಿಕ ಕಾರುಗಳೇ ಜಾಗತಿಕ ಮಟ್ಟದ ಕ್ರಾಶ್ ಟೆಸ್ಟ್ ನಲ್ಲಿ ಭಾರಿ ವೈಫಲ್ಯವನ್ನು ಅನುಭವಿಸಿರುವ ಈ ವೇಳೆಯಲ್ಲಿ ಬಜಾಜ್ ಕ್ಯೂಟ್ ಏಕೈಕ ಸ್ಟಾರ್ ಗೆದ್ದಿರುವುದು ಗಮನ ಸೆಳೆದಿದೆ.

ಢಿಕ್ಕಿ ಪರೀಕ್ಷೆಯಲ್ಲಿ ಒಂದು ಸ್ಟಾರ್ ರೇಟಿಂಗ್ ಗೆದ್ದ ಬಜಾಜ್ ಕ್ಯೂಟ್

ದೇಶದಲ್ಲಿ ಕಾನೂನಿನ ತೊಡಕು ಎದುರಾಗಿರುವ ಹಿನ್ನಲೆಯಲ್ಲಿ ನಿರ್ಮಾಣ ಸ್ವರೂಪ ಪಡೆದಿರುವ ಹೊರತಾಗಿಯೂ ಬಜಾಜ್ ಕ್ಯೂಟ್ ಬಿಡುಗಡೆ ಕನಸು ಇನ್ನು ನನಸಾಗಿಲ್ಲ.

ಎದುರುಗಡೆಯಿಂದ ನಡೆಸಿರುವ ಢಿಕ್ಕಿ ಪರೀಕ್ಷೆಯಲ್ಲಿ ಕ್ಯೂಟ್ ರಚನೆಯು ಅಸ್ಥಿರವಾಗಿರುವುದು ಕಂಡುಬಂದಿದೆ. ಹಾಗಾಗಿ ಹೆಚ್ಚಿನ ಭಾರ ತುಂಬುವುದು ಅಪಾಯಕಾರಿಯೆನಿಸಿಕೊಳ್ಳಲಿದೆ.

ಬದಿಯಲ್ಲಿ ನಡೆಸಿರುವ ಪರೀಕ್ಷೆಯಲ್ಲಿ ಢಿಕ್ಕಿ ಹೊಡೆದ ಭಾಗದಲ್ಲಿ ಎ ಪಿಲ್ಲರ್ ನಿಂದ ಡೋರ್ ಬೇರ್ಪಟ್ಟಿದೆ. ಇನ್ನು ಒಳಗೆ ಕುಳಿತುಕೊಂಡ ಪ್ರಯಾಣಿಕನಿಗೂ ನೋವು ಸಂಭವಿಸುವ ಭೀತಿಯಿದೆ.

ಎದುರುಗಡೆಯಿಂದ ಢಿಕ್ಕಿ ಹೊಡೆಯುವಾಗ ಕೃತಕ ಮಾನವನ ತಲೆಯು ನೇರವಾಗಿ ಸ್ಟೀರಿಂಗ್ ವೀಲ್ ಮೇಲೆ ಅಪ್ಪಳಿಸುತ್ತದೆ. ಇಲ್ಲಿ ಯಾವುದೇ ಏರ್ ಬ್ಯಾಗ್ ಸೌಲಭ್ಯವಿಲ್ಲದಿರುವುದರಿಂದ ಗಾಯಗಳಾಗುವ ಸಂಭವ ಜಾಸ್ತಿಯಾಗಿರುತ್ತದೆ.

ಹಾಗಿದ್ದರೂ ಕುತ್ತಿಗೆಗೆ ನೀಡಲಾಗುತ್ತಿರುವ ರಕ್ಷಣೆಯು ಮೆಚ್ಚುಗೆಗೆ ಪಾತ್ರವಾಗಿದೆ ಎಂಬುದನ್ನು ಗ್ಲೋಬಲ್ ಎನ್ ಸಿಎಪಿ ಪ್ರತ್ಯೇಕವಾಗಿ ಉಲ್ಲೇಖಿಸಿದೆ.

ಇನ್ನು ಮೊಣಕಾಲು, ಎಲುಬು ಮತ್ತು ಸೊಂಟದ ರಕ್ಷಣೆಯು ಕಳಪೆ ಮಟ್ಟದಲ್ಲಿದೆ. ಎದೆಯ ಭಾಗದ ರಕ್ಷಣೆಯಲ್ಲೂ ಹಿನ್ನಡೆ ಅನುಭವಿಸಿದೆ.

ಕಳೆದ ಅಕ್ಟೋಬರ್ ತಿಂಗಳಲ್ಲಿ ಪರಿಚಯವಾಗಿರುವ ಬಜಾಜ್ ಕ್ಯೂಟ್ ಇದುವರೆಗೆ 19 ದೇಶಗಳಿಗೆ 334 ಯುನಿಟ್ ಗಳಷ್ಟು ರಫ್ತು ಮಾಡಲಾಗಿದೆ.

ಆರಂಭದಲ್ಲಿ ಆರ್‌ಇ60 ಎಂಬ ಹೆಸರಿನಿಂದ ಗುರುತಿಸಿಕೊಂಡಿದ್ದ ಬಜಾಜ್ ನ ಬಹುನಿರೀಕ್ಷಿತ ಕ್ವಾಡ್ರಾಸೈಕಲ್ ಮಾದರಿಗೆ ಕಾನೂನು ತೊಡಕು ಎದುರಾಗಿದೆ. ಇದಕ್ಕೆ ಕೇಂದ್ರ ಸರಕಾರ ಇನ್ನಷ್ಟೇ ನಿಶಾನೆ ನೀಡಬೇಕಿದೆ.