ಮಳೆಗಾಲದಲ್ಲಿ ಎಚ್ಚರವಿರಲಿ: ಹುತ್ತವನ್ನು ಬಿಟ್ಟು ಬೈಕ್ ಸ್ಪೀಡೋಮೀಟರ್ ಸೇರಿದ ನಾಗರ ಹಾವು

ಹಾವು, ಚೇಳುಗಳಂತಹ ಜೀವಿಗಳನ್ನು ದೂರದಿಂದ ನೋಡಿದರೆ ಜೀವ ತಣ್ಣಗಾಗುತ್ತದೆ. ಅದೇ ನಾವು ಓಡಿಸುವ ಬೈಕ್‌ನಲ್ಲಿ ಕಾಣಿಸಿಕೊಂಡರೆ ಅಂತಹ ಪರಿಸ್ಥಿತಿಯನ್ನು ವಿವರಿಸಬೇಕಿಲ್ಲ, ನಿಮಗೇ ತಿಳಿದಿರುತ್ತದೆ. ಇತ್ತೀಚೆಗಷ್ಟೇ ಮಧ್ಯಪ್ರದೇಶದಲ್ಲಿ ಇಂತಹದ್ದೇ ಘಟನೆ ಬೆಳಕಿಗೆ ಬಂದಿದೆ.

ವರದಿಯ ಪ್ರಕಾರ, ಈ ಘಟನೆ ಮಧ್ಯಪ್ರದೇಶದ ನರಸಿಂಗ್‌ಪುರದಲ್ಲಿ ನಡೆದಿದೆ. ನಜೀರ್ ಖಾನ್ ಎಂಬ ವ್ಯಕ್ತಿ ರಾತ್ರಿ ಮನೆ ಬಳಿ ಬೈಕ್ ನಿಲ್ಲಿಸಿ ಬೆಳಗ್ಗೆ ಎಂದಿನಂತೆ ಬೈಕ್ ಅನ್ನು ತೆಗೆದುಕೊಂಡು ಹೋಗುತ್ತಿದ್ದಾಗ ಬೈಕ್ ನ ಓಡೋಮೀಟರ್ ನಲ್ಲಿ ಹಾವು ಪತ್ತೆಯಾಗಿದೆ.

ಅದು ಹೇಗೆ ಅಲ್ಲಿಗೆ ಸೇರಿದೆ ಎಂದು ಒಂದು ಕ್ಷಣ ದಂಗಾಗಿದ್ದಾನೆ. ಕೂಡಲೇ ಬೈಕ್ ನಿಲ್ಲಿಸಿ ಪಕ್ಕಕ್ಕೆ ಓಡಿಬಂದಿದ್ದಾನೆ. ಬೈಕ್‌ನ ಸ್ಪೀಡೋಮೀಟರ್‌ನಲ್ಲಿ ಹಾವೊಂದು ಸಿಕ್ಕಿಹಾಕಿಕೊಂಡಿದ್ದು, ಅದನ್ನು ಹೊರತೆಗೆಯಲು ಅಕ್ಕಪಕ್ಕದಲ್ಲಿದ್ದ ಹಲವರು ಹರಸಾಹಸ ಪಟ್ಟಿದ್ದಾರೆ.

ಆದರೆ ಯಾವುದೇ ಪ್ರಯೋಜನವಾಗಿಲ್ಲ. ಇದರ ವಿಡಿಯೋ ಕೂಡ ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡುತ್ತಿದೆ. ಈ ವಿಡಿಯೋದಲ್ಲಿರುವ ಹಾವು ಖಂಡಿತ ನಾಗರ ಹಾವು ಎಂಬುದು ಖಚಿತವಾಗಿದೆ. ವೀಡಿಯೊದಲ್ಲಿ ನೀವು ಸ್ಪಷ್ಟವಾಗಿ ಗಮನಿಸಿದರೆ ಹಾವಿನ ಚಲಿಸುವ ದೃಶ್ಯಗಳನ್ನು ಸಹ ನೋಡಬಹುದು.

