ಹಳೆಯ ಕ್ಲಾಸಿಕ್ ಸ್ಪೋರ್ಟ್ಸ್ ಕಾರ್ ಅನ್ನು ರಿಮೇಕ್ ಮಾಡಿ ಮಾರಾಟ ಮಾಡಲಿದೆ ಜಾಗ್ವಾರ್

ಮಾಹಿತಿಗಳ ಇಂಗ್ಲೆಂಡಿನ ಕೊವೆಂಟ್ರಿಯಲ್ಲಿರುವ ಕಂಪನಿಯ ಕ್ಲಾಸಿಕ್ ವರ್ಕ್ಸ್ ಘಟಕದಲ್ಲಿ ಈ ಕಾರುಗಳನ್ನು ಉತ್ಪಾದಿಸಲಾಗುವುದು. ಜಾಗ್ವಾರ್'ನ ಹೊಸ ಸಿ-ಟೈಪ್ ಕಾರು 1953ರಲ್ಲಿ ತಯಾರಾದ ಮಾದರಿಯನ್ನು ಆಧರಿಸಿದೆ. ಈ ಕಾರಿನಲ್ಲಿ 3.4-ಲೀಟರಿನ ಸ್ಟ್ರೈಟ್ ಸಿಕ್ಸ್ ಎಂಜಿನ್ ಬಳಸಲಾಗುವುದು.

ಟ್ರಿಪಲ್ ವೆಬರ್ 40 ಡಿ ಸಿಒ 3 ಕಾರ್ಬ್ಯುರೇಟರ್ ಅನ್ನು ಬಳಸುವ ಈ ಈ ಎಂಜಿನ್ 220 ಬಿಹೆಚ್'ಪಿ ಪವರ್ ಉತ್ಪಾದಿಸುತ್ತದೆ. ಜಾಗ್ವಾರ್ ಕಂಪನಿಯು ಈ ಕಾರಿನಲ್ಲಿ ಬ್ರೇಕಿಂಗ್'ಗಾಗಿ ಡಿಸ್ಕ್ ಬ್ರೇಕ್ ನೀಡಲಿದೆ.

MOST READ:ರಿಕ್ಷಾ ಕಳೆದುಕೊಂಡವನಿಗೆ ಹೊಸ ರಿಕ್ಷಾ ಕೊಡಿಸಿದ ಆಪದ್ಭಾಂಧವ

ಈ ಕಾರನ್ನು ಉತ್ಪಾದಿಸಲು ಕಂಪನಿಯು ಆಧುನಿಕ ತಂತ್ರಜ್ಞಾನವನ್ನು ಬಳಸಲಿದೆ. 3 ಡಿ ಸಿಎಡಿ ಹೊಂದಿರುವ ಎಂಜಿನಿಯರಿಂಗ್ ರೇಖಾಚಿತ್ರಗಳು ಹಾಗೂ ಕಂಪನಿಯ ಮೂಲ ಸಿ-ಟೈಪ್ ಡೆವಲಪ್‌ಮೆಂಟ್ ತಂಡದ ದಾಖಲೆಗಳನ್ನು ನಿಖರವಾದ ಉತ್ಪಾದನಾ ಮಾದರಿಯನ್ನು ಉತ್ಪಾದಿಸಲು ಬಳಸಲಾಗುತ್ತದೆ.

ಸಿ-ಟೈಪ್ 1951ರಲ್ಲಿ ಲೆ ಮ್ಯಾನ್ಸ್ 24 ಅವರ್ಸ್ ಪ್ರಶಸ್ತಿ ಗೆದ್ದ ಜಾಗ್ವಾರ್ ಕಂಪನಿಯ ಮೊದಲ ಕಾರು. ಈ ಕಾರು ಆ ಸ್ಪರ್ಧೆಯಲ್ಲಿ ಗೆದ್ದಿದ್ದು ಮಾತ್ರವಲ್ಲದೇ ಆ ರೇಸಿಗೆ ಸಂಬಂಧಿಸಿದ ವೇಗದ ಹಾಗೂ ದೂರದ ದಾಖಲೆಗಳನ್ನು ಮುರಿಯಿತು.

MOST READ:ಶೋಚನೀಯ ಸ್ಥಿತಿಯಲ್ಲಿವೆ ದುಬಾರಿ ಬೆಲೆಯ ಐಷಾರಾಮಿ ರೋಲ್ಸ್ ರಾಯ್ಸ್ ಕಾರುಗಳು

ಸ್ಪರ್ಧೆಯಲ್ಲಿ ಸಿ-ಟೈಪ್ 9 ಕಾರು ಲ್ಯಾಪ್‌ಗಳ ಮುನ್ನಡೆಯೊಂದಿಗೆ ಗೆದ್ದರೆ, ರನ್ನರ್-ಅಪ್ ಕಾರು ಸಹ ಸಿ-ಟೈಪ್ ಆಗಿತ್ತು ಎಂಬುದು ವಿಶೇಷ. ರನ್ನರ್ ಅಪ್ ಕಾರು ಲ್ಯಾಪ್ ದಾಖಲೆಯನ್ನು 6 ಸೆಕೆಂಡುಗಳಷ್ಟು ಮುರಿಯಿತು.

