ಅಲ್ಟಿಮೇಟ್ ರೈಡಿಂಗ್ ವಂಡರ್ - ಕೂರ್ಗ್‌

ದೇಶದ ಅತಿಶ್ರೇಷ್ಠ ರಸ್ತೆಗಳು ವಿವಿಧ ಭೂಪ್ರದೇಶ, ಹಮಾಮಾನ ವೈಪರೀತದಿಂದ ಕೂಡಿದ್ದು, ಸಾಹಸಿ ಪ್ರಿಯರನ್ನು ಸೆಳೆಯುತ್ತಿದೆ. ಫೋಟೊ ಫೀಚರ್ ಕ್ಕಿಕ್ಕಿಸುತ್ತಾ ಈ ಬಗ್ಗೆ ಹೆಚ್ಚು ತಿಳಿದುಕೊಳ್ಳಲು ಪ್ರಯತ್ನಿಸಿರಿ...

Manali To Leh

ಭಾರತದಲ್ಲಿ ಕಾಣಿಸಿಗುವ ರಸ್ತೆಗಳ ಪೈಕಿ ದೇಶದ ಹೆಮ್ಮೆಯ ಪ್ರತೀಕವಾಗಿರುವ ಹಿಮಾಲಯದಲ್ಲಿ ಅತಿ ವರ್ಣೀಯ ಅದೇ ಹೊತ್ತಿಗೆ ಅಷ್ಟೇ ಅಪಾಯಕಾರಿ ರಸ್ತೆ ಹಾದು ಹೋಗುತ್ತಿದೆ. ಹಿಮಪಾತದ ನಡುವೆ ಮನಾಲಿಯಿಂದ ಲೇಹ್ ವರೆಗಿನ ರೈಡಿಂಗ್ ಸಾಹಸಿಗರ ಫೇವರಿಟ್ ತಾಣವಾಗಿದೆ.

Great Rann of Kutch

ಇನ್ನು ಹಿಮಾಲಯದಿಂದ ನೇರವಾಗಿ ಪಶ್ಚಿಮಕ್ಕೆ ಹಾದಿ ಹಿಡಿದಾಗ ನಮಗೆ 'ಗ್ರೇಟ್ ರಣ್ ಆಫ್ ಕಚ್' ಕಾಣಸಿಗುತ್ತದೆ. ರಣ್ ಆಫ್ ಕಚ್‌ನ ತೆರೆದಿಟ್ಟ ಈ ಶ್ವೇತ ಮರುಭೂಮಿಯು ಎಂತವರ ಉಸಿರಾಟವನ್ನು ಬಿಗಿಯಾಗಿರಿಸಲಿದೆ. ನೇರವಾದ ಡ್ರೈವಿಂಗ್‌ಗೆ ಕಾರಣವಾಗಿರುವ ರಣ್ ಆಫ್ ಕಚ್‌ನಲ್ಲಿ ಜೀವನದಲ್ಲಿ ಒಮ್ಮೆಯಾದರೂ ಡ್ರೈವಿಂಗ್ ಮಾಡಬೇಕೆಂಬ ಹಂಬಲ ಹುಟ್ಟತ್ತದೆ. ಇಲ್ಲಿನ ಬಿರುಕು ಬಿಟ್ಟ ಭೂಮಿ ಸಾಹಸಿ ಚಾಲಕರಿಗೆ ಅತ್ಯಮೋಘ ಅನುಭವ ನೀಡುತ್ತದೆ.

