ಐಷಾರಾಮಿ ಸೌಲತ್ತುಗಳನ್ನು ಪಡೆದುಕೊಂಡ ಟೆಂಪೋ ಟ್ರಾವೆಲರ್ ಹೇಗಿದೆ ನೀವೆ ನೋಡಿ..!

ಹೌದು, ಮಾರುಕಟ್ಟೆಯಲ್ಲಿ ಪರ್ಯಾಯ ಆಯ್ಕೆಗಳು ಇದ್ದರೂ ಸಹ, ಜನರು ಫೋರ್ಸ್ ಟೆಂಪೋ ಟ್ರಾವೆಲರ್ ಅನ್ನು ಖರೀದಿಸುತ್ತಿದ್ದಾರೆ ಮತ್ತು ಗ್ರಾಹಕರ ಅವಶ್ಯಕತೆಗಳನ್ನು ಪೂರೈಸಲು ಫೋರ್ಸ್ ಸಂಸ್ಥೆಯು ಇದರಲ್ಲಿ ಹಲವಾರು ವೈಶಿಷ್ಟ್ಯತೆಗಳನ್ನು ಸಹ ನೀಡಿದ್ದಾರೆ. ಹೀಗಿರುವಾಗ ಒಂದು ಸಾಧಾರಣ ಫೋರ್ಸ್ ಟೆಂಪೋ ಟ್ರಾವೆಲರ್ ಒಂದು ಐಷಾರಾಮಿ ಮಿನಿ ಬಸ್‍ನಂತೆ ಹೇಗೆ ಪರಿವರ್ತನೆಯಾಗಿದೆ ಎಂದು ನೀವೇ ನೋಡಿ...

ಚಿತ್ರದಲ್ಲಿ ಕಾಣಿಸುತ್ತಿರುವ ಟೆಂಪೋ ಟ್ರಾವೆಲರ್ ಹಲವಾರು ಐಷಾರಾಮಿ ಸೌಲತ್ತುಗಳನ್ನು ಪಡೆದುಕೊಂಡಿದೆ. ಮುಂಭಾಗದಲ್ಲಿ ಟೊಯೊಟಾ ಬ್ಯಾಡ್ಜಿಂಗ್, ಲೈಸೆನ್ಸ್ ಪ್ಲೆಟ್‍ನ ಮೇಲೆಯೆ ಬೆಂಜ್‍-ಚಿಹ್ನೆಯನ್ನು ನೀಡಲಾಗಿದ್ದು, ಕಾರಿನ ಒಳಭಾಗದಲ್ಲಿ ಐಷಾರಾಮಿ ಸೌಲತ್ತುಗಳನ್ನು ಮತ್ತು ಹೊರ ಭಾಗದಲ್ಲಿ ಟೆಂಪೋ ಟ್ರಾವೆಲರ್‍‍ನಂತೆ ಕಾಣಲು ಹಲವಾರು ಮಾರ್ಪಾಡುಗಳನ್ನು ಮಾಡಲಾಗಿದೆ.

ಮೊದಲಿಗೆ ಇದರ ಮುಂಭಾಗದಲ್ಲಿ ಟೊಯೊಟಾ ಲ್ಯಾಂಡ್ ಕ್ರೂಸರ್‍‍ನಿಂದ ಪ್ರೇರಣೆಗೊಂಡ ಗ್ರಿಲ್ ಅನ್ನು ಒದಗಿಸಲಾಗಿದ್ದು, ಮಾಡಿಫೈ ಮಾಡಲಾದ ಬಂಪರ್‍‍ನ ಮೇಲೆಯೆ ಇಂಟಿಗ್ರೆಟೆಡ್ ಲ್ಯಾಂಪ್ಸ್ ಅನ್ನು ಒದಗಿಸಲಾಗಿದೆ. ಹಾಗೆಯೆ ಎಲ್ಇಡಿ ಆಧಾರಿತ ಹೆಡ್‍ಲ್ಯಾಂಪ್ಸ್ ಅನ್ನು ನೀಡಲಾಗಿರುವ ಕಾರಣ ಮುಂಭಾಗದಿಂದ ಟೊಯೊಟಾ ಸಂಸ್ಥೆಯವರೇ ನಿರ್ಮಾಣ ಮಾಡಿರುವ ಟೆಂಪೋ ಟ್ರಾವೆಲರ್ ಹಾಗೆ ಕಾಣಿಸುತ್ತದೆ.

ಇನ್ನು ಈ ವಾಹನದ ಬದಿಗಳಲ್ಲಿ ಕೂಡಾ ಮಾರ್ಪಾಡುಗಳನ್ನು ಮಾಡಲಾಗಿದ್ದು, ನೋಡುಗರನು ತನ್ನತ್ತ ಸೆಳೆಯುವ ಹಾಗೆ ಮತ್ತು ವಾಹನದ ಆಕಾರಕ್ಕೆ ತಕ್ಕ ಹಾಗೆ ಇದರಲ್ಲಿ ಅಲಾಯ್ ವ್ಹೀಲ್‍ಗಳನ್ನು ಒದಗಿಸಲಾಗಿದೆ. ಸುರಕ್ಷತೆಗಾಗಿ ಇದರಲ್ಲಿ ಸ್ಟೀಲ್ ಪೈಪ್‍ಗಳನ್ನು ಮತ್ತು ಪ್ರಕಾಶಿಸಲ್ಪಡುವ ವಿಂಡೋಗಳನ್ನು ಒದಗಿಸಲಾಗಿದೆ.

