ಸೆಲೆರಿಯೊ ಬೆನ್ನಲ್ಲೇ ಆಲ್ಟೊ, ವ್ಯಾಗನಾರ್ ಆಟೋಮ್ಯಾಟಿಕ್ ರೆಡಿ!

ಪ್ರಮುಖವಾಗಿಯೂ ನಗರ ಪ್ರದೇಶಗಳಲ್ಲಿ ಆಟೋಮ್ಯಾಟಿಕ್ ಕಾರುಗಳಿಗೆ ಬೇಡಿಕೆ ಹೆಚ್ಚಾಗುತ್ತಿದೆ. ಸಾಮಾನ್ಯ ಮ್ಯಾನುವಲ್ ಕಾರುಗಳಿಗೆ ಹೋಲಿಸಿದರೆ ಆಟೋಮ್ಯಾಟಿಕ್ ಕಾರುಗಳು ವಿಪರೀತ ವಾಹನ ದಟ್ಟಣೆಯಲ್ಲಿ ಚಾಲಕರ ಚಾಲನೆಯನ್ನು ಸುಲಭಗೊಳಿಸುತ್ತದೆ.

ಗರಿಷ್ಠ ಇಂಧನ ಕ್ಷಮತೆಯನ್ನು ಕಾಪಾಡಿಕೊಳ್ಳಲು ಯಶಸ್ವಿಯಾಗಿರುವುದು ಸೆಲೆರಿಯೊ ಯಶಸ್ಸಿನ ಹಿಂದಿರುವ ಗುಟ್ಟಾಗಿದೆ. ಕಂಪನಿ ಈಗಾಗಲೇ ಬಹಿರಂಗಪಡಿಸಿರುವಂತೆಯೇ ಸೆರಿರಿಯೊ ಒಟ್ಟು ಬುಕ್ಕಿಂಗ್‌ನ ಅರ್ಧದಷ್ಟು ಅಂದರೆ ಶೇಕಡಾ 51ರಷ್ಟು ಆಟೋಮ್ಯಾಟಿಕ್ ವೆರಿಯಂಟ್‌‌ಗಳು ಆಗಿವೆ.

ಇದೀಗ ಮಾರುತಿ ಪಾಲಿಗೆ ಅತಿ ಹೆಚ್ಚು ಯಶಸ್ಸನ್ನು ತಂದುಕೊಟ್ಟಿರುವ ಅತ್ಯುತ್ತಮ ಮಾರಾಟದ ಕಾರಾಗಿರುವ ಆಲ್ಟೊ ಕೆ10 ಹಾಗೂ ವ್ಯಾಗನಾರ್ ಕಾರುಗಳಿಗೂ ಸದ್ಯದಲ್ಲೇ ಆಟೋಮ್ಯಾಟಿಕ್ ತಂತ್ರಜ್ಞಾನ ಆಳವಡಿಕೆಯಾಗಲಿದೆ.

ಹಾಗೊಂದು ವೇಳೆ ಆಲ್ಟೊ ಕೆ10ಗೆ ಆಟೋಮ್ಯಾಟಿಕ್ ತಂತ್ರಾಂಶ ಆಳವಡಿಕೆಯಾದ್ದಲ್ಲಿ ಈ ಹ್ಯಾಚ್‌ಬ್ಯಾಕ್ ಕಾರಿನ ಜನಪ್ರಿಯತೆ ಇನ್ನಷ್ಟು ಹೆಚ್ಚಲಿದೆಯೆಂದು ನಿರೀಕ್ಷಿಸಲಾಗಿದೆ. ಇದನ್ನೇ ವ್ಯಾಗನಾರ್ ಹಿಂಬಾಲಿಸಲಿದೆ. ವ್ಯಾಗನಾರ್ ಎಎಂಟಿ ತಂತ್ರಗಾರಿಕೆಯು 2015ನೇ ಸಾಲಿನಲ್ಲಿ ಆಗಮನವಾಗುವ ಸಾಧ್ಯತೆಯಿದೆ.

ವರದಿಗಳ ಪ್ರಕಾರ ಟಾಟಾ ನ್ಯಾನೋ ಆಟೋಮ್ಯಾಟಿಕ್ ಕಾರು ಸಹ ನಿಕಟ ಭವಿಷ್ಯದಲ್ಲೇ ಆಗಮನವಾಗಲಿದೆ. ಇದು ಮಾರುಕಟ್ಟೆಯಲ್ಲಿ ಇನ್ನಷ್ಟು ಪೈಪೋಟಿ ಸೃಷ್ಟಿ ಮಾಡುವುದಲ್ಲದೆ ಸ್ಮರ್ಧಾತ್ಮಕ ದರಗಳಲ್ಲಿ ಬಿಡುಗಡೆ ಮಾಡುವಂತೆ ಪ್ರೇರೇಪಿಸಲಿದೆ.

ಇದು ಇನ್ನಷ್ಟೇ ಆಗಮನವಾಗಲಿರುವ ದಟ್ಸನ್ ಗೊ ಓಟವನ್ನು ಸಹ ತಡೆಯಲು ಸಹಕಾರಿಯಾಗಲಿದೆ. ಪ್ರಸ್ತುತ ದೇಶದ ಮಾರುಕಟ್ಟೆಯಲ್ಲಿ ಶೇಕಡಾ 40ಕ್ಕಿಂತ ಹೆಚ್ಚು ಶೇರನ್ನು ಮಾರುತಿ ವಶಪಡಿಸಿಕೊಂಡಿದೆ.