Just In
- 4 hrs ago ಸಾಟಿಯಿಲ್ಲದ ಮೈಲೇಜ್: ಈ ಮಾರುತಿ ಕಾರುಗಳು ಫುಲ್ ಟ್ಯಾಂಕ್ನಲ್ಲಿ 1200 ಕಿ.ಮೀ ಚಲಿಸುತ್ತೆ
- 5 hrs ago KTM Duke 125 ಬೆಲೆಗೆ ಯಾವೆಲ್ಲಾ ಬೈಕ್ಗಳು ಸಿಗುತ್ತೆ ಗೊತ್ತಾ?: ಪಲ್ಸರ್ನಿಂದ ಹಿಡಿದು MT 15 ವರೆಗೆ
- 6 hrs ago ಅಡ್ವೆಂಚರ್ ಬೈಕ್ ಪ್ರಿಯರಿಗೆ ಸಿಹಿಸುದ್ದಿ: ಬಿಡುಗಡೆಗೆ ಸಜ್ಜಾದ ಸುಜುಕಿ V-Strom 800 DE ಬೈಕ್
- 6 hrs ago Maruti Suzuki: 2024ರ ಮಾರುತಿ ಸ್ವಿಫ್ಟ್ ವಿಶೇಷತೆಗಳು: ಸನ್ರೂಫ್, 35 ಕಿ.ಮೀ ಮೈಲೇಜ್!
Don't Miss!
- News ಉಕ್ರೇನ್ ವಿರುದ್ಧ ರಷ್ಯಾ ಗಂಭೀರ ಆರೋಪ!
- Lifestyle ಯೇಸುವನ್ನು ಶಿಲುಬೆಗೆ ಹಾಕಿದ ದಿನವನ್ನು ಗುಡ್ ಪ್ರೈಡೇ ಎಂದು ಹೇಳುವುದೇಕೆ?
- Movies "ನಾವು ದಕ್ಷಿಣ ಭಾರತದವರಾಗಿದ್ರೂ ಭಾಷೆ ಬರುತ್ತೆ, ಸುಂದರವಾಗಿಯೂ ಇದ್ದೇವೆ"; ನಟಿ ಪ್ರಿಯಾಮಣಿ
- Sports RR vs DC: ಅವೇಶ್ ಖಾನ್, ರಿಯಾನ್ ಪರಾಗ್ ಶೈನ್; ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ವಿನ್
- Finance ಷೇರು ಮಾರುಕಟ್ಟೆಯಲ್ಲಿ ಬಂಪರ್ ಲಾಟರಿ: ಹೂಡಿಕೆದಾರರಿಗೆ ಲಾಭವೋ ಲಾಭ!
- Technology Oppo: ಭಾರತದಲ್ಲಿ ಒಪ್ಪೋ F25 ಪ್ರೊ ಸ್ಮಾರ್ಟ್ಫೋನ್ ಹೊಸ ಕಲರ್ ವೇರಿಯಂಟ್ನಲ್ಲಿ! ಬೆಲೆ ಎಷ್ಟು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಬೈಕ್ ಸೌಂಡ್ ಚೇಂಜ್ ಮಾಡಿದ ಮಾಮನ ಮಗ
ಅವನು ವಿರಾಜಪೇಟೆಯಿಂದ ಪುತ್ತೂರಿಗೆ ತಲುಪಿದ್ದು ಕೇವಲ ಎರಡೂವರೆ ಗಂಟೆಯಲ್ಲಿ. ಬಸ್ಸಿನಲ್ಲಿ ಬರೋದಾದ್ರೆ ಕಡಿಮೆಯೆಂದರೂ ಆರೇಳುಗಂಟೆ ಬೇಕು. ಅಣ್ಣಾ... ಮಡಿಕೇರಿಯಿಂದ ಇನ್ನೋವಾ ಕಾರನ್ನು ಓವರ್ ಟೆಕ್ ಮಾಡಲು ಪ್ರಯತ್ನಿಸಿದ್ದೆ.. ಆಗಲೇ ಇಲ್ಲ.. ಅಂತ ಅವ ತುಂಬಾ ದುಃಖದಿಂದ ದಿನಕ್ಕೆ ಹತ್ತು ಬಾರಿ ಹೇಳುತ್ತಿದ್ದ.
ನನಗೆ ಒಮ್ಮೆ ಅವನ ಬೈಕ್ ನೋಡಿ ಅಚ್ಚರಿಯಾಯಿತು. ಅದ್ಯಾವ ಕಂಪನಿಯ ಬೈಕ್ ಅಂತ ಕಂಪನಿ ಲೊಗೊ ಹುಡುಕಿದೆ. ಕೊನೆಗದು ಹೀರೋ ಹೋಂಡಾ ಸ್ಪ್ಲೆಂಡರ್ ಅಂತ ಗೊತ್ತಾಯಿತು. ಆದರೆ ಅದಕ್ಕೆ ಬಿಳಿ ಮತ್ತು ಕಪ್ಪು ಬಣ್ಣದ ಸ್ಟಿಕರ್ ಅಂಟಿಸಿ ಗುರುತು ಸಿಗದ ಹಾಗೇ ಸ್ಪೋರ್ಟ್ ಲುಕ್ ನೀಡಿದ್ದ.
