ಷೆವರ್ಲೆ ಕಾರುಗಳಿಗೆ 3 ಲಕ್ಷ ರು.ಗಳಷ್ಟು ಭರ್ಜರಿ ಬೆಲೆ ಕಡಿತ

ಹಬ್ಬದ ಸಂಭ್ರಮದ ವೇಳೆಯಲ್ಲಿ ಗರಿಷ್ಠ ಮಾರಾಟವನ್ನು ಗುರಿ ಮಾಡಿರುವ ಅಮೆರಿಕ ಮೂಲದ ಷೆವರ್ಲೆ ಸಂಸ್ಥೆಯು ಜನಪ್ರಿಯ ಟ್ರೈಲ್ ಬ್ಲೇಜರ್ ಮತ್ತು ಎಂಜಾಯ್ ಕಾರುಗಳಿಗೆ ಭಾರಿ ಬೆಲೆ ಕಡಿತ ಘೋಷಿಸಿದೆ.

By Nagaraja

Updated: Thursday, October 20, 2016, 13:56 [IST]

ಭಾರತದಲ್ಲಿ ಷೆವರ್ಲೆ ಕಾರುಗಳ ಬೆಲೆಗಳಲ್ಲಿ ಭಾರಿ ಕಡಿತವುಂಟಾಗಿದೆ. ಇದರಲ್ಲಿ ಪ್ರಮುಖವಾಗಿಯೂ ಎಂಜಾಯ್ ಬಹು ಬಳಕೆಯ ವಾಹನ ಹಾಗೂ ಟ್ರೈಲ್ ಬ್ಲೇಜರ್ ಬೆಲೆಗಳಲ್ಲಿ ಭರ್ಜರಿ ಇಳಿಕೆ ಕಂಡುಬಂದಿದೆ. ಹಬ್ಬದ ಸಂಭ್ರಮದ ಅಂಗವಾಗಿ ಷೆವರ್ಲೆ ಟ್ರೈಲ್ ಬ್ಲೇಜರ್ ಮತ್ತು ಎಂಜಾಯ್ ಬೆಲೆಗಳಲ್ಲಿ ಅನುಕ್ರಮವಾಗಿ 3.04 ಹಾಗೂ 1.94 ಲಕ್ಷ ರು.ಗಳಷ್ಟು ಇಳಿಕೆ ಕಂಡುಬಂದಿದೆ.

ಷೆವರ್ಲೆ ಕಾರುಗಳಿಗೆ 3 ಲಕ್ಷ ರು.ಗಳಷ್ಟು ಭರ್ಜರಿ ಬೆಲೆ ಕಡಿತ

ಷೆವರ್ಲೆ ಎಂಜಾಯ್ ಬೆಲೆಗಳಲ್ಲಿ ಭಾರಿ ಕಡಿತ ಮಾಡಿರುವುದರೊಂದಿಗೆ ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ ನೂತನ ಬೆಲೆಗಳು 4.99 ಲಕ್ಷ ರು.ಗಳಿಂದ 7.24 ಲಕ್ಷ ರು.ಗಳಷ್ಟು ದುಬಾರಿಯೆನಿಸಲಿದೆ.

ಇದಕ್ಕೂ ಮೊದಲು ಷೆವರ್ಲೆ ಟ್ರೈಲ್ ಬ್ಲೇಜರ್ ದೆಹಲಿ ಎಕ್ಸ್ ಶೋ ರೂಂ ಬೆಲೆಯ ಪ್ರಕಾರ 26.99 ಲಕ್ಷ ರು.ಗಳಲ್ಲಿ ಬಿಡುಗಡೆಯಾಗಿತ್ತು. ಈಗ 3.04 ಲಕ್ಷ ರು.ಗಳಷ್ಟು ಇಳಿಕೆಯೊಂದಿಗೆ ಇದರ ಬೆಲೆ 23.95 ಲಕ್ಷ ರು.ಗಳಿಗೆ ಬಂದು ತಲುಪಿದೆ.

ಷೆವರ್ಲೆ ಎಂಜಾಯ್ ಬೇಸ್ ವೆರಿಯಂಟ್ ಬೆಲೆಯಲ್ಲಿ 1.53 ಲಕ್ಷ ರು.ಗಳಷ್ಟು ಇಳಿಕೆಯುಂಟಾಗಿದೆ. ಇದರೊಂದಿಗೆ ಈ ಹಿಂದಿದ್ದ 6.52 ಲಕ್ಷ ರು.ಗಳಿಂದ 4.99 ಲಕ್ಷ ರು.ಗಳಿಗೆ ಬೆಲೆ ಕಡಿತವಾಗಿದೆ.

ಅದೇ ರೀತಿ ಟಾಪ್ ಎಂಡ್ ಮಾದರಿಯಲ್ಲಿ 1.81 ಲಕ್ಷ ರು.ಗಳಷ್ಟು ಬೆಲೆ ಕಡಿಗೊಂಡಿದ್ದು, ಇದೀಗ 6.24 ಲಕ್ಷ ರುಗಷ್ಟು ದುಬಾರಿಯೆನಿಸಲಿದೆ .

ಡೀಸೆಲ್ ಬೇಸ್ ವೆರಿಯಂಟ್ ನಲ್ಲೂ 1.94 ಲಕ್ಷ ರು.ಗಳಷ್ಟು ಬೆಲೆ ಇಳಿಕೆಯಾಗಿದೆ. ತನ್ಮೂಲಕ ಈ ಹಿಂದಿದ್ದ 7.88 ಲಕ್ಷ ರು.ಗಳಿಂದ 5.99 ಲಕ್ಷ ರು.ಗಳಿಗೆ ಇಳಿಕೆಯಾಗಿದೆ. ಅದೇ ಹೊತ್ತಿಗೆ ಡೀಸೆಲ್ ಟಾಪ್ ಎಂಡ್ ಬೆಲೆಯಲ್ಲಿ 1.94 ಲಕ್ಷ ರು.ಗಳಷ್ಟು ಕಡಿತಗೊಂಡು 7.24 ಲಕ್ಷ ರು.ಗಳಿಗೆ ತಲುಪಿದೆ.

2013ನೇ ಸಾಲಿನಲ್ಲಿ ಮೊದಲ ಬಾರಿಗೆ ಎಂಟ್ರಿ ಕೊಟ್ಟಿರುವ ಷೆವರ್ಲೆ ಎಂಜಾಯ್ ಮಾರುಕಟ್ಟೆಯಲ್ಲಿ ಗಮನಾರ್ಹ ಮಾರಾಟ ಸಾಧಿಸುವಲ್ಲಿ ವಿಫಲವಾಗಿತ್ತು.

ಬ್ರ್ಯಾಂಡ್ ಮೌಲ್ಯ, ವ್ಯಾನ್ ಶೈಲಿಯ ವಿನ್ಯಾಸ, ತೀರಾ ಸಾಮಾನ್ಯ ಆಂತರಿಕ ಗುಣಮಟ್ಟತೆಗಳು ಗ್ರಾಹಕರನ್ನು ಸೆಳೆಯುವಲ್ಲಿ ವಿಫಲವಾಗಿತ್ತು. ಪ್ರಸ್ತುತ ಹಬ್ಬದ ಸಂಭ್ರಮದಲ್ಲಿ ಗರಿಷ್ಠ ಮಾರಾಟವನ್ನು ಗುರಿಯಿರಿಸಿಕೊಂಡಿದೆ.