ಭಾರತದಲ್ಲಿ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಐಷಾರಾಮಿ ಕಾರು ಸಂಸ್ಥೆ ಯಾವುದು ಗೊತ್ತೇ ?

ಮ್ಯೂನಿಚ್ ಮೂಲದ ಐಷಾರಾಮಿ ಕಾರು ತಯಾರಕ ಬಿಎಂಡಬ್ಲ್ಯೂ ಇಂಡಿಯ ಜನವರಿ ತಿಂಗಳಿನಿಂದ ಜೂನ್ ತಿಂಗಳ ಅವಧಿಯಲ್ಲಿ ಸರಿ ಸುಮಾರು ಶೇಕಡಾ 11.5% ಹೆಚ್ಚಳವಾಗುವ ಮೂಲಕ ಐಷಾರಾಮಿ ಕಾರುಗಳ ವಿಭಾಗದಲ್ಲಿ ಹೆಚ್ಚು ಬೆಳವಣಿಗೆ ಕಂಡ ಮೊದಲ ದೇಶ ಎಂಬ ಖ್ಯಾತಿ ಪಡೆದುಕೊಂಡಿದೆ.

ಈ ಮೂಲಕ ದೇಶದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಐಷಾರಾಮಿ ಕಾರು ಬ್ರಾಂಡ್ ಎಂಬ ಟ್ಯಾಗ್ ಹಾಗೆಯೇ ಉಳಿಸಿಕೊಂಡ ಎಲ್ಲರ ಮನ ಗೆಲ್ಲುವಲ್ಲಿ ಯಶಸ್ವಿಯಾಗಿದೆ.

ಕಂಪೆನಿಯ ಹಿರಿಯ ಅಧಿಕಾರಿಯ ಪ್ರಕಾರ, ಬಿಎಂಡಬ್ಲ್ಯೂ ಇಂಡಿಯಾ 2017ರ ಮೊದಲಾರ್ಧದಲ್ಲಿ 4,589 ಕಾರುಗಳನ್ನು ಮಾರಾಟ ಮಾಡಿದ್ದು, ಇದು ಕಳೆದ ವರ್ಷಕ್ಕಿಂತ ದ್ವಿಗುಣ ಬೆಳವಣಿಗೆಯಾಗಿದೆ.

ಅತಿದೊಡ್ಡ ಐಷಾರಾಮಿ ಕಾರು ತಯಾರಕ ಮರ್ಸಿಡಿಸ್ ಬೆಂಝ್ ಕೂಡ ಶೇಕಡಾ 18% ರಷ್ಟು ಬೆಳವಣಿಗೆ ಕಂಡಿದ್ದು, ಇದು ಕಂಪನಿಯ ಅತ್ಯುತ್ತಮ ತ್ರೈಮಾಸಿಕ ಬೆಳವಣಿಗೆಯಾಗಿದೆ.

ಬಿಎಂಡಬ್ಲ್ಯೂ ಇಂಡಿಯ ಮತ್ತು ಮರ್ಸಿಡಿಸ್ ಬೆಂಝ್ ಸಂಸ್ಥೆಗಳ ಎರಡು ಅಂಕಿ ಬೆಳವಣಿಗೆಯಿಂದಾಗಿ ಭಾರತದ ಐಷಾರಾಮಿ ಕಾರು ಮಾರುಕಟ್ಟೆ ಬಗ್ಗೆ ಗ್ರಾಹಕರ ಗಮನ ಹೆಚ್ಚಿಗೆಯಾಗಿರುವುದು ಕಂಡು ಬರುತ್ತಿದೆ ಎನ್ನಬಹುದು.

ಗ್ರಾಹಕರ ಅವಶ್ಯಕತೆಗಳಿಗನುಗುಣವಾಗಿ ಸಂಸ್ಥೆಗಳು ಉತ್ತಮವಾಗಿರುವ ಶ್ರೇಷ್ಠ ವಾಹನಗಳನ್ನು ತಯಾರು ಮಾಡುತ್ತಿರುವುದೇ ಇಷ್ಟೆಲ್ಲಾ ಬೆಳವಣಿಗೆಗಳಿಗೆ ಮುಖ್ಯ ಕಾರಣವಾಗಿದೆ.