ಇದೀಗ ಎಲ್ಲವೂ ಅಂತಿಮ; ಸೆಲೆರಿಯೊ ರೆಡಿ, ಬುಕ್ಕಿಂಗ್ ಆರಂಭ

ಇದೇ ಮೊದಲ ಬಾರಿಗೆ ಸೆಮಿ ಆಟೋಮ್ಯಾಟಿಕ್ ತಂತ್ರಜ್ಞಾನ ಸೆಲೆರಿಯೊದಲ್ಲಿ ಅವಿಷ್ಕಾರವಾಗುತ್ತಿದೆ. ಅಂದರೆ ಇನ್ನು ಮುಂದೆ ನಿಮ್ಮನ್ನು ಪದೇ ಪದೇ ಗೇರ್ ಬದಲಾಯಿಸುವ ತೊಂದರೆ ಕಾಡಲ್ಲ. ದೇಶದಲ್ಲಿ ಇದೇ ಮೊದಲ ಬಾರಿಗೆ ಆಟೋ ಗೇರ್ ಶಿಫ್ಟ್ ಆಳವಡಿಸಲಾಗುತ್ತಿದೆ.

ಇನ್ನು ಕಂಪನಿಯ ಪ್ರಕಾರ ಗರಿಷ್ಠ ಇಂಧನ ಕ್ಷಮತೆ ನೀಡುವಲ್ಲಿ ಮಾರುತಿ ಸೆಲೆರಿಯೊ ಯಶಸ್ವಿಯಾಗಲಿದೆ. ಇದು ಪ್ರತಿ ಲೀಟರ್‌ಗೆ 23.1 ಕೀ.ಮೀ. ಮೈಲೇಜ್ ನೀಡುವ ಸಾಮರ್ಥ್ಯ ಹೊಂದಿರಲಿದೆ.

ಸೆಲೆರಿಯೊ ನಿಮ್ಮ ಪಯಣವನ್ನು ಹೇಗೆ ಆರಾಮದಾಯಕವಾಗಿಸಲಿದೆ ಎಂಬುದರ ಬಗ್ಗೆಯೂ ವೀಡಿಯೋ ಮೂಲಕ ಮಾಹಿತಿ ಕೊಡಲಾಗಿದೆ. ಇದರಲ್ಲಿ ಪ್ರಮುಖವಾಗಿಯು ಐದು ಅಂಶಗಳನ್ನು ಪಟ್ಟಿ ಮಾಡಿಕೊಡಲಾಗಿದೆ. ಅವುಗಳೆಂದರೆ

• ಸುಲಭ ಚಾಲನೆ
• ಸುಲಭ ತಂತ್ರಗಾರಿಕೆ
• ಸುಲಭ ವಿನ್ಯಾಸ
• ಸ್ಥಳಾವಕಾಶ
• ಇತರ ವೈಶಿಷ್ಟ್ಯಗಳು



ನೂತನ ಸೆಲೆರಿಯೊದಲ್ಲಿ ಕೆ - ನೆಕ್ಸ್ಟ್ ಎಂಜಿನ್ ಆಳವಡಿಸಲಾಗಿದೆ. ಇದು ಔಟ್ ಡೇಟಡ್ ಎಸ್ಟಾರ್ ಹಾಗೂ ಜೆನ್ ಎಸ್ಟಿಲೊ ಮಾದರಿಗಳಿಗೆ ಬದಲಿ ಮಾದರಿಯಾಗಿರಲಿದೆ.



ಸೆಲೆರಿಯೊದಲ್ಲಿ ಆಳವಡಿಸಲಾದ ನೂತನ ಗೇರ್ ಬಾಕ್ಸ್ ಪ್ರಮುಖ ಆಕರ್ಷಣೆಯಾಗಿರಲಿದೆ. ಅದೇ ರೀತಿ ಸಿಕೊ (ಕರ್ವ್ ಇನ್ ಕರ್ವ್ ಔಟ್) ವಿನ್ಯಾಸವನ್ನು ಪಡೆದುಕೊಂಡಿದೆ.



