ತನ್ನ ಯಶಸ್ವಿ ಡಿಜೈರ್ ಕಾರಿನಲ್ಲಿ ದೋಷ ಇದೆ ಎಂದ ಮಾರುತಿ ಸುಜುಕಿ

ಹೌದು, ಪ್ರಖ್ಯಾತ ಕಾರು ತಯಾರಕ ಕಂಪೆನಿಯಾದ ಮಾರುತಿ ಸುಜುಕಿ, ಇತ್ತೀಚಿಗೆ ತನ್ನ ಮೂರನೇ ಪೀಳಿಗೆಯ ಡಿಜೈರ್ ಕಾರನ್ನು ಭಾರತದಲ್ಲಿ ಬಿಡುಗಡೆಗೊಳಿಸಿತ್ತು. ಮೂರನೇ ಪೀಳಿಗೆಯ ಕಾರಿಗೆ ಗ್ರಾಹಕರಿಂದಲೂ ಸಹ ಅತ್ಯದ್ಭುತ ಪ್ರತಿಕ್ರಿಯೆ ವ್ಯಕ್ತವಾಗಿತ್ತು.

ಕೆಳೆದ ಸೆಪ್ಟಂಬರ್‌ನಲ್ಲಿ 34,000 ಡಿಜೈರ್ ಕಾರುಗಳು ಮಾರಾಟಗೊಳ್ಳುವ ಮೂಲಕ ಯಶಸ್ವಿ ಕಾರು ಎನ್ನಿಸಿಕೊಂಡಿತ್ತು ಕೂಡ. ಆದರೆ, ತಾನು ಮಾರಾಟ ಮಾಡಿರುವ ಕಾರುಗಳನ್ನು ಮರುಪಡೆಯಲು ಕಂಪನಿ ನಿರ್ಧರಿಸಿದೆ.

Recommended Video

TVS Apache RR 310 Launched In India | FirstLook |Top-speed | Price

2017ರ ಫೆಬ್ರುವರಿ 23ರಿಂದ ಜುಲೈ 10 ರವರೆಗೆ ತಯಾರಿಸಲಾದ ಸುಮಾರು 21,494 ಮಾರುತಿ ಡಿಜೈರ್ ಕಾರುಗಳನ್ನು ಹಿಂಪಡೆಯಲು ನಿರ್ಧರಿಸಿದೆ ಎಂಬ ಖಚಿತ ಮಾಹಿತಿ ಹೊರ ಬಂದಿದೆ.

ಈ ಬಗ್ಗೆ ಮಾರುತಿ ಸುಜುಕಿ ತನ್ನ ಅಧಿಕೃತ ವೆಬ್‌ಸೈಟ್‌ನಲ್ಲಿ ಡಿಜೈರ್ ಕಾರನ್ನು ಮರುಪಡೆಯುವ ಬಗ್ಗೆ ಅಧಿಸೂಚನೆಯನ್ನು ಪ್ರಕಟಿಸಿದ್ದು, ದೋಷ ಹೊಂದಿರುವ ಹಿಂಭಾಗದ ವೀಲ್ ಹಬ್ ಬದಲಾವಣೆಯ ಸಲುವಾಗಿ ಕಾರನ್ನು ಹಿಂಪಡೆಯಾಲಾಗುತ್ತಿದೆ ಎನ್ನಲಾಗಿದೆ.

ಮಾಲೀಕರು ಹತ್ತಿರದ ಮಾರುತಿ ಸುಜುಕಿ ಸೇವಾ ಕೇಂದ್ರಕ್ಕೆ ಕಾರಿನೊಂದಿಗೆ ಭೇಟಿ ನೀಡುವ ಮೂಲಕ ಕಾರಿನ ತಪಾಸಣೆ ಮಾಡಿಸಿಕೊಳ್ಳಬಹುದು ಹಾಗು ದೋಷಪೂರಿತ ಭಾಗವನ್ನು ಉಚಿತವಾಗಿ ಪಡೆಯಬಹುದು.

ತಮ್ಮ ಕಾರುಗಳು ದೋಷಪೂರಿತ ಹಿಂಭಾಗದ ವೀಲ್ ಹಬ್ ಹೊಂದಿವೆಯೇ ? ಎಂದು ತಿಳಿದುಕೊಳ್ಳಲು ವಾಹನದ ಗುರುತಿನ ಸಂಖ್ಯೆ(MA3 ನಂತರ 14 ಅಂಕೆ) ವೆಬ್ ಸೈಟ್‌ನಲ್ಲಿ ನಮೂದಿಸುವುದರ ಮೂಲಕ ಪರಿಶೀಲಿಸಬಹುದು.

ಹೊಸ ಮಾರುತಿ ಡಿಜೈರ್ ಕಾರು ಮಾರುತಿ ಸುಜುಕಿ ಕಂಪನಿಯ ಯಶಸ್ವಿ ಉತ್ಪನ್ನವಾಗಿದೆ. ಕೇವಲ ಐದು ತಿಂಗಳ ಹಿಂದೆ ಈ ಕಾರು ಬಿಡುಗಡೆಯಾಗಿದ್ದು, ಇಲ್ಲಿಯವರೆಗೆ ಸರಿ ಸುಮಾರು 1 ಲಕ್ಷ ಕಾರುಗಳು ಮಾರಾಟವಾಗಿವೆ.

ಡಿಜೈರ್ ಕಾರಿನ ಹಿಂಪಡೆಯುವಿಕೆ ಇದೇ ಮೊದಲೇನಲ್ಲ !! ಹೌದು, ಈ ಮೊದಲ ಸ್ಟೇರಿಂಗ್ ದೋಷ ಇರುವ ಕಾರಣ ಕಾರನ್ನು ಹಿಂಪಡೆದಿತ್ತು. ಆದರೆ ಈ ರೀತಿಯ ನಿರ್ದಾರ ಉತ್ತಮ ಕ್ರಮವಾಗಿದ್ದು, ಗ್ರಾಹಕರ ಬಗ್ಗೆ ಕಂಪನಿಯ ಕಾಳಜಿಯನ್ನು ತೋರಿಸುತ್ತದೆ.