ಆಕರ್ಷಕ ಕೊಡುಗೆಗಳೊಂದಿಗೆ 5ನೇ ವಾರ್ಷಿಕೋತ್ಸವ ಆಚರಿಸಿಕೊಂಡ ಲೆಕ್ಸಸ್‌ ಇಂಡಿಯಾ

ಮಾರ್ಕ್ಯೂನ ಈ ಹೊಸ ಕಾರ್ಯಕ್ರಮಗಳ ಬಗ್ಗೆ ಮಾತನಾಡಿದ ಲೆಕ್ಸಸ್ ಇಂಡಿಯಾದ ಅಧ್ಯಕ್ಷ ನವೀನ್ ಸೋನಿ, "ಲೆಕ್ಸಸ್ ಇಎಸ್300ಎಚ್‌ಗಾಗಿ ಬೈಬ್ಯಾಕ್ ಪ್ರಾಮಿಸ್ ಸ್ಕೀಮ್ ಮತ್ತು ಲೆಕ್ಸಸ್ ಲಾಯಲ್ಟಿ ಸ್ಕೀಮ್ ಅನ್ನು ಪರಿಚಯಿಸುವುದರೊಂದಿಗೆ ಭಾರತದಲ್ಲಿ ಲೆಕ್ಸಸ್‌ 5 ವರ್ಷಗಳನ್ನು ಆಚರಿಸುತ್ತಿರುವ ನಾವು, ಲೆಕ್ಸಸ್ ಕಾರುಗಳ ಮೇಲಿನ ಗ್ರಾಹಕರ ನಂಬಿಕೆಯನ್ನು ಬಲಪಡಿಸಲು ಬಯಸುತ್ತಿದ್ದೇವೆ, ಜೊತೆಗೆ ಲೆಕ್ಸಸ್ ಕಾರುಗಳ ಬಗ್ಗೆ ನಮ್ಮ ವಿಶ್ವಾಸವನ್ನು ಮತ್ತು ಭಾರತೀಯ ಮಾರುಕಟ್ಟೆಗೆ ನಮ್ಮ ಬಲವಾದ ಬದ್ಧತೆಯನ್ನು ತೋರಿಸುತ್ತೇವೆ. ಗ್ರಾಹಕರು ತಮ್ಮ ಕಾರು ಖರೀದಿಗಳ ಬಗ್ಗೆ ಹೆಚ್ಚು ಜಾಗರೂಕರಾಗಿರುತ್ತಾರೆ ಹಾಗಾಗಿಯೇ ನಾವು ಅತ್ಯುತ್ತಮವಾದ ಮಾದರಿಗಳನ್ನು ರೂಪಿಸುತ್ತಿದ್ದೇವೆ."

ಭಾರತದಲ್ಲಿ ಲೆಕ್ಸಸ್‌ನಿಂದ ಬೈಬ್ಯಾಕ್ ಕಾರ್ಯಕ್ರಮವನ್ನು ES300h ಸೆಡಾನ್‌ನೊಂದಿಗೆ ಪ್ರಾರಂಭಿಸಲಾಗಿದೆ. ಐಷಾರಾಮಿ ವಾಹನಗಳ ಬಯ್‌ಬ್ಯಾಕ್ ಕಾರ್ಯಕ್ರಮಗಳ ವಿಷಯಕ್ಕೆ ಬಂದಾಗ ಲೆಕ್ಸಸ್ ತನ್ನ ಗ್ರಾಹಕರಿಗೆ ದೇಶದ ಕೆಲವು ಅತ್ಯುತ್ತಮ ದರಗಳನ್ನು ನೀಡುತ್ತಿದೆ.

ಲೆಕ್ಸಸ್ ಇಎಸ್ 300ಎಚ್ ಮಾಲೀಕರು ಜಪಾನಿನ ಐಷಾರಾಮಿ ಕಾರು ತಯಾರಕರಿಂದ ಮರುಖರೀದಿ ಕಾರ್ಯಕ್ರಮವನ್ನು ಪಡೆದುಕೊಂಡರೆ ತಮ್ಮ ಸೆಡಾನ್‌ನ ಶೇ.60 ರಷ್ಟು ಉಳಿಕೆ ಮೌಲ್ಯವನ್ನು ಮರಳಿ ಪಡೆಯಬಹುದು. ಕಾರ್ಯಕ್ರಮದ ಅಡಿಯಲ್ಲಿ, ಲೆಕ್ಸಸ್ ಗ್ರಾಹಕರಿಗೆ ಅತ್ಯುತ್ತಮ ಕಡಿಮೆ ವೆಚ್ಚದ ಹಣಕಾಸು ಆಯ್ಕೆಗಳನ್ನು ಸಹ ನೀಡುತ್ತದೆ.

