ಗಗನ ಚುಂಬಿಸಿದ 'ಏರೋಮೊಬೈಲ್' ಹಾರುವ ಕಾರು

ಪ್ರಸ್ತುತ ಏರೋಮೊಬೈಲ್ 2.5 ಫ್ಲೈಯಿಂಗ್ ಕಾರು ಅಭಿವೃದ್ಧಿ ಹಂತದಲ್ಲಿದೆ. ನೆನಪಿರಲಿ ಇನ್ನೊಂದೆಡೆ ಟೆರ್ರಾಫುಜಿಯಾ ಈಗಾಗಲೇ ಉತ್ಪಾದಕಾ ವರ್ಷನ್ ಪಡೆದುಕೊಂಡಿದೆ.

ಇದೀಗ ಆಗಮನವಾಗಿರುವ ಏರೋಮೊಬೈಲ್ ಹಾರುವ ಕಾರಿನ ಮೂರನೇ ಕಾನ್ಸೆಪ್ಟ್ ಆಗಿದ್ದು, ಇದನ್ನು ಅಭಿವೃದ್ಧಿಪಡಿಸಲು ಸರಿ ಸುಮಾರು 20 ವರ್ಷಗಳೇ ತಗುಲಿದೆ.

ಸಹ ಸಂಸ್ಥಾಪಕ ಹಾಗೂ ಮುಖ್ಯ ವಿನ್ಯಾಸಗಾರನಾಗಿರುವ ಸ್ಟೆಫನ್ ಕ್ಲೆನ್ ಮೊದಲ ಬಾರಿಗೆ 1990ನೇ ಇಸವಿಯಲ್ಲಿ ಏರೋಮೊಬೈಲ್ ವಿನ್ಯಾಸದ ಕೆಲಸವನ್ನು ಪ್ರಾರಂಭಿಸಿದ್ದರು. ಮುಂದುವರಿದ ಬೆಳವಣಿಗೆಯಲ್ಲಿ ಈ ವಿನ್ಯಾಸದಲ್ಲಿ ಹಲವಾರು ಬದಲಾವಣೆಗಳನ್ನು ತರಲಾಗಿತ್ತು.

ನೀವು ಚಿತ್ರದಲ್ಲಿ ನೋಡುತ್ತಿರುವಂತೆಯೇ ಏರೋಮೊಬೈಲ್, ಅತ್ಯಾಧುನಿಕ ತಂತ್ರಜ್ಞಾನಗಳನ್ನು ಹೊಂದಿರುವ ಫ್ಲೈಟಿಂಗ್ ಜೆಟ್ (ಯುದ್ಧ ವಿಮಾನ) ವಿನ್ಯಾಸವನ್ನು ಪಡೆದುಕೊಂಡಿದೆ.

ಏರೋಮೊಬೈಲ್ ಫ್ರಂಟ್ ವೀಲ್ ಡ್ರೈವ್ ಸಿಸ್ಟಂ ಹೊಂದಿದ್ದು, ಹಿಂದುಗಡೆಯೂ ಎರಡು ಚಿಕ್ಕ ಚಕ್ರಗಳನ್ನು ಜೋಡಿಸಲಾಗಿದೆ.

ಡ್ರೈವರ್ ಸೇರಿಂದತೆ ಮುಂದುಗಡೆ ಇಬ್ಬರಿಗೆ ಕುಳಿತುಕೊಳ್ಳಲು ಸುವ್ಯವಸ್ಥೆವಾದ ಆಸನ ವ್ಯವಸ್ಥೆ ಮಾಡಲಾಗಿದೆ.

ಇದರಲ್ಲಿ ಎರಡು ವಿಧದ ಸ್ಟೀರಿಂಗ್ ಕಂಟ್ರೋಲ್ ಇದ್ದು, ಸಹಜವಾಗಿಯೇ ದೊಡ್ಡ ಸ್ಟೀರಿಂಗ್ ವೀಲ್ ರಸ್ತೆಯಲ್ಲೂ ಇನ್ನೊಂದು ಹಾರುವ ವೇಳೆ ನಿಯಂತ್ರಣ ಕಂಡುಕೊಳ್ಳಲಿದೆ.

ಏರೋಮೊಬೈಲ್ 2.5 ಸ್ಟೀಲ್ ಫ್ರೇಮ್ ಹೋದಿಕೆಯ ಕಾರ್ಬನ್ ಫೈಬರ್ ದೇಹವನ್ನು ಹೊಂದಿದೆ. ಇದು ತೂಕ ಕಡಿಮೆ ಮಾಡುವಲ್ಲಿ (450ಕೆ.ಜಿ) ನೆರವಾಗಲಿದೆ.

ಇದು ರೋಟೆಕ್ಸ್ 912 ಎಂಜಿನ್ ಪಡೆದುಕೊಂಡಿದ್ದು, 100 ಅಶ್ವಶಕ್ತಿ ಉತ್ಪಾದಿಸಲು ನೆರವಾಗಲಿದೆ.

ಇನ್ನು ಏರೋಮೊಬೈಲ್ 2.5 ಹಾರುವ ಕಾರು ಗಂಟೆಗೆ ಗರಿಷ್ಠ 200 ಕೀ.ಮೀ. ವೇಗದಲ್ಲಿ ಸಂಚರಿಸುವ ಸಾಮರ್ಥ್ಯ ಹೊಂದಿದೆ. ಹಾಗೆಯೇ ಗಾಳಿಯಲ್ಲಿ ಗಂಟೆಗೆ 160 ಕೀ.ಮೀ. ವೇಗದಲ್ಲಿ ಸಂಚರಿಸಲಿದೆ.

ಅಂತೆಯೇ ಗಾಳಿಯಲ್ಲಿ 700 ಕೀ.ಮೀ. ಹಾಗೂ ರಸ್ತೆಯಲ್ಲಿ 500 ಕೀ.ಮೀ. ರೇಂಜ್ ವರೆಗೂ ಚಲಿಸಲಿದೆ. ಇನ್ನು ಮೈಲೇಜ್ ಬಗ್ಗೆ ಮಾತನಾಡುವುದಾದರೆ ಏರೋಮೊಬೈಲ್ ಪ್ರತಿ ಲೀಟರ್‌ಗೆ 13.3 ಕೀ.ಮೀ. ಇಂಧನ ಕ್ಷಮತೆ ನೀಡಲಿದೆ.