ಪರಿಸರ ಸ್ನೇಹಕ್ಕೆ ಜೈಕಾರ ಹಾಡಿದ 'ತಲ' ಅಜಿತ್

ಬಿಡುವಿಲ್ಲದ ಚಲನಚಿತ್ರ ವೃತ್ತಿ ಜೀವನದ ನಡುವೆಯೂ ಸಮಯ ಕಂಡುಕೊಳ್ಳುವ ಅಜಿತ್ ಸ್ವಚ್ಛಂದವಾಗಿ ತಮ್ಮ ನೆಚ್ಚಿನ ಕಾರು, ಬೈಕ್ ಗಳಲ್ಲಿ ಪಯಣಿಸಲು ಬಯಸುತ್ತಾರೆ.

ಈ ಹಿಂದೆ ಹಲವು ಬಾರಿ ಚಿತ್ರಗಳಿಗೆ ಡೇಟ್ ನೀಡಿ ಬಳಿಕ ತಮ್ಮ ಡ್ರೈವಿಂಗ್ ಅಭ್ಯಾಸದಿಂದಾಗಿ ಚಿತ್ರ ನಿರ್ದೇಶಕರ ಕೋಪಕ್ಕೆ ಗುರಿಯಾಗಿರುವಂತಹ ವಿವಾದತ್ಮಾಕ ಪ್ರಸಂಗಗಳನ್ನು ಎದುರಿಸಿರುವ ಅಜಿತ್ ಎಂದೂ ತಮ್ಮ ಡ್ರೈವಿಂಗ್ ಹವ್ಯಾಸವನ್ನು ಬಿಟ್ಟುಕೊಟ್ಟವರಲ್ಲ.

ಫಾರ್ಮುಲಾ ಚಾಂಪಿಯನ್ ಶಿಪ್ ನಲ್ಲಿ ಭಾಗವಹಿಸಿರುವ ಭಾರತದ ಏಕಮಾತ್ರ ನಟ ಎಂಬ ಗೌರವಕ್ಕೂ ಪಾತ್ರವಾಗಿರುವ ಅಜಿತ್ ಹಲವಾರು ದೇಶಿಯ ಜೊತೆಗೆ ಅಂತರಾಷ್ಟ್ರೀಯ ಕಾರು ರೇಸ್ ನಲ್ಲಿ ಭಾಗವಹಿಸಿದ್ದಾರೆ.

ತಮ್ಮ ಗ್ಯಾರೇಜ್ ಗಳಲ್ಲಿ ದುಬಾರಿ ಕಾರು ಬೈಕ್ ಗಳನ್ನು ಹೊಂದಿರುವ ಅಜಿತ್ ಪಾಲಿಗೆ ಬಿಎಂಡಬ್ಲ್ಯು ಐ9 ಹೊಸ ಸೇರ್ಪಡೆಯಾಗಿದೆ. ಈಗಾಗಲೇ ನಾವು ತಿಳಿಸಿರುವಂತೆಯೇ ಬಿಎಂಡಬ್ಲ್ಯು ಐ8 ಭಾರತಕ್ಕೆ ಇತ್ತೀಚೆಗಷ್ಟೇ ಭರ್ಜರಿ ಪ್ರವೇಶ ಪಡೆದಿತ್ತು.

2015 ನ್ಯೂಯಾರ್ಕ್ ಆಟೋ ಶೋದಲ್ಲಿ 'ವಿಶ್ವ ಹಸಿರು ಕಾರು' ಪ್ರಶಸ್ತಿಯಿಂದಲೂ ಭಾಜನವಾಗಿರುವ ಬಿಎಂಡಬ್ಲ್ಯು ಐ8 ಕಾರಿನಲ್ಲಿ ಪೆಟ್ರೋಲ್ ಎಂಜಿನ್ ಜೊತೆಗೆ ಎಲೆಕ್ಟ್ರಿಕ್ ಮೋಟಾರು ಆಳವಡಿಸಲಾಗಿದೆ.

ಭಾರತದಲ್ಲಿ ಬಿಎಂಡಬ್ಲ್ಯು ಐ8 ದೆಹಲಿ ಎಕ್ಸ್ ಶೋ ರೂಂ ಬೆಲೆ 2.29 ಕೋಟಿ ರು.ಗಳಷ್ಟು ದುಬಾರಿಯೆನಿಸಿದೆ.

