ಮಹೀಂದ್ರ ಕೆಯುವಿ100 ಫ್ಲಿಪ್ ಕಾರ್ಟ್‌ನಲ್ಲಿ ಬೊಂಬಾಟ್ ಸೇಲ್

By Nagaraja

Published: Wednesday, March 2, 2016, 15:11 [IST]

ದೇಶದ ಅತಿ ದೊಡ್ಡ ಇ-ಕಾಮರ್ಸ್ ಸಂಸ್ಥೆಯಾಗಿರುವ ಫ್ಲಿಪ್‌ಕಾರ್ಟ್‌ನಲ್ಲಿ ಇತ್ತೀಚೆಗಷ್ಟೇ ಮಹೀಂದ್ರ ಕೆಯುವಿ100 ಬುಕ್ಕಿಂಗ್ ಆರಂಭಿಸಲಾಗಿತ್ತು. ಪ್ರಸ್ತುತ ಕಾರಿಗೆ ಆನ್ ಲೈನ್ ನಲ್ಲಿ ಭಾರಿ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಒಂದು ತಿಂಗಳೊಳಗೆ 21,000ಕ್ಕೂ ಹೆಚ್ಚು ಬುಕ್ಕಿಂಗ್ಸ್ ದಾಖಲಾಗಿದೆ.

Also Read: ಮಹೀಂದ್ರ ಕೆಯುವಿ100 ಚೆಲುವೆಯ ಭಂಗಿಗಳನ್ನು ಮನಸಾರೆ ಆಸ್ವಾದಿಸಿ!

ದೇಶದ ಅತಿ ದೊಡ್ಡ ಮಹೀಂದ್ರ ಆಂಡ್ ಮಹೀಂದ್ರ ಸಂಸ್ಥೆಯ ಎಸ್‌ಯುವಿ ಶೈಲಿಯ ಕಾರಾಗಿರುವ ಕೆಯುವಿ100 ಈಗಷ್ಟೇ ಮಾರುಕಟ್ಟೆಗೆ ಎಂಟ್ರಿ ಕೊಟ್ಟಿದೆ. ಇದು ಪ್ರಮುಖವಾಗಿಯೂ ಮಾರುತಿ ಸುಜುಕಿ ಸ್ವಿಫ್ಟ್ ಕಾರಿಗೆ ಪ್ರತಿಸ್ಪರ್ಧೆಯನ್ನು ಒಡ್ಡುತ್ತಿದೆ.

ಮಹೀಂದ್ರ ಕೆಯುವಿ100 ಫ್ಲಿಪ್ ಕಾರ್ಟ್‌ನಲ್ಲಿ ಬೊಂಬಾಟ್ ಸೇಲ್

ಹೊಸ ವರ್ಷದ ಸಂಭ್ರಮದೊಂದಿಗೆ ಕಳೆದ ತಿಂಗಳಿನಲ್ಲಷ್ಟೇ ಫ್ಲಿಪ್ ಕಾರ್ಟ್ ನಲ್ಲಿ ಮಹೀಂದ್ರ ಕೆಯುವಿ100 ಬುಕ್ಕಿಂಗ್ ಪ್ರಕ್ರಿಯೆ ಆರಂಭಿಸಲಾಗಿತ್ತು. ಈ ಮೂಲಕ ಮಹೀಂದ್ರ ಹಾಗೂ ಫ್ಲಿಪ್ ಕಾರ್ಟ್ ಆನ್ ಲೈನ್ ಬುಕ್ಕಿಂಗ್ ಪ್ರಕ್ರಿಯೆಗೆ ಚಾಲನೆ ನೀಡಿತ್ತು.

ಆಗಲೇ ಆನ್ ಲೈನ್ ಗ್ರಾಹಕರ ಪೈಕಿ ನೆಚ್ಚಿನ ತಾಣವಾಗಿ ಪರಿಣಮಿಸಿರುವ ಫ್ಲಿಪ್ ಕಾರ್ಟ್ ಜನವರಿ ತಿಂಗಳಲ್ಲಿ ಆಟೋಮೊಬೈಲ್ ವಿಭಾಗದಲ್ಲಿ ಮಹೀಂದ್ರ ಬಹುನಿರೀಕ್ಷಿತ ಕಾರಿನ ಮಾರಾಟವನ್ನು ಆರಂಭಿಸಿತ್ತು.

