ಸದ್ದಿಲ್ಲದೆ ಬೆಂಗಳೂರಿಗೆ ಎಂಟ್ರಿ ಕೊಟ್ಟ ವೋಲ್ವೋ ಹೈಬ್ರಿಡ್ ಬಸ್

ವೋಲ್ವೋ ಹೈಬ್ರಿಡ್ ಬಸ್ಸುಗಳು ವಾಯು ಮಾಲಿನ್ಯ ತಡೆಯಲು ಸಹಕಾರಿಯಾಗಲಿದ್ದು, ಹೆಚ್ಚು ಪರಿಸರ ಸ್ನೇಹಿ ಎನಿಸಿಕೊಳ್ಳಲಿದೆ.

ವೋಲ್ವೋ ಹೈಬ್ರಿಡ್ ಬಸ್ಸಿನಲ್ಲಿ ಡೀಸೆಲ್ ಎಂಜಿನ್ ಮತ್ತು ಲಿಥಿಯಂ ಇಯಾನ್ ಎಲೆಕ್ಟ್ರಿಕ್ ಮೋಟಾರು ಬಳಕೆ ಮಾಡಲಾಗುವುದು.

ಕಡಿಮೆ ವೇಗದಲ್ಲಿ ಸಂಚರಿಸುವಾಗ, ಬಾಗಿಲು ಮುಚ್ಚುಗಡೆಗೊಳಿಸಲು, ಸ್ಟೀರಿಂಗ್ ಮತ್ತು ಇತರ ಹೈಡ್ರಾಲಿಕ್ ಪ್ರಕ್ರಿಯೆಗಳಿಗೆ ಬ್ಯಾಟರಿ ಚೈತನ್ಯವನ್ನು ಬಳಕೆ ಮಾಡಲಾಗುವುದು.

'ರಿ ಜರೇಟಿವ್ ಬ್ರೇಕಿಂಗ್' ಮೂಲಕ ಬ್ಯಾಟರಿ ಚಾರ್ಜ್ ಆಗಲಿದೆ. ಇವೆಲ್ಲದರ ಮುಖಾಂತರ ಶೇಕಡಾ 30ರಷ್ಟು ಡೀಸೆಲ್ ಉಳಿಸಬಹುದಾಗಿದೆ.

ವೋಲ್ವೋ ಹೈಬ್ರಿಡ್ ಬಸ್ಸುಗಳಿಗೆ ಕೇಂದ್ರ ಸರಕಾರದ ಫೇಮ್ (Faster Adoption & manufacturing of Electric and Hybrid Vehicle) ಯೋಜನೆಯ ಪ್ರಕಾರ 61 ಲಕ್ಷ ರು.ಗಳಷ್ಟು ಸಬ್ಸಿಡಿಯೂ ದೊರಕಲಿದೆ.

ಹೊಸಕೋಟೆಯಲ್ಲಿರುವ ವೋಲ್ವೋ ಘಟಕದಲ್ಲಿ ಹೈಬ್ರಿಡ್ ಬಸ್ಸುಗಳನ್ನು ಜೋಡಣೆ ಮಾಡಲಾಗುವುದು. ಆದರೆ ಬ್ಯಾಟರಿಗಳಂತಹ ಮುಖ್ಯ ಘಟಕಗಳನ್ನು ಆಮದು ಮಾಡಲಾಗುವುದು.