ಮಾಡಿಫೈಡ್ ಟೆಂಪೋ ಟ್ರಾವೆಲರ್ ಹಿಂಭಾಗದಲ್ಲಿ ಪ್ಲಾಸ್ಟಿಕ್ ಗ್ರಿಲ್ ಅನ್ನು ನೀಡಲಾಗಿದ್ದು, ಜೊತೆಗೆ ನಿಜವಾದ ಟೊಯೊಟಾ ಟಿಆರ್‍‍ಡಿ ಬ್ಯಾಡ್ಜಿಂಗ್ ಅನ್ನು ಒದಗಿಸಲಾಗಿದೆ. ಪ್ರೀಮಿಯಂ ಲುಕ್ ಅನ್ನು ನೀಡುವ ಹಾಗೆ ಟಿಂಟೆಡ್ ವಿಂಡೋಗಳು, ಇಂಟಿಗ್ರೇಟೆಡ್ ಎಲ್ಇಡಿ ಲ್ಯಾಂಪ್ಸ್ ಮತ್ತು ಕ್ರೋಮ್ ಅನ್ನು ನೀಡಲಾಗಿದೆ.

ಲಕ್ಷುರಿ ಇಂಟೀರಿಯರ್

ಟೆಂಪೋ ಟ್ರಾವೆಲರ್ ಹೊರಭಾಗದಂತೆಯೆ ಒಳಭಾಗವನ್ನು ಕೂಡಾ ಮಾರ್ಪಾಡುಗಳನ್ನು ಮಾಡಲಾಗಿದ್ದು, 3*2 ಸೀಟಿಂಗ್, ಸುತ್ತುವರೆಯುವ ಲೈಟಿಂಗ್, ಕಿಟಕಿ ಪರದೆಗಳು, ಎಲ್‍ಸಿಡಿ ಟಿವಿ, 4 ಸ್ಪೀಕರ್‍‍ಗಳನ್ನು ನೀಡಲಾಗಿದೆ. ಮತ್ತಷ್ಟು ಪ್ರೀಮಿಯಂ ಆಗಿ ಕಾಣಲು ಎಸಿ ವೆಂಟ್ಸ್ ಮತ್ತು ಕಾರಿನ ಒಳಭಾಗದಲ್ಲಿನ ಹಲವಾರು ಭಾಗಗಳಲ್ಲಿ ಪ್ಲಾಸ್ಟಿಕ್ ಟಚ್ ಅನ್ನು ನೀಡಲಾಗಿದೆ.

ಡ್ರೈವರ್ ಕ್ಯಾಬಿನ್ ಅನ್ನು ಕೂಡಾ ಅಷ್ಟೆ ಪ್ರೀಮಿಯಂ ಆಗಿ ಕಾಣಲು ಅಲ್ಲಿಯೂ ಕೂಡಾ ಟಚ್‍ಸ್ಕ್ರೀನ್ ಇನ್ಫೋಟೈನ್ಮೆಂಟ್ ಸಿಸ್ಟಂ ಅನ್ನು ನೀಡಲಾಗಿದೆ. ಒಟ್ಟಾರೆಯಾಗಿ ಟೆಂಪೋ ಟ್ರಾವೆಲರ್ ಆಗಿ ಪರಿವರ್ತನೆಗೊಂಡ ಇದು ಮೂಲತಃ ಒಂದು ಸಾಧಾರಣ ಟೆಂಪೋ ಟ್ರಾವೆಲರ್ ಎದರೇ ನಂಬಲಾರದು. ಏಕೆಂದರೆ ಇದನ್ನು ಸಂಪೂರ್ಣವಾಗಿ ಐಷಾರಾಮಿ ಮಿನಿ ಬಸ್‍ನಂತೆ ಕಾಣುವ ಹಾಗೆ ಮಾರ್ಪಾಡುಗಳನ್ನು ಮಾಡಲಾಗಿದೆ.

MOST READ: ತುಕ್ಕು ಹಿಡಿದಿದ್ದ ಅಂಬಾಸಿಡರ್ ಕಾರು ಹೇಗೆ ಐಷಾರಾಮಿ ಕಾರಾಗಿ ಪರಿವರ್ತನೆಯಾಗಿದೆ ನೀವೆ ನೋಡಿ...

ಅಂದ ಹಾಗೆ ಇದನ್ನು ತಯಾರು ಮಾಡಿದ ಗ್ಯಾರೇಜ್ ಕೇರಳದಲ್ಲಿದ್ದು, ಇಂತಹ ಬಹುತೇಕ ವಾಹನಗಳನ್ನು ನೀವು ಕೇರಳದಲ್ಲಿ ಕಾಣಬಹುದಾಗಿದೆ. ಆದ್ರೆ ಮೂಲತಃ ವಾಹನವನ್ನು ಖರೀದಿ ಮಾಡಿದ ನಂತರ ರಿಜಿಸ್ಟ್ರೇಷನ್ ಪೇಪರ್‍‍ನಲ್ಲಿ ಯಾವ ಯಾವ ಉಪಕರಣಗಳನ್ನು ಉಲ್ಲೇಖಿಸಲಾಗಿರುತ್ತದೆಯೊ ಅವುಗಳು ಮಾತ್ರ ಇರಬೇಕಾಗಿದೆ. ಇನ್ನು ಬೇರಾವ ಮಾರ್ಪಾಡುಗಳನ್ನು ಮಾಡಿಕೊಂಡರೆ ಅವರು ಭಾರೀ ಮೊತ್ತದ ದಂಡವನ್ನು ತೆರಬೇಕಾಗುತ್ತದೆ.

Source: Vijin Vinod