ಕೊನೆಗೆ ಹಾವನ್ನು ಹೊರ ತೆಗೆಯಲು ಸ್ಪೀಡೋಮೀಟರ್‌ನ ಗಾಜು ಒಡೆದಿದ್ದಾರೆ. ಕನ್ನಡಿ ಒಡೆದು ಕೊನೆಗೆ ಅದರಲ್ಲಿ ಸಿಲುಕಿದ್ದ ಹಾವನ್ನು ಹೊರ ತೆಗೆಯಲಾಯಿತು. ಯಾರಿಗೂ ಯಾವುದೇ ತೊಂದರೆಯಾಗಿಲ್ಲ, ಹೀಗಾಗಿ ಎಲ್ಲರೂ ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.

ಮಳೆಗಾಲದಲ್ಲಿ, ಹೆಚ್ಚಿನ ಹಾವುಗಳು ಬೆಚ್ಚಗಿನ ಸ್ಥಳಗಳನ್ನು ಹುಡುಕಿಕೊಂಡು ಅಲ್ಲಿ ಉಳಿಯಲು ಪ್ರಯತ್ನಿಸುತ್ತವೆ. ಸಾಮಾನ್ಯವಾಗಿ ಬೈಕ್ ಸ್ಪೀಡೋ ಮೀಟರ್ ಒಳಗೆ ಗಾಳಿಯಿಲ್ಲದಿರುವ ಕಾರಣ ತುಸು ಬೆಚ್ಚಗಿರುತ್ತದೆ. ಹಾಗೆಯೇ ಎಲ್ಲರಿಗೂ ತಿಳಿದಿರುವಂತೆ ಕಾರಿನ ಎಂಜಿನ್ ಹಾಗೂ ಇತರ ಒಳಾಂಗ ಪ್ರದೇಶಗಳಲ್ಲಿ ಬೆಚ್ಚಗಿರುತ್ತದೆ.

ಹಾಗಾಗಿಯೇ ಹಾವುಗಳು ಬೈಕು ಅಥವಾ ಕಾರುಗಳನ್ನು ಪ್ರವೇಶಿಸಲು ಪ್ರಯತ್ನಿಸುತ್ತವೆ. ಇದಲ್ಲದೇ ಮನೆಗಳಿಗೆ ನುಗ್ಗಿ ಫ್ರೀಜರ್‌, ಏರ್‌ ಕೂಲರ್‌ಗಳಿಗೆ ನುಗ್ಗಿದ ಘಟನೆಗಳೂ ಸಾಕಷ್ಟು ನಡೆದಿವೆ. ಕೆಲವೊಮ್ಮೆ ಹಾವುಗಳೂ ಶೂ, ಚಪ್ಪಲಿಯಂತಹ ಜಾಗಳಲ್ಲಿ ಸೇರಿಕೊಂಡು ಹಲವರನ್ನು ಕಚ್ಚಿರುವ ಉದಾಹರಣೆಗಳೂ ಇವೆ.

ಹಾವುಗಳು ಬೈಕ್‌ನ ಬ್ಯಾಟರಿ ಪ್ರದೇಶ, ವೈರಿಂಗ್ ಪ್ರದೇಶ ಹಾಗೂ ಸೀಟಿನ ಕೆಳಭಾಗದಲ್ಲಿ ಸೇರಿಕೊಳ್ಳುವುದನ್ನು ನಾವೆಲ್ಲರೂ ನೋಡಿದ್ದೇವೆ. ಆದರೆ ಸ್ಪೀಡೋ ಮೀಟರ್‌ನಲ್ಲಿ ಸೇರಿಕೊಂಡಿರುವುದನ್ನು ಇದೇ ಮೊದಲ ಬಾರಿ ಕಾಣಬಹುದು. ಆದರೂ ಹಾವು ಸ್ಪೀಡೋ ಮೀಟರ್‌ಗೆ ಸೇರಲು ದಾರಿಯಾದರೂ ಹೇಗೆ ಸಿಕ್ಕಿದೆ ಎಂಬುದು ತಿಳಿದಿಲ್ಲ.