Pamban Bridge - Rameshwaram

ಇದು ದಕ್ಷಿಣ ಭಾರತದಲ್ಲಿ ಕಾಣಿಸಿಗುವ ಅತಿ ಮನೋಹರ ಪಂಬನ್ ಸೇತುವೆಯಾಗಿದೆ. 100 ವರ್ಷಗಳ ಹಿಂದೆ ಅಂದರೆ 1914ನೇ ಇಸವಿಯಲ್ಲಿ ಈ ಸೇತುವೆಯನ್ನು ನಿರ್ಮಿಸಲಾಗಿದೆ. ಇಲ್ಲೇ ಪಕ್ಕದಲ್ಲಿ ರೈಲ್ವೇ ಹಳಿ ಹಾದು ಹೋಗುತ್ತಿದೆ. ಎರಡೂ ಕಿಲೋಮೀಟರಿಗೂ ಹೆಚ್ಚಿನ ಉದ್ದದ ಸೇತುವೆ ಸಮುದ್ರದಲ್ಲಿ ಸಾಗಿ ರಾಮೇಶ್ವರಕ್ಕೆ ಸಂಪರ್ಕ ಕಲ್ಪಿಸುತ್ತದೆ.

Sela Pass – Arunachal Pradesh

ಇನ್ನು ದೇಶದ ಈಶಾನ್ಯ ಭಾಗದಲ್ಲಿರುವ ಅರುಣಾಚಲ ಪ್ರದೇಶದ ಸೇಲಾ ಪಾಸ್ ಕಣಿವೆ ಹಾದಿ ತುಂಬಾನೇ ಸವಾಲಿನಿಂದ ಕೂಡಿದ್ದಾಗಿದೆ. ಹಿಮಪಾತದ ನಡುವೆ ಇಲ್ಲಿ ಅತಿಯಾದ ಯೂ ಟರ್ನ್‌ಗಳು ಅಪಾಯವನ್ನು ಆಹ್ವಾನಿಸುತ್ತದೆ. ಸಮುದ್ರ ಮಟ್ಟಕ್ಕಿಂತ 4,170 ಮೀಟರ್ ಎತ್ತರದಲ್ಲಿರುವ ಭೂಪ್ರದೇಶದ ಚಳಿಗಾಲದ ತಾಪಮಾನವು 10 ಡಿಗ್ರಿಗೂ ಕಡಿಮೆಯಾಗಿರುತ್ತದೆ.

Coorg To Munnar Via Ooty

ಇನ್ನು ಮತ್ತೆ ದಕ್ಷಿಣಕ್ಕೆ ಬಂದಾಗ ನಮ್ಮ ಕರ್ನಾಟಕದ ಕೂರ್ಗ್‌ನಿಂದ ಹಿಡಿದು ಕೇರಳದ ವಯನಾಡ್ ಸಾಗಿ ತಮಿಳುನಾಡಿನ ಊಟಿ ಹಾದಿಯು ಅತ್ಯಂತ ಮನಮೋಹಕವಾಗಿದೆ. 2011ನೇ ಸಾಲಿನ ವಿಶ್ವದ 'ಅಲ್ಟಿಮೇಟ್ ರೈಡಿಂಗ್ ವಂಡರ್' ಆಗಿ ಈ ರಸ್ತೆಗೆ ಮಾನ್ಯತೆ ಲಭಿಸಿತ್ತು. ಇಲ್ಲಿನ ಆಕರ್ಷಕ ಕಾಫಿ ತೋಟ, ಮಲೆನಾಡು ಪ್ರದೇಶ ಹಾಗೂ ಹಸಿರು ತೋರಣವು ಸಾಹಸಿ ಚಾಲಕರ ಫೇವರಿಟ್ ಎನಿಸಿಕೊಂಡಿದೆ.

Which One Have You Seen?

ಇದೀಗ ನಿಮ್ಮ ಅನಿಸಿಕೆಗಳನ್ನು ಕಾಮೆಂಟ್ ಮೂಲಕ ತಿಳಿಸಿರಿ. ಹಾಗೆಯೇ ನಿಮಗೆ ತಿಳಿದ ಶ್ರೇಷ್ಠ ಡ್ರೈವಿಂಗ್ ರೂಟ್‌ಗಳ ಬಗ್ಗೆ ಮಾಹಿತಿಯನ್ನು ಪಸರಿಸಿರಿ...