Click it and Unblock the Notifications
ರೆನೊದಿಂದ ಸಿದ್ಧಗೊಳ್ಳುತ್ತಿದೆ ಎರ್ಟಿಗಾ, ಇನ್ನೋವಾ ಪ್ರತಿಸ್ಪರ್ಧಿ
ಭಾರತೀಯ ಪ್ರಯಾಣಿಕ ಕಾರು ಮಾರುಕಟ್ಟೆಯಲ್ಲಿ ಮಲ್ಟಿ ಪರ್ಪಸ್ ವಾಹನಗಳಿಗೆ (ಎಂಪಿವಿ) ಭಾರಿ ಬೇಡಿಕೆಯಿದೆ. ದೇಶದ ನಂ. 1 ಕಾರು ತಯಾರಕ ಸಂಸ್ಥೆಯಾದ ಮಾರುತಿ ಸುಜುಕಿಯ ಎರ್ಟಿಗಾ ಹಾಗೂ ಟೊಯೊಟಾ ಇನ್ನೋವಾ ಆವೃತ್ತಿಗಳು ಯಶಸ್ಸನ್ನು ಕಂಡಿರುವುದು ಇದಕ್ಕೆ ಉದಾಹರಣೆಯಾಗಿದೆ.
ಇದೀಗ ಬಂದಿರುವ ಮಾಹಿತಿಗಳ ಪ್ರಕಾರ ಮಾರುತಿ ಎರ್ಟಿಗಾ ಹಾಗೂ ಟೊಯೊಟಾ ಇನ್ನೋವಾ ಆವೃತ್ತಿಗಳಿಗೆ ಸದ್ಯದಲ್ಲೇ ಪ್ರತಿಸ್ಪರ್ಧಿಯೊಂದು ಸಿದ್ಧಗೊಳ್ಳಲಿದೆ. ಬಹುನಿರೀಕ್ಷಿತ ರೆನೊ ಬ್ಯಾಡ್ಜ್ ಪಡೆದುಕೊಳ್ಳಲಿರುವ ಡ್ಯಾಸಿಯಾ ಲೋಡ್ಜಿ ಎಂಪಿವಿ ಭಾರತ ಮಾರುಕಟ್ಟೆಯನ್ನು 2014ರ ಮಧ್ಯಂತರ ಅವಧಿಯಲ್ಲಿ ಮಾರುಕಟ್ಟೆ ಪ್ರವೇಶಿಸಲಿದೆ.
ರೆನೊದಿಂದಲೇ ಬಿಡುಗಡೆಯಾಗಿದ್ದ ಡಸ್ಟರ್ ಕಾಂಪಾಕ್ಟ್ ಎಸ್ಯುವಿ ಭಾರತದಲ್ಲಿ ಅತ್ಯಂತ ಹಚ್ಚು ಯಶಸ್ಸನ್ನು ಕಂಡಿತ್ತು. ಇದೀಗ ಎಂಪಿವಿ ಸೆಗ್ಮೆಂಟ್ಗೂ ಕಾಲಿಡಲು ರೆನೊ ತವಕದಲ್ಲಿದೆ.
ರೆನೊ ಬ್ಯಾಡ್ಜ್ ಪಡೆದುಕೊಳ್ಳಲಿರುವ ಲೋಡ್ಜಿ
ನಿಮ್ಮ ಮಾಹಿತಿಗಾಗಿ ಡ್ಯಾಸಿಯಾ ಡಸ್ಟರ್ ರೀತಿಯಲ್ಲಿಯೇ ಪ್ರಸ್ತುತ ಎಂಪಿವಿ ಕಾರು ಭಾರತ ಎಂಟ್ರಿ ಪಡೆಯಲಿದೆ. ಅಂದರೆ ವಿದೇಶದಲ್ಲಿ ಡ್ಯಾಸಿಯಾದಿಂದ ಬಿಡುಗಡೆಯಾಗಲಿರುವ ಲೋಡ್ಜಿ ಭಾರತದಲ್ಲಿ ರೆನೊ ಬ್ಯಾಡ್ಜ್ ಪಡೆಯಲಿದೆ.
2014ರಲ್ಲಿ ಲಾಂಚ್
ಕಳೆದ ವರ್ಷದ ಜಿನೆವಾ ಮೋಟಾರ್ ಶೋದಲ್ಲಿ ಅನಾವರಣಗೊಂಡಿದ್ದ ಡ್ಯಾಸಿಯಾ ಲೋಡ್ಜಿ ಎಂಪಿವಿ 2014ರ ಮಧ್ಯಂತರ ಅವಧಿಯಲ್ಲಿ ಭಾರತ ಮಾರುಕಟ್ಟೆ ಪ್ರವೇಶಿಸುವ ನಿರೀಕ್ಷೆಯಿದೆ.
ದೆಹಲಿ ಆಟೋ ಎಕ್ಸ್ಪೋ
ಈಗಾಗಲೇ ಉಕ್ರೇನ್ ಮಾರುಕಟ್ಟೆಗೆ ಲಗ್ಗೆಯಿಟ್ಟಿರುವ ಡ್ಯಾಸಿಯಾ ಲೋಡ್ಜಿ ಎಂಪಿವಿ ಮುಂಬರುವ ದೆಹಲಿ ಆಟೋ ಎಕ್ಸ್ ಪೋದಲ್ಲಿ ಪ್ರದರ್ಶನ ಕಾಣುವ ನಿರೀಕ್ಷೆಯಿದೆ.
ಎಂಜಿನ್ ಮಾಹಿತಿ
ಈ ಏಳು ಸೀಟಿನ ಲೋಡ್ಜಿ ಮಲ್ಟಿ ಪರ್ಪಸ್ ಕಾರಿನಲ್ಲಿ 1.5 ಲೀಟರ್ ಕೆ9ಕೆ ಟರ್ಬೊ ಡೀಸೆಲ್ ಎಂಜಿನ್ನಿಂದ ನಿಯಂತ್ರಿಸಲ್ಪಡಲಿದೆ. ಇದರ ಜತೆ ಭಾರತೀಯ ವರ್ಷನ್ನಲ್ಲಿ 1.6 ಲೀಟರ್ ಪೆಟ್ರೋಲ್ ಎಂಜಿನ್ ಕೂಡಾ ಹೊಂದಿರುವ ಸಾಧ್ಯತೆಯಿದೆ.
ಪ್ರತಿಸ್ಪರ್ಧಿಗಳು
ಪ್ರಮುಖವಾಗಿಯೂ ದೇಶದ ಮಾರುಕಟ್ಟೆಯಲ್ಲಿ ಮಾರುತಿ ಎರ್ಟಿಗಾ, ಷೆವರ್ಲೆ ಎಂಜಾನ್, ಮಹೀಂದ್ರ ಕ್ಸೈಲೋ ಹಾಗೂ ಟೊಯೊಟಾ ಇನ್ನೋವಾ ಆವೃತ್ತಿಗಳಿಗೆ ನೂತನ ರೆನೊ ಲೋಡ್ಜಿ ಎಂಪಿವಿ ನೇರ ಪೈಪೋಟಿ ಒಡ್ಡಲಿದೆ.
Continue with Google