2026ರ ವೇಳೆಗೆ 6.5 ಕೋಟಿ ಉದ್ಯೋಗ ಸೃಷ್ಟಿ: ಮಾರುತಿ

ಈ ವೇಳೆಯಾಗುವಾಗ ದೇಶದ ಒಟ್ಟು ಆಂತರಿಕ ಉತ್ಪನ್ನದ ಶೇಕಡಾ 12ರಷ್ಟು ಪಾಲನ್ನು ಭಾರತೀಯ ವಾಹನ ಮಾರುಕಟ್ಟೆಯನ್ನು ಹೊಂದಿರಲಿದೆ ಎಂದು ಮಾರುತಿ ಉಲ್ಲೇಖಿಸಿದೆ.

ಸದ್ಯ ದೇಶದ ಒಟ್ಟು ಉತ್ಪನ್ನದ ಶೇಕದಾ 7.1ರಷ್ಟನ್ನು ಭಾರತೀಯ ವಾಹನ ಮಾರುಕಟ್ಟೆ ಹೊಂದಿದೆ. ಹಾಗೆಯೇ ಈ ವಿಭಾಗದಲ್ಲಿ 3.2 ಕೋಟಿ ಮಂದಿ ಪ್ರತ್ಯಕ್ಷ ಹಾಗೂ ಪರೋಕ್ಷವಾಗಿ ದುಡಿಯುತ್ತಿದ್ದಾರೆ.

ಈ ಬಗ್ಗೆ ಪ್ರತಿಕ್ರಿಯಿಸಿರುವ ಮಾರುತಿ ಸುಜುಕಿ ವ್ಯವಸ್ಥಾಪಕ ನಿರ್ದೇಶಕ ಮತ್ತು ಸಿಇಒ ಕೆನಿಚಿ ಅಯುವಾಕ, ಈ ಗುರಿಯನ್ನು ತಲುಪಲು ಮುಂದಿನ ಒಂದಿನ ದಶಕದಲ್ಲಿ 65 ದಶಲಕ್ಷದಷ್ಟು ಹೊಸ ಉದ್ಯೋಗ ಸೃಷ್ಟಿಯಾಗಬೇಕಿದೆ ಎಂದಿದ್ದಾರೆ.

ಮಾತು ಮುಂದುವರಿಸಿದ ಅವರು ಕಳೆದೊಂದು ದಶಕದಲ್ಲಿ ಭಾರತೀಯ ವಾಹನ ಮಾರುಕಟ್ಟೆಯಲ್ಲಿ 35 ಬಿಲಿಯನ್ ಡಾಲರ್ ಹೂಡಿಕೆ ಮಾಡಲಾಗಿದೆ ಎಂದಿದ್ದಾರೆ.

ವಾಹನ ಉದ್ಯಮದ ವೃದ್ಧಿಗಾಗಿ, ಪರಿಸರ ಮಾಲಿನ್ಯ, ಅಪಘಾತ, ವಾಹನ ದಟ್ಟಣೆ ಹಾಗೂ ಜಾಗತಿಕ ತಾಪಮಾನದತ್ತವೂ ಗಮನ ಕೇಂದ್ರಿಕರಿಸುವ ಅಗತ್ಯವಿದೆ ಎಂದವರು ವಿವರಿಸಿದ್ದಾರೆ.

ಜಗತ್ತಿನ ಅಗ್ರ ಮೂರು ವಾಹನ ಮಾರುಕಟ್ಟೆಗಳಲ್ಲಿ ಸ್ಥಾನ ಗಿಟ್ಟಿಸಿಕೊಳ್ಳುವುದು ನಮ್ಮ ಗುರಿಯಾಗಿದೆ. ಇದಕ್ಕಾಗಿ ಸುರಕ್ಷಿತ, ದಕ್ಷತೆ, ಪರಿಸರ ಸ್ನೇಹಿ ವಾಹನಗಳನ್ನು ಉತ್ಪಾದಿಸುವ ಅಗತ್ಯವಿದೆ.

ಇದೇ ಸಂದರ್ಭದಲ್ಲಿ ಮಾರುತಿ ಸಂಸ್ಥೆಯು ಗ್ರಾಮೀಣ ಅಭಿವೃದ್ಧಿ, ಕೌಶಲ್ಯ ತರಬೇತಿ, ಪರಿಸರ ರಕ್ಷಣೆ ಮತ್ತು ರಸ್ತೆ ಸುರಕ್ಷತೆಯತ್ತ ಗಮನ ಕೇಂದ್ರಿಕರಿಸುವುದಾಗಿ ವಿವರಿಸುತ್ತಾರೆ.