ಅಧ್ಯಯನ ವರದಿಗಳ ಪ್ರಕಾರ 2016ನೇ ಸಾಲಿನಲ್ಲಿ 145 ಬಿಲಿಯನ್ ಅಮೆರಿಕನ್ ಡಾಲರ್ ಮೌಲ್ಯದ ಭಾರತ ಜಗತ್ತಿನಲ್ಲೇ ಮೂರನೇ ಅಥಿ ದೊಡ್ಡ ವಾಹನ ಮಾರುಕಟ್ಟೆಯಾಗಿ ಬೆಳೆದು ನಿಲ್ಲಲಿದೆ. ದ್ವಿಚಕ್ರ ವಿಭಾಗದಲ್ಲಿ ಭಾರತ ಈಗಲೇ ವಿಶ್ವದಲ್ಲೇ ಎರಡನೇ ಸ್ಥಾನದಲ್ಲಿದೆ.

ಈ ಸಂದರ್ಭದಲ್ಲಿ ಅತೀವ ಹರ್ಷವನ್ನು ವ್ಯಕ್ತಪಡಿಸಿರುವ ಫ್ಲಿಪ್ ಕಾರ್ಟ್ ಎಲೆಕ್ಟ್ರಾನಿಕ್ಸ್ ಮತ್ತು ಆಟೋ ವಿಭಾಗದ ಉಪಾಧ್ಯಕ್ಷರಾಗಿರುವ ಆದರ್ಶ್ ಕೆ. ಮೆನನ್, ದೇಶದಾದ್ಯಂತ ಅಭೂತಪೂರ್ವ ಪ್ರತಿಕ್ರಿಯೆ ದೊರಕಿದ್ದು, ಇದು ಬದಲಾವಣೆಯ ಸಂಕೇತ ಎಂದಿದ್ದಾರೆ.

ಇದೇ ರೀತಿಯ ಅಭಿಪ್ರಾಯ ಮಂಡಿಸಿರುವ ಮಹೀಂದ್ರ ಆಂಡ್ ಮಹೀಂದ್ರ ಲಿಮಿಟೆಡ್ ಆಟೋಮೋಟಿವ್ ವಿಭಾಗದ ಸೇಲ್ಸ್ ಆಂಡ್ ಕಸ್ಟಮರ್ ಕೇರ್ ಹಿರಿಯ ಉಪಾಧ್ಯಕ್ಷ ವಿಜಯ್ ರಾಮ್ ನಕ್ರಾ, ಇದು ಆನ್ ಲೈನ್ ಮಾರುಕಟ್ಟೆಯಲ್ಲಿ ನಾವು ಇಟ್ಟುಕೊಂಡಿರುವ ನಂಬಿಕೆಗೆ ದೊರಕಿರುವ ಪ್ರತಿಫಲವಾಗಿದೆ ಎಂದಿದ್ದಾರೆ.

ಆಧುನಿಕ ತಂತ್ರಜ್ಞಾನಗಳನ್ನು ಒಳಗೊಂಡಿರುವ ಮಹೀಂದ್ರ ಕೆಯುವಿ100 ಕಾರಿಗೆ ಕಳೆದ ಒಂದು ತಿಂಗಳ ಅವಧಿಯಲ್ಲಿ ಆಫ್ ಲೈನ್ ಹಾಗೂ ಆನ್ ಲೈನ್ ಸೇರಿದಂತೆ 21000ಕ್ಕೂ ಹೆಚ್ಚು ಬುಕ್ಕಿಂಗ್ ದಾಖಲಾಗಿದೆ. ಈ ಪೈಕಿ ಶೇಕಡಾ 45ರಷ್ಟು ಫ್ಲಿಪ್ ಕಾರ್ಟ್ ನಿಂದ ದಾಖಲಾಗಿರುವುದು ಗಮನಾರ್ಹವೇ ಸರಿ.