2016ರಲ್ಲಿ ಇಕೊಸ್ಪೋರ್ಟ್ ಫೇಸ್‌ಲಿಫ್ಟ್ ಬಿಡುಗಡೆ?

ವರದಿಗಳ ಪ್ರಕಾರ ಚೆನ್ನೈನ ಘಟಕದಲ್ಲಿ ವಾರ್ಷಿಕವಾಗಿ 55,000-70,000 ಯುನಿಟ್ ನಿರ್ಮಾಣ ಮಾಡುವ ಉದ್ದೇಶ ಹೊಂದಿರುವ ಫೋರ್ಡ್, 2016ರಲ್ಲಿ ಅಮೆರಿಕಕ್ಕೂ ರಫ್ತು ಕಾರ್ಯ ಕೈಗೊಳ್ಳಲಿದೆ.

ಫೋರ್ಡ್ ಪಾಲಿಗೆ, ಭಾರತವು ಪ್ರಮುಖ ರಫ್ತು ಕೇಂದ್ರವಾಗಿ ಮಾರ್ಪಾಡುಗೊಂಡಿದೆ. ಕಳೆದ ಆರ್ಥಿಕ ಸಾಲಿನಲ್ಲೇ ಒಟ್ಟು ತಯಾರಿ ಮಾಡಿರುವ 1.3 ಲಕ್ಷ ಯುನಿಟ್‌ಗಳ ಪೈಕಿ ಶೇಕಡಾ 35ರಷ್ಟನ್ನು ರಫ್ತು ಮಾಡಿಕೊಂಡಿತ್ತು.

ಈ ಎಲ್ಲದರ ನಡುವೆ ಫೋರ್ಡ್‌ನಲ್ಲೇ ಪೈಪೋಟಿ ಆರಂಭವಾಗುತ್ತದೆ. ಫೋರ್ಡ್‌ನಲ್ಲಿರುವ ಕೆಲವು ಅಧಿಕಾರಿಗಳ ಪ್ರಕಾರ ವಿದೇಶಕ್ಕೆ ರಫ್ತು ಪ್ರಮಾಣವನ್ನು ಕಡಿಮೆ ಮಾಡಿದ್ದಲ್ಲಿ ದೇಶದ ಗ್ರಾಹಕರಿಂದ ವ್ಯಕ್ತವಾಗುತ್ತಿರುವ ಬೇಡಿಕೆಯನ್ನು ಈಡೇರಿಸಬಹುದಾಗಿದೆ. ಫೋರ್ಡ್ ಈ ವರೆಗೆ 50,000 ಕಾಂಪಾಕ್ಟ್ ಎಸ್‌ಯುವಿಗಳನ್ನು ದೇಶದಲ್ಲಿ ಮಾರಾಟ ಮಾಡಿವೆ.

ಅಂದ ಹಾಗೆ 2014ನೇ ಸಾಲಿನಲ್ಲಿ ಒಟ್ಟು 1.6 ಲಕ್ಷ ಯುನಿಟ್‌ಗಳನ್ನು ಉತ್ಪಾದಿಸಲು ಫೋರ್ಡ್ ಗುರಿ ಹೊಂದಿದೆ. ಈ ಪೈಕಿ 1.19 ಲಕ್ಷ ಯುನಿಟ್‌ಗಳು ಇಕೊಸ್ಪೋರ್ಟ್ ಆಗಿರಲಿದೆ.

ವಿಷಯ ಏನೇ ಆದರೂ ಮಾರುಕಟ್ಟೆಯಲ್ಲಿ ಮಾತ್ರ ಉತ್ತಮ ಬೇಡಿಕೆ ಕಾಯ್ದುಕೊಳ್ಳಲು ಸಾಧ್ಯವಾಗಿರುವುದು ಇಕೊಸ್ಪೋರ್ಟ್ ಯಶಸ್ಸಿಗೆ ಇನ್ನಷ್ಟು ಸ್ಪೂರ್ತಿ ತುಂಬುವಂತಾಗಿದೆ.