Click it and Unblock the Notifications
ಹೋಂಡಾ ವಿಷನ್ ಕಾನ್ಸೆಪ್ಟ್ - ಭವಿಷ್ಯದತ್ತ ಹದ್ದುನೋಟ
ಭಾರತದ ವಾಹನೋದ್ಯಮದಲ್ಲಿ ಉತ್ತಮ ಹೆಸರು ಉಳಿಸಿಕೊಂಡಿರುವ ಜಪಾನ್ ಮೂಲದ ವಾಹನ ತಯಾರಿಕ ಸಂಸ್ಥೆಯಾಗಿರುವ ಹೋಂಡಾ ಕಾರ್ಸ್, ಇದೀಗಷ್ಟೇ ಅಂತ್ಯಗೊಂಡಿರುವ 2014 ದೆಹಲಿ ಆಟೋ ಎಕ್ಸ್ ಪೋದಲ್ಲಿ ವಿನೂತನ ಕಾನ್ಸೆಪ್ಟ್ ಕಾರೊಂದನ್ನು ಪ್ರದರ್ಸಿಸಿದೆ.
2014 ಆಟೋ ಎಕ್ಸ್ ಪೋ
ಹೌದು, ಜಪಾನ್ನ ಈ ದೈತ್ಯ ಆಟೋಮೊಬೈಲ್ ಸಂಸ್ಥೆಯು ನೂತನ ಎಕ್ಸ್ಎಸ್-1 ಕಾನ್ಸೆಪ್ಟ್ ಅನಾವರಣಗೊಳಿಸಿದೆ. ನಿಮಗೆ ತಿಳಿದಿರುವಂತೆಯೇ ಹೋಂಡಾ ವೆಜೆಲ್ ಕಾಂಪಾಕ್ಟ್ ಎಸ್ಯುವಿ ಭಾರತ ಪ್ರವೇಶ ಪಡೆಯುವುದು ಕಷ್ಟ ಸಾಧ್ಯವಾಗಿದೆ. ಹಾಗಿರುವಾಗ ನೂತನ ಕಾಂಪಾಕ್ಟ್ ಎಸ್ಯುವಿ ಅಭಿವೃದ್ಧಿಪಡಿಸುವುದು ಹೋಂಡಾ ಗುರಿಯಾಗಿದೆ.
ಇಲ್ಲೂ ವೆಜೆಲ್ ತರಹನೇ ವಿಷನ್ ಎಕ್ಸ್ಎಸ್-1 ಕಾನ್ಸೆಪ್ಟ್ ಕಾರು ಸಹ ಅನೇಕ ವೈಶಿಷ್ಟ್ಯಗಳನ್ನು ಪಡೆದುಕೊಂಡಿದೆ. ಹೆಚ್ಚು ಕ್ರೀಡಾತ್ಮಕ ಅದೇ ಹೊತ್ತಿಗೆ ಗರಿಷ್ಠ ಸ್ಥಳಾವಕಾಶಕ್ಕೆ ಒತ್ತು ಕೊಡಲಾಗಿದೆ.
'ಮಾನ್ ಮ್ಯಾಕ್ಸಿಮಮ್ ಮೆಷಿನ್ ಮಿನಿಮಮ್' ತಲಹದಿಯಲ್ಲಿ ನೂತನ ವಿಷನ್ ಎಕ್ಸ್ಎಸ್-1 ಕಾರಿನ ವಿನ್ಯಾಸ ರೂಪಿಸಲಾಗಿದೆ. ಹಾಗೆಯೇ ಎಕ್ಸೈಟಿಂಗ್ ಎಚ್ ಡಿಸೈನ್ನಿಂದಲೂ ಸ್ಪೂರ್ತಿ ಪಡೆಯಲಾಗಿದೆ.
ಸಮಕಾಲೀನ ಮಾರುಕಟ್ಟೆಯಲ್ಲಿ ಕಾಂಪಾಕ್ಟ್ ಕಾರುಗಳಿಗೆ ಅತಿ ಹೆಚ್ಚಿನ ಬೇಡಿಕೆಯಿದೆ. ಈ ಮೂಲಕ ಮಿನಿ ಎಸ್ಯುವಿಗಳನ್ನು ಉತ್ಪಾದಿಸುವ ಸಾಮರ್ಥ್ಯವನ್ನು ಪ್ರದರ್ಶಿಸುವುದು ಹೋಂಡಾ ಬಯಕೆಯಾಗಿತ್ತು.
ಒಟ್ಟು ಮೂರು ಸಾಲುಗಳ ಆಸನ ವ್ಯವಸ್ಥೆಯನ್ನು ಹೋಂಡಾ ಎಕ್ಸ್ಎಸ್-1 ಕಾನ್ಸೆಪ್ಟ್ ಕಾರು ಹೊಂದಿದೆ. ಇದರಲ್ಲಿ ಗರಿಷ್ಠ ಏಳು ಮಂದಿ ಕುಳಿತುಕೊಳ್ಳಬಹುದಾಗಿದೆ.
ಆದರೆ ಯಾವಾಗ ನಿರ್ಮಾಣ ವರ್ಷನ್ ಪದೆದುಕೊಳ್ಳಲಿದೆ ಎಂಬುದಕ್ಕೆ ಹೋಂಡಾದಿಂದ ಸುಳಿವು ದೊರಕಿಲ್ಲ. ಹಾಗಿದ್ದರೂ ಮುಂಬರುವ ಅಮೇಂಜ್ ಕಾಂಪಾಕ್ಟ್ ಎಸ್ಯುವಿ ಅಥವಾ ಕ್ರಾಸೋವರ್ ಇದರಿಂದ ಸ್ಪೂರ್ತಿ ಪಡೆಯುವ ನಿರೀಕ್ಷೆಯಿದೆ.
Continue with Google