ಈ ಹೊಸ ಬೈಕ್ ಖರೀದಿಸಿ ಮೂರು ತಿಂಗಳು ಭರ್ತಿಯಾಗಿರಲಿಲ್ಲ. ಹಿಂಭಾಗದ ಮಡ್ ಗಾಡ್ ಕಿತ್ಹಾಕಿ ಗಮ್ ಟೇಪ್ ಅಂಟಿಸಿದ್ದ. ಎರಡು ಉದ್ದದ ಹಾರ್ನ್ ಅಳವಡಿಸಿದ್ದ. ಅದರಲ್ಲಿ ಇಪ್ಪತ್ನಾಲ್ಕು ಬಗೆಯ ಸದ್ದು ಹೊರಡುತ್ತಿತ್ತು.
ಈ ಬೈಕಿನಲ್ಲಿ ಒಂದು ಸುತ್ಹಾಕಿ ಬಂದ ನನ್ನಣ್ಣ "ಥೂ ಇದ್ರಲ್ಲಿ ಬ್ರೇಕೇ ಇಲ್ಲ. ಹೇಗಪ್ಪ ಅಷ್ಟು ದೂರದಿಂದ ಬಂದೆ ಅಂತ ಪ್ರಶ್ನಿಸಿದ್ದ. ಹೀಗೆ ಈ ಬೈಕ್ ನನ್ನೂರಿನ ಎಲ್ಲರ ಕುತೂಹಲ ಕೆರಳಿಸಿತ್ತು. ಆ ಬೈಕಿನ ಸದ್ದೇ ಒಂದು ಅಚ್ಚರಿ. ಆಕಾಶದಲ್ಲಿ ಹಾರುವ ವಿಮಾನದ ಸದ್ದಿನಂತೆ ಒಂದು ಕಿಲೋಮೀಟರ್ ದೂರದಿಂದಲೇ ಅದರ ಸದ್ದು ಕೇಳುತ್ತಿತ್ತು.
ಹೀರೋ ಹೋಂಡಾ ಸ್ಪ್ಲೆಂಡರಿನ ಸ್ಮೂತ್ ಸದ್ದನ್ನು ಕಿತ್ಹಾಕಿ ಅದಕ್ಕೆ ಸ್ಪೋರ್ಟ್ ಬೈಕ್ ಸದ್ದನ್ನು ಹಾಕಿಸಿದ್ದ. ಸೌಂಡ್ ಚೇಂಜ್ ಮಾಡಿದ್ದು ಹೇಗೆ ಅಂತ ಕೇಳಿದಕ್ಕೆ "ಏರ್ ಫಿಲ್ಟರ್ ಬದಲಾಯಿಸಿದೆ" ಅಂದ. ಏರ್ ಫಿಲ್ಟರ್ ಬದಲಾಯಿಸಿದ ಕ್ಕೆ ಗ್ಯಾರೇಜಿನವ 300 ರುಪಾಯಿ ತೆಗೆದುಕೊಂಡನಂತೆ.
"ಇವ್ನಿಗೆ ಪೆಟ್ಟಿನ ಬಿಸಿ ಕಡಿಮೆಯಾಗಿದೆ ಅದಕ್ಕೆ ಹೀಗೆ ಮಾಡ್ತಾನೆ" ಅವನಪ್ಪ ಮರುದಿನ ನನ್ನಲ್ಲಿ ಹೇಳುತ್ತಿದ್ದರು. "ಯಾಕೆ ಮಾಮ ಹೀಗಂತ್ತೀರಾ.. ಈಗ ಬೈಕ್ ಸೂಪರ್ ಆಗಿದೆಯಲ್ವ? ಅಂತ ಪ್ರಶ್ನಿಸಿದೆ. "ನಿಂಗೊತ್ತ ಪ್ರವೀಣ್, ಈಗ ಈ ಬೈಕ್ ಮೈಲೇಜ್ 30 ಕಿ.ಮೀ. ಮಾತ್ರ" ಮಾಮ ಹತಾಶೆಯಿಂದ ಹೇಳಿದ್ರು.
ಅವರ ಪಕ್ಕದಲ್ಲಿ ಕುಳಿತಿದ್ದ ಮನು "ಇಲ್ಲಣ್ಣ... ಮೈಲೇಜ್ 40 ಕಿ.ಮೀ. ಸಿಗುತ್ತೆ" ಅಂದ
ಪ್ರತಿಲೀಟರ್ ಪೆಟ್ರೋಲಿಗೆ 65 ಕಿ.ಮೀ. ಮೈಲೇಜ್ ಸಿಗೋ ಬೈಕಿನ ಮೈಲೇಜನ್ನು 35ಕ್ಕೆ ಇಳಿಸಿ ಶೋಕಿ ಮಾಡುವ ಮಾಮನ ಮಗನ ನೋಡಿ ನನಗೆ ಅಚ್ಚರಿಯಾಗಲಿಲ್ಲ. ಯಾಕೆಂದರೆ ಇದು ಯುವ ಜಮಾನ.
(ನಿಮ್ಮ ವಾಹನ ಸವಾರಿ ಆಸಕ್ತಿಗೆ ಇನ್ನಷ್ಟು ಅಶ್ವಶಕ್ತಿ)