ಅಯ್ಯೋ ರಾಮ...ಕಾರಿಗೂ ಸಮಾಧಿ

ಬ್ರೆಜಿಲ್ ಉದ್ಯಮಿ Chiquinho Scarpa ಎಂಬವರು 3 ಕೋಟಿಗಳಷ್ಟು ಬೆಳೆಬಾಳುವ ದುಬಾರಿ ಬೆಂಟ್ಲಿ ಕಾಂಟಿನೆಂಟ್ ಫ್ಲೈಯಿಂಗ್ ಸ್ಪರ್ ಸಮಾಧಿ ಮಾಡಲು ನಿರ್ಧರಿಸಿದ್ದಾರೆ. ಇದರಂತೆ ಸಾಮಾಜಿಕ ಜಾಲತಾಣ ಫೇಸ್‌ಬುಕ್‌ನಲ್ಲಿ ಚಿತ್ರವೊಂದನ್ನು ಹಂಚಿಕೊಂಡಿದ್ದು, ಬೆಂಟ್ಲಿ ಕಾರಿಗಾಗಿ ಹೊಂಡ ಕೂಡಾ ಹೂತಿದ್ದಾನೆ.

ತನ್ನ ಮರಣದ ಬಳಿಕವೂ ಐಷಾರಾಮಿ ಸೌಲಭ್ಯವನ್ನು ಅನುಭವಿಸುವುದು ಈತನ ಇರಾದೆಯಾಗಿದೆ. ಈ ನಿಟ್ಟಿನಲ್ಲಿ ಕಾರನ್ನು ಸಮಾಧಿ ಮಾಡಲು ನಿರ್ಧರಿಸಿದ್ದಾರೆ.

ಆದರೆ ಬ್ರೆಜಿಲ್ ಉದ್ಯಮಿಯ ಈ ನಿರ್ಧಾರಕ್ಕೆ ಸಾರ್ವಜನಿಕ ವಲಯದಿಂದ ಭಾರಿ ಟೀಕೆ ವ್ಯಕ್ತವಾಗಿದೆ. ಕೆಲವು ಪ್ರಜ್ಞಾವಂತರಂತೂ ಹೀಗೆಲ್ಲ ಸಮಾಧಿ ಮಾಡುವ ಬದಲು ಹರಾಜು ಮಾಡಿ ಹಣ ಸಂಪಾದಿಸಬಾರದಿತ್ತೇ ಎಂಬ ಪ್ರಶ್ನೆ ಕೂಡಾ ಹಾಕಿದ್ದಾರೆ.

ಹಾಗಿದ್ದರೂ ಮರುದಿನವೇ ಫೇಸ್‌ಬುಕ್‌ನಲ್ಲಿ ಮತ್ತೊಂದು ಅಚ್ಚರಿಯ ಪ್ರತಿಕ್ರಿಯೆ ನೀಡಿರುವ 62ರ ಹರೆಯದ ಉದ್ಯಮಿಯು, ಇವೆಲ್ಲವೂ ಬ್ರೆಜಿಲ್ ರಾಷ್ಟ್ರೀಯ ವಾರ ಅವಯವ ಸಹಯಾರ್ಥ ಸಂಸ್ಥೆಯ ಪ್ರಚಾರಾರ್ಥವಾಗಿ ಮಾಡಲಾಗಿದೆ ಎಂದು ವಿವರಿಸಿದ್ದಾರೆ.

ಕಾರನ್ನು ಸಮಾಧಿ ಮಾಡತ್ತೇನೆಂದು ಅಂದಾಗ ಎಲ್ಲರೂ ಗೊಂದಲಕ್ಕೊಳಗಾಗಿದ್ದರು. ಆದರೆ ಇದು ಅವಯವ ದಾನ ಮಾಡುವ ಸಂಸ್ಥೆಯ ಪ್ರಚಾರಕ್ಕಾಗಿ ಮಾಡಲಾಗಿತ್ತು. ಇದೀಗ ನಿಮ್ಮ ದೇಹವನ್ನು ಸಮಾಧಿ ಮಾಡುವ ಮೊದಲು ದೇಹದ ಅವಯವಗಳನ್ನು ದಾನ ಮಾಡಿದ್ದಲ್ಲಿ ಅನೇಕ ಜೀವಗಳನ್ನು ರಕ್ಷಿಸಬಹುದಾಗಿದೆ ಎಂದು ಹೇಳುವ ಮೂಲಕ ದೊಡ್ಡತನ ಮೆರೆದಿದ್ದಾರೆ.

ವೀಡಿಯೊ ವೀಕ್ಷಿಸಿ