ಅಂಬಾಸಿಡರ್ ಹೆಸರಿನಲ್ಲಿ ಹೊಸ ಕಾರು ಬಿಡುಗಡೆಗೊಳಿಸಲಿದೆ ಸಿಟ್ರನ್

ಸಿಟ್ರನ್ ಕಂಪನಿಯು ಸಿ 5 ಏರ್‌ಕ್ರಾಸ್ ಎಸ್‌ಯುವಿಯನ್ನು ಬಿಡುಗಡೆಗೊಳಿಸುವುದಕ್ಕಿಂತ ಮುನ್ನ ಹಲವು ಬಾರಿ ಈ ಎಸ್‌ಯುವಿಯ ರೋಡ್ ಟೆಸ್ಟ್ ನಡೆಸಿದೆ. ಕಂಪನಿಯು ಸಿ 5 ಏರ್‌ಕ್ರಾಸ್ ಎಸ್‌ಯುವಿಯ ಜೊತೆಗೆ ಭಾರತದಲ್ಲಿ ತನ್ನ ಜನಪ್ರಿಯ ಕಾರುಗಳನ್ನು ಬಿಡುಗಡೆಗೊಳಿಸಲು ನಿರ್ಧರಿಸಿದೆ.

ಸಿಟ್ರನ್ ಕಂಪನಿಯು ಭಾರತದಲ್ಲಿ ನಾಲ್ಕು ಹೊಸ ಕಾರು ಮಾದರಿಗಳನ್ನು ಬಿಡುಗಡೆಗೊಳಿಸಲು ನಿರ್ಧರಿಸಿದೆ. ಇವುಗಳಲ್ಲಿ ಸಿ 5 ಏರ್‌ಕ್ರಾಸ್ ಎಸ್‌ಯುವಿಯು ಮೊದಲು ಬಿಡುಗಡೆಯಾಗಲಿದೆ.

MOSTREAD: ಟ್ರ್ಯಾಕ್ಟರ್‌ಗಳ ಹಿಂಭಾಗದಲ್ಲಿ ದೊಡ್ಡ ಗಾತ್ರದ ಟಯರ್‌ಗಳಿರಲು ಕಾರಣಗಳಿವು

ಇತರ ಮಾದರಿಗಳು ಮುಂದಿನ ಮೂರು ವರ್ಷಗಳಲ್ಲಿ ಬಿಡುಗಡೆಯಾಗುವ ನಿರೀಕ್ಷೆಗಳಿವೆ. ಸಿಟ್ರನ್ ಕಂಪನಿಯು ಸಿಸಿ 26 ಹೆಸರಿನ ಕಾರ್ ಅನ್ನು ಭಾರತಕ್ಕಾಗಿ ಮೀಸಲಿಟ್ಟಿದೆ. ಈ ಕಾರು ಮಧ್ಯಮ ಗಾತ್ರದ ಸೆಡಾನ್ ಆಗಿದೆ.

ದೇಶಿಯ ಮಾರುಕಟ್ಟೆಯಲ್ಲಿ ಹೋಂಡಾ ಸಿಟಿ, ಹ್ಯುಂಡೈ ವರ್ನಾ, ಮಾರುತಿ ಸುಜುಕಿ ಸಿಯಾಜ್ ಹಾಗೂ ಟೊಯೊಟಾ ಯಾರಿಸ್‌ ಕಾರುಗಳಿಗೆ ಪೈಪೋಟಿ ನೀಡಲು ಸಿಸಿ 26 ಕಾರ್ ಅನ್ನು ಬಿಡುಗಡೆಗೊಳಿಸಲು ಸಿಟ್ರನ್ ನಿರ್ಧರಿಸಿದೆ.