'ಲೆಕ್ಸಸ್ ಲೈಫ್' ಉಪಕ್ರಮದ ಅಡಿಯಲ್ಲಿ ಲೆಕ್ಸಸ್ ತನ್ನ ಅಸ್ತಿತ್ವದಲ್ಲಿರುವ ಗ್ರಾಹಕರಿಗೆ ಹೊಸ ಲಾಯಲಿಟಿ ಕಾರ್ಯಕ್ರಮವನ್ನು ಪರಿಚಯಿಸಿದೆ. ಹೊಸ ಲಾಯಲ್ಟಿ ಕಾರ್ಯಕ್ರಮದ ಅಡಿಯಲ್ಲಿ, ಪ್ರಸ್ತುತ ಲೆಕ್ಸಸ್ ಮಾಲೀಕರು ಜಪಾನಿನ ಬ್ರಾಂಡ್‌ನಿಂದ ಸರ್ವೀಸ್, ವಿಸ್ತರಿತ ವಾರಂಟಿ, ಅಕ್ಸೆಸೊರಿಗಳು ಮತ್ತು ಸರಕುಗಳ ಮೇಲೆ ಹಲವಾರು ಕೊಡುಗೆಗಳು ಮತ್ತು ಪ್ಯಾಕೇಜ್‌ಗಳನ್ನು ಪಡೆಯಬಹುದು.

ಹಣಕಾಸು, ಸೇವೆ, ವಾರಂಟಿ, ವಿಮೆ ಮತ್ತು ರಸ್ತೆಬದಿಯ ನೆರವು ಸೇರಿದಂತೆ ಹೊಸ ಲೆಕ್ಸಸ್ ಮಾಲೀಕರಿಗೆ ಹಲವಾರು ವೈಶಿಷ್ಟ್ಯಗಳೊಂದಿಗೆ ಲೆಕ್ಸಸ್ ತನ್ನ 'ಲೆಕ್ಸಸ್ ಲೈಫ್' ಕಾರ್ಯಕ್ರಮವನ್ನು 2021 ರಲ್ಲಿ ಪರಿಚಯಿಸಿತು. ಇದಲ್ಲದೆ, 'ಲೆಕ್ಸಸ್ ಪ್ರೀ-ಓನರ್ಡ್' ಎಂಬ ಟ್ರೇಡ್-ಇನ್ ಕಾರ್ಯಕ್ರಮವನ್ನು ಸಹ ಪರಿಚಯಿಸಿತು. ದೇಶಾದ್ಯಂತ ಲೆಕ್ಸಸ್ ಮಾಲೀಕರು ತಮ್ಮ ಲೆಕ್ಸಸ್ ಕಾರುಗಳು ಮತ್ತು ಎಸ್‌ಯುವಿಗಳನ್ನು ಅನುಕೂಲಕರವಾಗಿ ಟ್ರೇಡ್-ಇನ್ ಮತ್ತು ಅಪ್ಗ್ರೇಡ್ ಮಾಡಬಹುದಾದ ಹೊಸ ವೇದಿಕೆಯಾಗಿತ್ತು.

ಲೆಕ್ಸಸ್ ಪ್ರಸ್ತುತ ಭಾರತದಲ್ಲಿ ಒಟ್ಟು ಆರು ಕಾರುಗಳನ್ನು ಮಾರಾಟ ಮಾಡುತ್ತಿದೆ. ಇವುಗಳಲ್ಲಿ ಎರಡು ಸೆಡಾನ್‌ಗಳು, ಒಂದು ಸ್ಪೋರ್ಟಿ ಕೂಪೆ ಮತ್ತು ಮೂರು ಎಸ್‌ಯುವಿಗಳು ಸೇರಿವೆ. ಭಾರತದಲ್ಲಿ ಲೆಕ್ಸಸ್ ಶ್ರೇಣಿಯು ಇಎಸ್ 300ಎಚ್ ನಿಂದ ಪ್ರಾರಂಭವಾಗುತ್ತದೆ, ಇದು 56.65 ಲಕ್ಷ ರೂ.ಗಳಿಂದ ಪ್ರಾರಂಭವಾಗುತ್ತದೆ. ವಿ8 ಎಲ್ಎಕ್ಸ್ 570 ಎಸ್‌ಯುವಿಯೊಂದಿಗೆ ಈ ಶ್ರೇಣಿಯು ಅಗ್ರಸ್ಥಾನದಲ್ಲಿದೆ, ಇದರ ಬೆಲೆ ರೂ.2.33 ಕೋಟಿ (ಎಲ್ಲಾ ಬೆಲೆಗಳು ಎಕ್ಸ್ ಶೋರೂಂ) ಇದೆ.