ಮಾಜಿ ಕ್ರಿಕೆಟಿಗ ಸಚಿನ್ ತೆಂಡೂಲ್ಕರ್ ದಿವ್ಯ ಹಸ್ತಗಳಿಂದ ಭಾರತ ಪ್ರವೇಶ ಪಡೆದಿರುವ ಬಿಎಂಡಬ್ಲ್ಯು ಐ8 ಕಂಪ್ಲೀಟ್ ಬಿಲ್ಟ್ ಯುನಿಟ್ ಮುಖಾಂತರದಲ್ಲಿ ಸೀಮಿತ ಆವೃತ್ತಿಯಲ್ಲಿ ಮಾತ್ರ ದೇಶದಲ್ಲಿ ಮಾರಾಟವಾಗುತ್ತಿದೆ.

ಫೆರಾರಿ, ಲಂಬೋರ್ಗಿನಿಗಳಂತಹ ಸೂಪರ್ ಕಾರುಗಳನ್ನೇ ಮೀರಿಸುವಂತಹ ಆಧುನಿಕ ತಂತ್ರಜ್ಞಾನಗಳನ್ನು ಒಳಗೊಂಡಿರುವ ಬಿಎಂಡಬ್ಲ್ಯು ಐ8 ಪ್ಲಗಿನ್ ಹೈಬ್ರಡ್ ಮಾದರಿಲ್ಲಿ 1.5 ಲೀಟರ್ ಟರ್ಬೊ ತ್ರಿ ಸಿಲಿಂಡರ್ ಎಂಜಿನ್ ಆಳವಡಿಸಲಾಗಿದೆ. ಇದರ ಜೊತೆಗೆ ಎಲೆಕ್ಟ್ರಿಕ್ ಮೋಟಾರು ಕೂಡಾ ಇರಲಿದೆ. ಇವೆರಡು ಸೇರಿ ಗರಿಷ್ಠ 370 ಅಶ್ವಶಕ್ತಿ ಉತ್ಪಾದಿಸಲಿದ್ದು, 4.4 ಸೆಕೆಂಡುಗಳಲ್ಲೇ ಗಂಟೆಗೆ 0-100 ಕೀ.ಮೀ. ವೇಗದಲ್ಲಿ ಚಲಿಸಲಿದೆ. ಅಂತೆಯೇ ಗರಿಷ್ಠ ಗಂಟೆಗೆ 250 ಕೀ.ಮೀ. ವೇಗವನ್ನು ಪಡೆಯಲಿದೆ.

ಬಿಎಂಡಬ್ಲ್ಯು ಐ8 ಪ್ಲಗ್ ಇನ್ ಹೈಬ್ರಿಡ್ ಮಾದರಿಯು ಸಂಪೂರ್ಣ ಎಲೆಕ್ಟ್ರಿಕ್ ಮೋಡ್‌ನಲ್ಲಿ 37 ಕೀ.ಮೀ. ವೆರೆಗೂ ಚಲಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಇದರ ಗರಿಷ್ಠ ವೇಗ ಗಂಟೆಗೆ 120 ಕೀ.ಮೀ. ಆಗಿರಲಿದೆ.

ಜಾಗತಿಕ ಮಾರುಕಟ್ಟೆಯಲ್ಲಿ ಪೋರ್ಷೆ 911, ಆಡಿ ಆರ್8 ಹಾಗೂ ಜಾಗ್ವಾರ್ ಎಫ್-ಟೈಪ್ ಮಾದರಿಗಳಿಗೆ ಪ್ರತಿಸ್ಪರ್ಧಿಯಾಗಿರುವ ಬಿಎಂಡಬ್ಲ್ಯು ಐ8 ಹೈಬ್ರಿಡ್ ಸ್ಪೋರ್ಟ್ಸ್ ಕಾರು ಭಾರತದಲ್ಲೂ ಮೋಡಿ ಮಾಡಿದ್ದು, ಈಗ ಅಜಿತ್ ನೆಚ್ಚಿನ ಕಾರೆನಿಸಿಕೊಂಡಿದೆ.