MOSTREAD: ಚಿಕ್ಕ ಜಾಗದಲ್ಲಿ ದೊಡ್ಡ ಕಾರನ್ನು ಪಾರ್ಕ್ ಮಾಡಿದ ಅಪ್ರತಿಮ ಚಾಲಕನನ್ನು ಸನ್ಮಾನಿಸಿದ ಟೊಯೊಟಾ ಡೀಲರ್

ಕಂಪನಿಯು 2023ರ ವೇಳೆಗೆ ಈ ಕಾರನ್ನು ಬಿಡುಗಡೆಗೊಳಿಸಲು ಚಿಂತಿಸಿದೆ. ಈ ಕಾರಿನ ಬೆಲೆ ರೂ.10 ಲಕ್ಷಗಳಿಗಿಂತ ಕಡಿಮೆ ಇರುವ ನಿರೀಕ್ಷೆಗಳಿವೆ. ಸಿಟ್ರನ್‌ನ ಮೂಲ ಕಂಪನಿಯಾದ ಪಿಎಸ್‌ಎ ಕೆಲವು ವರ್ಷಗಳ ಹಿಂದೆ ಹಿಂದೂಸ್ತಾನ್ ಮೋಟಾರ್ಸ್‌ನಲ್ಲಿ ಸುಮಾರು ರೂ.80 ಕೋಟಿ ಮೌಲ್ಯದ ಷೇರುಗಳನ್ನು ಸ್ವಾಧೀನ ಪಡಿಸಿಕೊಂಡಿತ್ತು.

ಇದರಲ್ಲಿ ಅಂಬಾಸಿಡರ್ ಸಹ ಸೇರಿದೆ. ಸಿಟ್ರನ್ ಕಂಪನಿಯು ಈ ಹೆಸರನ್ನು ತನ್ನ ಮುಂಬರುವ ಸಿಸಿ 26 ಕಾರಿನ ಮಾದರಿಯಲ್ಲಿ ಬಳಸಲು ನಿರ್ಧರಿಸಿದೆ ಎಂದು ವರದಿಯಾಗಿದೆ. ಇದರಿಂದಾಗಿ ಅಂಬಾಸಿಡರ್ ಕಾರು ಶೀಘ್ರದಲ್ಲೇ ಮತ್ತೆ ಭಾರತದ ರಸ್ತೆಗಿಳಿಯುವ ನಿರೀಕ್ಷೆಗಳಿವೆ.

MOSTREAD: ಲಾಕ್‌ಡೌನ್ ನಿಂದ ಕೆಲಸ ಕಳೆದುಕೊಂಡವ ಇಂದು ವಿಶ್ವ ವಿಖ್ಯಾತ ವ್ಯಕ್ತಿ

ಅಂಬಾಸಿಡರ್ ಕಾರು ಹಿಂದೆ ಭಾರತೀಯ ರಾಜಕಾರಣಿಗಳ ನೆಚ್ಚಿನ ಕಾರ್ ಆಗಿತ್ತು. ಕಾಮರಾಜ್‌ರವರಿಂದ ಎಂಜಿಆರ್ ರವರವರೆಗೆ ತಮಿಳುನಾಡಿನ ಹಲವು ಪ್ರಮುಖ ರಾಜಕೀಯ ನಾಯಕರು ಈ ಕಾರ್ ಅನ್ನು ಬಳಸುತ್ತಿದ್ದರು.

ಆದ್ದರಿಂದ ಅಂಬಾಸಿಡರ್ ಹೆಸರಿನಲ್ಲಿ ಬಿಡುಗಡೆಯಾಗಲಿರುವ ಕಾರು ದೇಶದ ಜನರಲ್ಲಿ ಹೆಚ್ಚು ನಿರೀಕ್ಷೆಯನ್ನು ಹುಟ್ಟುಹಾಕಿದೆ. ಅದರಲ್ಲೂ ರಾಜಕಾರಣಿಗಳಲ್ಲಿ ಹೆಚ್ಚಿನ ಕುತೂಹಲವನ್ನು ಉಂಟು ಮಾಡಿದೆ.

ಗಮನಿಸಿ: ಈ ಲೇಖನದಲ್ಲಿ ಸಾಂದರ್ಭಿಕ ಚಿತ್ರಗಳನ್ನು ಬಳಸಲಾಗಿದೆ.