ನಟರಿಂದ ಅಸಾಧ್ಯವಾದುದ್ಧನ್ನು ಸಾಧಿಸಿ ತೋರಿಸಿರುವ ಅಜಿತ್

ಅಜಿತ್ ತಮ್ಮ ಈ ಸಾಹಸ ಯಾತ್ರೆಗೆ ಬಿಎಂಡಬ್ಲ್ಯು ಕೆ1300ಎಸ್ ದುಬಾರಿ ಬೈಕ್ ಬಳಕೆ ಮಾಡಿದ್ದರು. ಇದರ ಬೆಂಗಳೂರು ಆನ್ ರೋಡ್ ದರ ಬರೋಬ್ಬರಿ 25 ಲಕ್ಷ ರು.ಗಳ ಅಸುಪಾಸಿನಲ್ಲಿದೆ.

ಪುಣೆಯಿಂದ ಆರಂಭಿಸಿದ್ದ ಅಜಿತ್ ಬೈಕ್ ರಾಲಿಯು ಬೆಂಗಳೂರು ಹಾದಿಯಾಗಿ ಚೆನ್ನೈ ತಲುಪಿತ್ತು. ಈ ನಡುವೆ ಬೆಂಗಳೂರಿನಲ್ಲಿ ಮೂರು ತಾಸುಗಳಷ್ಟು ಹೊತ್ತುವಿಶ್ರಾಂತಿಯನ್ನು ಪಡೆದುಕೊಂಡಿದ್ದರು.

ಕೇವಲ 16 ಗಂಟೆಯೊಳಗೆ ತಮ್ಮ ಈ ಜಾಗೃತಿ ಪಯಣವನ್ನು ಅಜಿತ್ ಪೂರ್ಣಗೊಳಿಸಿದ್ದರು. ಈ ಮೂಲಕ ಒಟ್ಟು 1300 ಕೀ.ಮೀ. ಕ್ರಮಿಕರಿಸಿದ್ದರು.

ನಟ ಅಜಿತ್‌ಗೆ ಯಾವುದೇ ಆರೋಗ್ಯ ಸಮಸ್ಯೆ ಎದುರಾದ್ದಲ್ಲಿ ತುರ್ತು ನೆರವು ನೀಡಲು ವೈದ್ಯಕೀಯ ತಂಡವೊಂದು ಹಿಂಬಾಲಿಸಿತ್ತು.

ಈ ಸಾಹಸಿಕ ಪ್ರದರ್ಶನದ ಇನ್ನೊಂದು ಪ್ರಮುಖ ಅಂಶವೆಂದರೆ ನಟ ಅಜಿತ್ ಎಲ್ಲ ರಸ್ತೆ ನಿಯಮಗಳನ್ನು ಚಾಚು ತಪ್ಪದೇ ಪಾಲಿಸಿ ಬಂದಿರುವುದು. ಇದು ಅಭಿಮಾನಿಗಳಲ್ಲಿ ಮೆಚ್ಚುಗೆಗೆ ಕಾರಣವಾಗಿದೆ.

ಹಾಗೆಯೇ ರಸ್ತೆ ಬದಿಗಳಲ್ಲಿರುವ ದಾಬಾಗಳಲ್ಲಿ ಸಿಗುವ ರೋಟಿ ಮೂಲಕವೇ ತಮ್ಮ ಹಸಿವನ್ನು ನೀಗಿಸಿಕೊಂಡಿದ್ದರು.

ಯಶಸ್ವಿ ಪಯಣದ ಬಳಿಕ ಪ್ರತಿಕ್ರಿಯಿಸಿರುವ ಅಜಿತ್, ಮನಸ್ಸಿಗೆ ನೆಮ್ಮದಿ ಕಂಡುಕೊಳ್ಳಲು ಬೈಕ್ ಪಯಣ ನೆರವಾಗುತ್ತಿದ್ದು, ಇದು ಒಂಥರ ಧ್ಯಾನ ಮಾಡಿದ್ದಂತೆ ಎಂದಿದ್ದಾರೆ.

ಅಜಿತ್ ಅವರ ಈ ದುಬಾರಿ ಕೆ1300ಎಸ್ ಬೈಕ್‌ನಲ್ಲಿ ಬ್ಲೂಟೂತ್, ಕ್ಯಾಮೆರಾಗಳಂತಹ ಸೇವೆ ಲಭ್ಯವಿದೆ. ಕೆಲವು ದಿನಗಳ ಹಿಂದೆಯಷ್ಟೇ ಅಜಿತ್ ಬೆಂಗಳೂರಿನಿಂದ ಚೆನ್ನೈ ವರೆಗೆ ಬೈಕ್ ರೈಡಿಂಗ್ ಹಮ್ಮಿಕೊಂಡಿದ್ದರು. ಸದ್ಯ ಅವರಿಗಂತೂ ಬೈಕ್ ರೈಡಿಂಗ್ ಹವ್ಯಾಸವಾಗಿಬಿಟ್ಟಿದೆ.

ಅತ್ಯುತ್ತಮ ಸ್ಪೋರ್ಟ್ಸ್ ಬೈಕ್‌ಗಳ ಪೈಕಿ ಒಂದಾಗಿರುವ ಬಿಎಂಡಬ್ಲ್ಯು ಕೆ ಸಿರೀಸ್, ಇನ್‌ಲೈನ್ 4 ಸಿಲಿಂಡರ್ ಎಂಜಿನ್ ಹೊಂದಿದೆ. ಜಾಗತಿಕವಾಗಿ ಹೆಚ್ಚು ಖ್ಯಾತಿ ಪಡೆದಿರುವ ಇದು ಫೇರ್ಡ್ ಬೈಕ್ ವಿಭಾಗದಲ್ಲಿ ಗುರುತಿಸಿಕೊಂಡಿದೆ. ಇದು ನಿರ್ವಹಣೆ, ಹ್ಯಾಂಡ್ಲಿಂಗ್ ಹಾಗೂ ಗುಣಮಟ್ಟಕ್ಕೆ ಹೆಸರುವಾಸಿಯಾಗಿದೆ.

ಅಂದ ಹಾಗೆ ತಿಂಗಳುಗಳ ಹಿಂದೆಯಷ್ಟೇ 25 ಲಕ್ಷ ರು. ಬೆಲೆಬಾಳುವ ದುಬಾರಿ ಎಪ್ರಿಲಿಯಾ ಬೈಕನ್ನು ಅಜಿತ್ ಖರೀದಿಸಿದ್ದರು.