ಬೈಕ್ ಸ್ಪೀಡೋ ಮೀಟರ್ ಬಳಿ ತುಸು ಡ್ಯಾಮೇಜ್ ಆಗಿ ರಂಧ್ರವಾಗಿರಬಹುದು ಎಂದು ವಿಡಿಯೋ ನೋಡಿದ ಹಲವರು ನೆಟ್ಟಿಗರು ಕಮೆಂಟ್ ಮಾಡಿದ್ದಾರೆ. ಈ ಘಟನೆಯಲ್ಲಿ ಕಾಣಿಸಿಕೊಂಡಿರುವ ಬೈಕ್ ಹೀರೋ ಕಂಪನಿಗೆ ಸೇರಿದ ಹೋಂಡಾದಂತೆ ಕಾಣುತ್ತಿದೆ.

ವಾಸ್ತವವಾಗಿ, ಕಂಪನಿಯ ಈ ಬೈಕು ಅದರ ಪ್ರಾರಂಭದಿಂದಲೂ ಉತ್ತಮ ಪ್ರತಿಕ್ರಿಯೆಯನ್ನು ಪಡೆದುಕೊಂಡಿದೆ. ಇದು ಉತ್ತಮ ಮೈಲೇಜ್ ಕೂಡ ನೀಡುತ್ತದೆ. ಹಾಗಾಗಿ ಈಗಲೂ ಈ ಹಳೆಯ ಹೀರೋ ಬೈಕ್ ಅಲ್ಲೊಂದು ಇಲ್ಲೊಂದು ಕಾಣಸಿಗುತ್ತದೆ.

ಈ ಹಿಂದೆ ಹೋಂಡಾ ಆಕ್ಟಿವಾ ಸ್ಕೂಟರ್‌ಗೆ ಹಾವು ಸಿಲುಕಿದ ಘಟನೆಯೂ ಬೆಳಕಿಗೆ ಬಂದಿತ್ತು. ಈ ರೀತಿಯ ಇನ್ನಷ್ಟು ಆಸಕ್ತಿದಾಯಕ ವಿಷಯಗಳನ್ನು ತಿಳಿದುಕೊಳ್ಳಲು ಮತ್ತು ಕಾಲಕಾಲಕ್ಕೆ ಮಾರುಕಟ್ಟೆಯಲ್ಲಿ ಬಿಡುಗಡೆಯಾಗುವ ಹೊಸ ಬೈಕ್‌ಗಳು ಮತ್ತು ಕಾರುಗಳ ಬಗ್ಗೆ ತಿಳಿಯಲು ತೆಲುಗು ಡ್ರೈವ್‌ಸ್ಪಾರ್ಕ್ ಚಾನೆಲ್‌ಗೆ ಟ್ಯೂನ್ ಮಾಡಿ.

ಡ್ರೈವ್‌ಸ್ಪಾರ್ಕ್ ಅಭಿಪ್ರಾಯ

ವಾಹನಗಳನ್ನು ಹೊಂದಿರುವವರು ಬೈಕ್ ಅಥವಾ ಕಾರುಗಳನ್ನು ಸುರಕ್ಷಿತ ಸ್ಥಳಗಳಲ್ಲಿ ನಿಲ್ಲಿಸಬೇಕು. ಇಲ್ಲದಿದ್ದರೇ ಅವುಗಳನ್ನು ಬಳಸುವ ಮುನ್ನ ಒಮ್ಮೆ ಪರಿಶೀಲಿಸಬೇಕು. ಮುಖ್ಯವಾಗಿ ಮಳೆಗಾಲದಲ್ಲಿ ವಾಹನ ಬಳಕೆದಾರರು ಎಚ್ಚರವಾಗಿರಬೇಕು ಇಲ್ಲದಿದ್ದರೆ ಇಂತಹ ಅವಘಡಗಳು ಸಂಭವಿಸುವ ಸಾಧ್ಯತೆ ಇದೆ.