ನೂತನ ಸೆಲೆರಿಯೊ ಆಟೋಮ್ಯಾಟಿಕ್ ವರ್ಷನ್‌ನಲ್ಲಿ ಮಾತ್ರ ಲಭ್ಯವಾಗಲಿದೆ ಎಂದು ಅಂದುಕೊಂಡರೆ ತಪ್ಪಾದಿತು. ಹಾಗೊಂದು ವೇಳೆ ನೀವು ಮ್ಯಾನುವಲ್ ವರ್ಷನ್ ಸೆಲೆರಿಯೊ ಬಯಸುವುದಾದ್ದಲ್ಲಿ ಇದು ಕೂಡಾ ಲಭ್ಯವಿರುತ್ತದೆ.



ಇನ್ನು ಕ್ಯಾಬಿನ್‌ ಒಳಗಡೆ ಎಕ್ಸ್‌ಪ್ಯಾನ್ ವಿನ್ಯಾಸ ಕಲ್ಪಿಸಿಕೊಡಲಾಗಿದೆ. ಇದು ಹೆಚ್ಚು ಹೆಡ್ ರೂಂ, ಲೆಗ್ ರೂಂ ಮತ್ತು ಶೋಲ್ಡರ್ ರೂಂ ಪಡೆದುಕೊಂಡಿದೆ.



ಇದರ ಜತೆಗೆ ಡ್ಯುಯಲ್ ಟೋನ್ ಇಂಟಿರಿಯರ್, 15 ಸ್ಮಾರ್ಟ್ ಯುಟಿಲಿಟಿ ಸ್ಪೇಸ್, 235 ಲೀಟರ್ ಬೂಟ್ ಸ್ಪೇಸ್ ಮಾರುತಿ ಸೆಲೆರಿಯೊವನ್ನು ಇನ್ನಷ್ಟು ವಿಶೇಷವಾಗಿಸಲಿದೆ.



ಇನ್ನುಳಿದಂತೆ ಸ್ಟೀರಿಯೊ ಜತೆ ಬ್ಲೂಟೂತ್, ಸ್ಟೀರಿಂಗ್ ಮೌಂಟೆಡ್ ಕಂಟ್ರೋಲ್ ಜತೆಗೆ ಹಲವಾರು ವೈಶಿಷ್ಟ್ಯಗಳು ಲಭ್ಯವಿರಲಿದೆ. ಇಲ್ಲಿ ಸುರಕ್ಷತೆಗೂ ಹೆಚ್ಚಿನ ಆದ್ಯತೆ ಕೊಡಲಾಗಿದೆ.



ಅಂತಿಮವಾಗಿ ದರದ ಬಗ್ಗೆ ಮಾತ್ರ ಕಂಪನಿ ಯಾವುದೇ ಮಾಹಿತಿ ಬಹಿರಂಗಪಡಿಸಲಿಲ್ಲ. ಈ ಬಗ್ಗೆ ಬಿಡುಗಡೆ ವೇಳೆಯಷ್ಟೇ ಹೆಚ್ಚಿನ ಮಾಹಿತಿ ಲಭ್ಯವಾಗಲಿದೆ.



ಅಷ್ಟಕ್ಕೂ ಮಾರುತಿ ಸೆಲೆರಿಯೊ ಬುಕ್ಕಿಂಗ್ ಮಾಡುವ ಮೊದಲು ಈ ಬಹುನಿರೀಕ್ಷಿತ ಕಾರನ್ನು ನೀವು ಕೂಡಾ ಟೆಸ್ಟ್ ಡ್ರೈವ್ ಮಾಡಬಹುದಾಗಿದೆ. ಇದಕ್ಕಾಗಿ ನಿಮ್ಮ ಮೊಬೈಲ್ ತೆರೆದು CELERIO ಎಂದು ಟೈಪ್ ಮಾಡಿ 53636 ಸಂಖ್ಯೆಗೆ ಎಸ್‌ಎಂಎಸ್ ಕಳುಹಿಸಿ. ಇದಲ್ಲದಿದ್ದರೆ ಮೇಲೆ ತಿಳಿಸಿದ ವೆಬ್‌ಸೈಟ್ ಅಥವಾ ಮಾರುತಿಯ ಟೋಲ್ ಫ್ರಿ 1800 102 1800 ಸಂಖ್ಯೆಗೆ ಕರೆ ಮಾಡಿದರಾಯಿತು.