ಹೊಸ ಸೂಪರ್ ಕಾರನ್ನು ಬಹಿರಂಗಪಡಿಸಿದ ಮೆಕ್‌ಲಾರೆನ್

ಈ ಆಕರ್ಷಕ ಸೂಪರ್ ಕಾರು ಅಮೆರಿಕಾ ಮಾರುಕಟ್ಟೆಯಲ್ಲಿ ಮಾತ್ರ ಮಾರಾಟವಾಗಲಿದೆ. ಮೆಕ್‌ಲಾರೆನ್ ಕಂಪನಿಯು ಈ ಕಾರನ್ನು ಸೀಮಿತ ಸಂಖ್ಯೆಯಲ್ಲಿ ಮಾತ್ರ ಮಾರಾಟ ಮಾಡಲಿದ್ದು, ಕೇವಲ 15 ಯೂನಿಟ್'ಗಳನ್ನು ಮಾತ್ರ ಉತ್ಪಾದಿಸಲಿದೆ.

ತನ್ನ ಹೊಸ ಐಡಿಯಾಗಳನ್ನು ಸುಲಭವಾಗಿ ಬಳಸಿಕೊಳ್ಳಲು ಈ ಸೂಪರ್ ಕಾರನ್ನು ಅಮೇರಿಕಾದಲ್ಲಿ ಮಾತ್ರ ಬಿಡುಗಡೆಗೊಳಿಸಲಾಗುವುದು ಎಂದು ಮೆಕ್‌ಲಾರೆನ್ ಕಂಪನಿ ಹೇಳಿದೆ. ಈ ಕಾರಣಕ್ಕೆ ಕಂಪನಿಯು ಈ ಕಾರನ್ನು ಜಾಗತಿಕ ಮಟ್ಟದಲ್ಲಿ ಬಿಡುಗಡೆಗೊಳಿಸುತ್ತಿಲ್ಲ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಸಬ್ರೆ ಕಾರಿನ ಪ್ರತಿಯೊಂದು ಯೂನಿಟ್ ಅನ್ನು ಮೆಕ್‌ಲಾರೆನ್ ಸ್ಪೆಷಲ್ ಆಪರೇಷನ್ ಮೂಲಕ ನಿಮಿಸಲಾಗುತ್ತದೆ. ಈ ಕಾರು ಉತ್ಪಾದನೆಯು ಬೆಸ್‌ಪೋಕ್ ಯೋಜನೆಯಾಗಿರುತ್ತದೆ ಎಂಬುದು ವಿಶೇಷ.

ಮೆಕ್‌ಲಾರೆನ್ ಕಂಪನಿಯು ಸಬ್ರೆ ಕಾರಿನಲ್ಲಿ ತನ್ನದೇ ಆದ ಟೈಡ್ ಅಂಡ್ ಟ್ರೂ ಟ್ವಿನ್-ಟರ್ಬೊ 4.0-ಲೀಟರಿನ ವಿ 8 ಎಂಜಿನ್ ಅಳವಡಿಸಲಿದೆ. ಈ ಎಂಜಿನ್‌ ಇತರ ನಾನ್ ಹೈಬ್ರಿಡ್ ಮೆಕ್‌ಲಾರೆನ್‌ ಕಾರುಗಳಿಗಿಂತ ಹೆಚ್ಚಿನ ಪವರ್ ಅನ್ನು ನೀಡುತ್ತದೆ.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಈ ಎಂಜಿನ್ 820 ಬಿಹೆಚ್‌ಪಿ ಪವರ್ ಹಾಗೂ 820 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ ಎಂದು ಹೇಳಲಾಗಿದೆ. ಈ ಶಕ್ತಿಯುತ ಎಂಜಿನ್'ನಿಂದಾಗಿ ಈ ಸೂಪರ್ ಕಾರು ಗಂಟೆಗೆ ಗರಿಷ್ಠ 351 ಕಿ.ಮೀ ವೇಗದಲ್ಲಿ ಸಾಗಬಲ್ಲದು ಎಂದು ಕಂಪನಿ ಹೇಳಿಕೊಂಡಿದೆ.

ಸಬ್ರೆ ಎರಡು ಸೀಟುಗಳನ್ನು ಹೊಂದಿರುವ ಮೆಕ್‌ಲಾರೆನ್ ಕಂಪನಿಯ ವೇಗದ ಕಾರು. ಈ ಕಾರಿನ ಇತರ ಅಂಕಿಅಂಶಗಳ ಬಗ್ಗೆ ಮೆಕ್‌ಲಾರೆನ್ ಕಂಪನಿಯು ಈಗ ಹೆಚ್ಚಿನ ಮಾಹಿತಿಯನ್ನು ನೀಡದಿದ್ದರೂ, ಕಂಪನಿಯು ಈ ಮೊದಲು ಈ ರೀತಿಯ ವೇಗದ ಕಾರನ್ನು ಉತ್ಪಾದಿಸಿಲ್ಲ.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಇನ್ನು ಈ ಕಾರಿನ ಲುಕ್ ಬಗ್ಗೆ ಹೇಳುವುದಾದರೆ, ಈ ಕಾರು ಮೆಕ್‌ಲಾರೆನ್ ಕಂಪನಿಯ ಮತ್ತೊಂದು ಕಾರ್ ಆದ ಸೆನ್ನಾಗಿಂತ ಸಾಫ್ಟ್ ಆಗಿ ಕಂಡು ಬಂದರೂ, ಸಾಕಷ್ಟು ವೈಲ್ಡ್ ಆಗಿದೆ. ಈ ಕಾರಿನ ಕೆಲವು ಚಿತ್ರಗಳನ್ನು ಕೆಲ ದಿನಗಳ ಹಿಂದೆ ಬಹಿರಂಗಪಡಿಸಲಾಗಿತ್ತು.

ಈ ಕಾರು ವೆಂಟಿಲೇಟೆಡ್ ಹುಡ್, ದೊಡ್ಡ ಗಾತ್ರದ ಫ್ರಂಟ್ ಸ್ಪಾಯ್ಲರ್, ಡ್ಯುಯಲ್ ಟೋನ್ ಪೇಂಟ್, ವೈಡ್ ಫೆಂಡರ್ಸ್, ಬಟರ್ ಫ್ಲೈ ಡೋರ್, ಎರಡೂ ಬದಿಗಳಲ್ಲಿ ದೊಡ್ಡ ಫಿನ್ ಹಾಗೂ ಏರೋಡೈನಾಮಿಕ್ ಸೈಡ್ ಸ್ಕರ್ಟ್‌ಗಳನ್ನು ಹೊಂದಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಇದರ ಜೊತೆಗೆ ಕಂಪನಿಯು ಈ ಕಾರಿನಲ್ಲಿ ಎಂಜಿನ್ ಕವರ್ ಮೂಲಕ ಸೆಂಟ್ರಲ್ ಫಿನ್ ಅನ್ನು ನೀಡಿದೆ. ಈ ಫಿನ್ ದೊಡ್ಡ ಸ್ಪಾಯ್ಲರ್'ಗೆ ಅಂಟಿಕೊಂಡಿದೆ. ಕಂಪನಿಯು ಈ ಕಾರಿನಲ್ಲಿ ಸೆಂಟ್ರಲ್ ಮೌಂಟೆಡ್ ಎಕ್ಸಾಸ್ಟ್ ಹಾಗೂ ದೊಡ್ಡ ಡಿಫ್ಯೂಸರ್'ಗಳನ್ನು ಹೊಂದಿದೆ.