ಕರ್ನಾಟಕ ಪ್ರವಾಸೋದ್ಯಮಕ್ಕೂ ರೆಕ್ಕೆ ಪುಕ್ಕ ತುಂಬಿತೇ 'ಜಲವಿಮಾನ'

ಜಲವಿಮಾನ ಹಾರಾಟಕ್ಕಾಗಿ ಭಾರತದ ವಿಮಾನ ನಿಲ್ದಾಣ ಪ್ರಾಧಿಕಾರದ ಜೊತೆಗೂ ಮಾತುಕತೆ ನಡೆಸಲಾಗುತ್ತಿದೆ. ಎಲ್ಲ ಕಡೆಗಳಿಂದಲೂ ಹಸಿರು ನಿಶಾನೆ ದೊರಕಿದ ಬಳಿಕವಷ್ಟೇ ಹಾರಾಟ ನನಸಾಗಲಿದೆ.

ಚಕ್ರದ ಬದಲಾಗಿ ಹಾವುಗೆಗಳನ್ನು ಹೊಂದಿರುವ ಜಲವಿಮಾನಗಳು ನೀರಿನಿಂದಲೇ ಟೇಕ್ ಆಫ್ ಮತ್ತು ಲ್ಯಾಂಡಿಂಗ್ ಮಾಡುವ ಸಾಮರ್ಥ್ಯವನ್ನು ಹೊಂದಿರುತ್ತದೆ.

ಕಳೆದ ಮಾರ್ಚ್ 11ಕ್ಕೆ ಅನುಮೋದನೆ ದೊರಕಿರುವ ಜಲಮಾರ್ಗ ಮಸೂದೆಯಲ್ಲಿ ದೇಶದ ಸಾರಿಗೆ ವ್ಯವಸ್ಥೆಯನ್ನು ಸುಧಾರಿಸುವತ್ತ ಕಣ್ಣಾಯಿಸಲಾಗಿದ್ದು, 106ರಷ್ಟು ಒಳ ಜಲಮಾರ್ಗಗಳಲ್ಲಿ ಜಲವಿಮಾನಗಳನ್ನು ಬಿಡುಗಡೆ ಮಾಡಲಾಗುವುದು. ಪ್ರಸ್ತುತ ಐದರಷ್ಟು ಜಲವಿಮಾನಗಳು ಸೇವೆಯಲ್ಲಿದೆ.

ಇದರ ಹೊರತಾಗಿ ನಿಕಟ ಭವಿಷ್ಯದಲ್ಲೇ ಜಲ ಬಸ್ ಮತ್ತು ಹೋವರ್ ಕ್ರಾಫ್ಟ್ ಗಳನ್ನು ಪರಿಚಯಿಸುವ ಇರಾದೆಯನ್ನು ಕೇಂದ್ರ ಸರಕಾರ ಹೊಂದಿದೆ. ಇದು ಯಮುನಾ ಸೇರಿದಂತೆ ದೇಶದ ಇತರ ಭಾಗಗಳಿಗೂ ವ್ಯಾಪಿಸಲಿದೆ.

ಈ ಮಹತ್ತರ ಯೋಜನೆಗೆ ದೆಹಲಿ ಜಲ ಮಂಡಳಿ ಮತ್ತು ದೆಹಲಿ ಅಭಿವೃದ್ಧಿ ಪ್ರಾಧಿಕಾರ ಸಹ ಕೈಜೋಡಿಸಲಿದೆ. ಅಲ್ಲದೆ ಬಹುಬೇಗನೇ ಜಲ ವಿಮಾನ ಯೋಜನೆ ಕಾರ್ಯಗತಗೊಳಿಸುವ ಇರಾದೆಯಲ್ಲಿದೆ.

ಭಾರತಕ್ಕೆ ಜಲ ವಿಮಾನಗಳನ್ನು ರವಾನಿಸಲು ಕೆನಡಾ ಮತ್ತು ರಷ್ಯಾ ಸಂಸ್ಥೆಗಳು ಉತ್ಸುಕತೆಯನ್ನು ತೋರಿದೆ. ಅಂದ ಹಾಗೆ ಅಮೆರಿಕ ನಿರ್ಮಿತ ಜಲ ಬಸ್ಸುಗಳು ಅತಿ ಶೀಘ್ರದಲ್ಲೇ ಮುಂಬೈನಲ್ಲಿ ಓಡಾಟ ಆರಂಭಿಸಲಿದೆ.