ಎಲ್ಎಕ್ಸ್ ಎಸ್‌ಯುವಿ ಹೊರತುಪಡಿಸಿ ಭಾರತದ ಲೆಕ್ಸಸ್‌ನಿಂದ ಆಫರ್‌ನಲ್ಲಿರುವ ಎಲ್ಲಾ ವಾಹನಗಳು ಹೈಬ್ರಿಡ್ ಪವರ್‌ಟ್ರೈನ್ ಅನ್ನು ಹೊಂದಿವೆ. ಎಲ್ಎಕ್ಸ್ 570 3.5-ಲೀಟರ್ ಅಟ್ಕಿನ್ಸನ್ ಸೈಕಲ್ ವಿ6 ಹೈಬ್ರಿಡ್ ಪವಟ್ರೈನ್ ಅನ್ನು 5.7-ಲೀಟರ್ ಟರ್ಬೋಚಾರ್ಜ್ಡ್ ವಿ8 ಎಂಜಿನ್‌ನೊಂದಿಗೆ ಹೊರಹಾಕುತ್ತದೆ. ಇದು 5,600 ಆರ್‌ಪಿಎಂನಲ್ಲಿ 362 ಬಿಹೆಚ್‌ಪಿ ಮತ್ತು 3,200 ಆರ್‌ಪಿಎಂನಲ್ಲಿ 530 ಎನ್ಎಂ ಗರಿಷ್ಠ ಟಾರ್ಕ್ ಅನ್ನು ಉತ್ಪಾದಿಸುತ್ತದೆ. ಲೆಕ್ಸಸ್ ಎಲ್ಎಕ್ಸ್ 570 ಎಂಜಿನ್ ಅನ್ನು 8-ಸ್ಪೀಡ್ ಟಾರ್ಕ್ ಪರಿವರ್ತಕ ಸ್ವಯಂಚಾಲಿತ ಗೇರ್ಬಾಕ್ಸ್‌ನೊಂದಿಗೆ ಜೋಡಿಸಲಾಗಿದೆ.

ಲೆಕ್ಸಸ್ ಲೈನ್ಅಪ್‌ನಲ್ಲಿರುವ ಇತರ ಎಲ್ಲಾ ಮಾದರಿಗಳು ಒಂದೇ 3.5-ಲೀಟರ್ ವಿ6 ಎಂಜಿನ್ ಜೊತೆಗೆ ಒಂದು ಅಥವಾ ಹೆಚ್ಚಿನ ಎಲೆಕ್ಟ್ರಿಕ್ ಮೋಟಾರ್‌ಗಳೊಂದಿಗೆ 295 ಬಿಹೆಚ್‌ಪಿ ಮತ್ತು 350 ಎನ್ಎಂ ಟಾರ್ಕ್ ಅನ್ನು ಉತ್ಪಾದಿಸಬಲ್ಲವು. ಈ ಎಂಜಿನ್ ಅನ್ನು 10 ಸ್ಟೆಪ್ ಸಿವಿಟಿ ಆಟೋಮ್ಯಾಟಿಕ್ ಗೇರ್ ಬಾಕ್ಸ್‌ನೊಂದಿಗೆ ನೀಡಲಾಗುತ್ತದೆ.

ಇನ್ನು ಇತ್ತೀಚೆಗೆ ಲೆಕ್ಸಸ್ ತನ್ನ ಹೊಸ ಎನ್ಎಕ್ಸ್ 350ಹೆಚ್ ಎಸ್‍ಯುವಿಯನ್ನು ಭಾರತೀಯ ಮಾರುಕಟ್ಟೆಯಲ್ಲಿ ಬಿಡುಗಡೆಗೊಳಿಸಿದೆ. ಈ ಹೊಸ ಲೆಕ್ಸಸ್ ಎನ್ಎಕ್ಸ್ 350ಹೆಚ್ ಎಸ್‍ಯುವಿಯ ಬೆಲೆಯು ಎಕ್ಸ್ ಶೋರೂಂ ಪ್ರಕಾರ ರೂ.64.90 ಲಕ್ಷವಾಗಿದೆ.