1953ರಲ್ಲಿ ಈ ಕಾರಿಗೆ ಡಿಸ್ಕ್ ಬ್ರೇಕ್‌ಗಳನ್ನು ಅಳವಡಿಸಲಾಯಿತು. ಸಿ-ಟೈಪ್ ಕಾರು ಲೆ ಮ್ಯಾನ್ಸ್ 24 ಅವರ್ಸ್ ಸ್ಪರ್ಧೆಯಲ್ಲಿ 1, 2 ಹಾಗೂ 4ನೇ ಸ್ಥಾನಗಳನ್ನು ಗಳಿಸಿತು. ಈ ಕಾರು ಹಿಂದಿನ ದಾಖಲೆಯಾಗಿದ್ದ 96.7 ಎಂಪಿಹೆಚ್ ವೇಗವನ್ನು 105.85 ಎಂಪಿಹೆಚ್ ವೇಗದ ಮೂಲಕ ಮುರಿಯಿತು.

MOSTREAD: ಇನ್ನು ಮುಂದೆ ಈ ನಗರಗಳಲ್ಲಿ ಡೀಸೆಲ್ ವಾಹನಗಳನ್ನು ಮಾರಾಟ ಮಾಡುವಂತಿಲ್ಲ

ಆ ಸ್ಪರ್ಧೆಯಲ್ಲಿ ಜಾಗ್ವಾರ್ ಸಿ-ಟೈಪ್ ಕಾರ್ ಅನ್ನು ಡಂಕನ್ ಹ್ಯಾಮಿಲ್ಟನ್ ಹಾಗೂ ಟೋನಿ ರೌಲೆಟ್ ಚಾಲನೆ ಮಾಡಿದ್ದರು. ಈ ಮೂಲಕ ಲೆ ಮ್ಯಾನ್ಸ್ 24 ಅವರ್ಸ್ ರೇಸ್'ನಲ್ಲಿ ಸರಾಸರಿ 100 ಎಂಪಿಹೆಚ್ ವೇಗದಲ್ಲಿ ಅಥವಾ ಗಂಟೆಗೆ ಸುಮಾರು 160 ಕಿ.ಮೀ ವೇಗದಲ್ಲಿ ಚಲಿಸಿ ಗೆದ್ದ ಮೊದಲ ವಿಜೇತರಾದರು.

ಜಾಗ್ವಾರ್ ಕಂಪನಿಯು ತನ್ನ ಐ - ಪೇಸ್ ಎಲೆಕ್ಟ್ರಿಕ್ ಪರ್ಫಾರ್ಮೆನ್ಸ್ ಕಾರ್ ಅನ್ನು ಭಾರತದಲ್ಲಿ ಬಿಡುಗಡೆಗೊಳಿಸಲಿದೆ. ಈ ಹಿನ್ನೆಲೆಯಲ್ಲಿ ಕಂಪನಿಯು ಈ ಎಲೆಕ್ಟ್ರಿಕ್ ಕಾರಿನ ಬುಕ್ಕಿಂಗ್'ಗಳನ್ನು ಆರಂಭಿಸಿದೆ.

MOSTREAD: 13 ವರ್ಷಗಳಲ್ಲಿ 10 ಲಕ್ಷ ಕಿ.ಮೀ ಸಂಚರಿಸಿದ ಟೊಯೊಟಾ ಇನೋವಾ ಕಾರು

ಈ ಕಾರನ್ನು ಭಾರತಕ್ಕೆ ಸಿಬಿಯು ಮೂಲಕ ತರಲಾಗುವುದು. ಕಂಪನಿಯ ಪ್ರಕಾರ, ಈ ಎಲೆಕ್ಟ್ರಿಕ್ ಕಾರಿನ ವಿತರಣೆಯು 2021ರ ಮಾರ್ಚ್'ನಿಂದ ಆರಂಭವಾಗಲಿದೆ. ಜಾಗ್ವಾರ್ ಐ-ಪೇಸ್ ಎಲೆಕ್ಟ್ರಿಕ್ ಕಾರ್ ಅನ್ನು ಎಸ್, ಎಸ್ಇ ಹಾಗೂ ಹೆಚ್ಎಸ್ಇ ಎಂಬ ಮೂರು ಮಾದರಿಗಳಲ್ಲಿ ಮಾರಾಟ ಮಾಡಲಾಗುವುದು.