ಹೊಸ ಲೆಕ್ಸಸ್ ಎನ್ಎಕ್ಸ್ 350ಹೆಚ್ ಎಸ್‍ಯುವಿಯು ಎಕ್ಸ್ಕ್ವಿಸೈಟ್, ಎಕ್ಸ್ಕ್ಲೂಸಿವ್ ಮತ್ತು ಎಫ್-ಸ್ಪೋರ್ಟ್ ಎಂಬ ಮೂರು ರೂಪಾಂತರಗಳಲ್ಲಿ ಲಭ್ಯವಿರುತ್ತದೆ. ಈ ಹೊಸ ಮಾದರಿಯು ಟೊಯೊಟಾ ನ್ಯೂ ಗ್ಲೋಬಲ್ ಆರ್ಕಿಟೆಕ್ಚರ್ (TNGA-L) ಪ್ಲಾಟ್‌ಫಾರ್ಮ್‌ನಲ್ಲಿ ಅಭಿವೃದ್ದಿಪಡಿಸಿದೆ. ಐದನೇ ತಲೆಮಾರಿನ ಟೊಯೋಟಾ RAV4 ನೊಂದಿಗೆ ಹಲವು ಅಂಶಗಳನ್ನು ಹಂಚಿಕೊಳ್ಳುತ್ತದೆ. ಹೊಸ ಲೆಕ್ಸಸ್ ಎನ್ಎಕ್ಸ್ 350ಹೆಚ್ ಎಸ್‍ಯುವಿ ಮಾದರಿಯ ಹಿಂದಿನ ಮಾದರಿಗೆ ಹೋಲಿಸಿದರೆ ಸಾಕಷ್ಟು ನವೀಕರಣಗಳನ್ನು ಪಡೆದುಕೊಂಡಿದೆ.

2022ರ ಲೆಕ್ಸಸ್ ಎನ್ಎಕ್ಸ್ 350ಹೆಚ್ ಎಸ್‍ಯುವಿಯಲ್ಲಿ 2.5-ಲೀಟರ್, 4-ಸಿಲಿಂಡರ್ ಎಂಜಿನ್ ಜೊತೆಗೆ 259-ವೋಲ್ಟ್ ಲಿಥಿಯಂ-ಐಯಾನ್ ಬ್ಯಾಟರಿಯನ್ನು ಪಡೆಯುತ್ತದೆ, ಅದು ಒಟ್ಟಾಗಿ 236 ಬಿಹೆಚ್‍ಪಿ ಪವರ್ ಅನ್ನು ಉತ್ಪಾದಿಸುತ್ತದೆ. ಎಲೆಕ್ಟ್ರಾನಿಕ್ ನಿಯಂತ್ರಿತ ಸಿವಿಟಿ ಗೇರ್ ಬಾಕ್ಸ್ ಅನ್ನು ಜೋಡಿಸಲಾಗಿದೆ. ಇದರೊಂದಿಗೆ ಆಲ್-ವೀಲ್-ಡ್ರೈವ್ (AWD) ಸಿಸ್ಟಮ್ ಜೊತೆಗೆ ಪ್ಯಾಡಲ್ ಶಿಫ್ಟರ್‌ಗಳೊಂದಿಗೆ ಬರುತ್ತದೆ.

ಲೆಕ್ಸಸ್ ಗ್ರಾಹಕರಿಗೆ ಇನ್ನೂ ಹೆಚ್ಚಿನ ಪ್ರಯೋಜನಗಳನ್ನು ನೀಡುವ ಮೂಲಕ ತನ್ನ ವಾರ್ಷಿಕೋತ್ಸವವನ್ನು ಭಾರತದಲ್ಲಿ ಉತ್ತಮವಾಗಿ ಆಚರಿಸುತ್ತಿದೆ. ಜಪಾನಿನ ಐಷಾರಾಮಿ ಬ್ರಾಂಡ್‌ನ ಕಾರುಗಳು ತಮ್ಮ ಓವರ್ ಟಾಪ್ ಸ್ಟೈಲಿಂಗ್‌ಗೆ ಹೆಸರುವಾಸಿಯಾಗಿರಬಹುದು ಆದರೆ ಅಪ್ಗ್ರೇಡ್ ಮಾಡುವ ಸಮಯ ಬಂದಾಗ ಉತ್ತಮ ವಿನ್ಯಾಸವನ್ನು ಖಚಿತಪಡಿಸಿಕೊಳ್ಳಲು ಲೆಕ್ಸಸ್ ತನ್ನ ಅತ್ಯುತ್ತಮ ಪ್ರಯತ್ನವನ್ನು ಮಾಡುತ್ತಿದೆ.