ಈ 'ಜೀಬ್ರಾ ಕ್ರಾಸಿಂಗ್' ವಿಡಿಯೋ ನೋಡಿ ನಗ್ತೀರಾ, ಆದ್ರೆ ನಾನು ಹಿಂಗೇ ಅಲ್ವಾ ಅಂತ ಬೇಸ್ರ ಮಾಡ್ಕೋತೀರಾ..

ಜೀಬ್ರಾ ಕ್ರಾಸಿಂಗ್ ಬಗ್ಗೆ ಯಾರಿಗೆ ಗೊತ್ತಿಲ್ಲ ಹೇಳಿ, ಎಲ್ರುಗೂ ಸಾಮಾನ್ಯವಾಗಿ ರಸ್ತೆಯ ಮೇಲಿರುವ ಈ ಬಿಳಿ ಪಟ್ಟೆಯ ಬಗ್ಗೆ ಅರಿವಿರುತ್ತದೆ ಅಂತ ನೀವ್ ತಿಳ್ಕೊಂಡ್ ಇದ್ರೆ ಈ ವಿಡಿಯೋ ನೋಡಿದ ಮೇಲೆ ಖಂಡಿತ ನೀವು ತಿಳಿದಿರುವುದು ತಪ್ಪು ಎನ್ನಿಸದೇ ಇರಲಾರದು.

ಅತಿ ಹೆಚ್ಚಿನ ಜನಸಂದಣಿ ಇರುವ ಭಾರತದ ದೇಶದ ಪ್ರಮುಖ ನಗರಗಳಲ್ಲಿ ಒಂದಾಗಿರುವ ಕೋಲ್ಕತ್ತಾ ನಗರದಲ್ಲಿ ಈ ವಿಡಿಯೋ ಮಾಡಲಾಗಿದೆ.

ಜೀಬ್ರಾ ಕ್ರಾಸಿಂಗ್ ಬಗ್ಗೆ ವಾಹನ ಚಾಲಕರು ಹೊಂದಿರವ ನಿರ್ಲಕ್ಷ ಎತ್ತಿ ತೋರಿಸುವ ವಿಡಿಯೋ ಒಂದನ್ನು ರೇಡಿಯೋ ಒನ್ ಸಂಸ್ಥೆ ಬಿಡುಗಡೆಗೊಳಿಸಿದೆ.

ವಿದ್ಯಾವಂತರಾದ ನಾವೇ ಈ ರೀತಿಯ ನಿಯಮಗಳನ್ನು ಗಾಳಿಗೆ ತೋರಿ ನಮಗಿಷ್ಟ ಬಂದಂತೆ ನೆಡೆದುಕೊಳ್ಳುವುದು ಎಷ್ಟರ ಮಟ್ಟಿಗೆ ಸರಿ ಎಂಬುದನ್ನು ನಾವು ಅರಿತುಕೊಳ್ಳಬೇಕಾಗಿದೆ.

ಈ ವಿಡಿಯೋ ನೋಡುವಾಗ ನಿಮಗೆ ನಗೆಗಡಲಿನಲ್ಲಿ ತೇಲಿಸುವುದುಂಟು, ಆದರೆ ನೀವು ಮಾಡುವ ತಪ್ಪಿನಿಂದ ಪಾದಾಚಾರಿಗಳಿಗೆ ಅದರಲ್ಲಿಯೂ ಹಿರಿಯ ಜೀವಗಳಿಗೆ ಎಷ್ಟರ ಮಟ್ಟಿಗೆ ತೊಂದರೆ ಆಗುತ್ತಿದೆ ಎಂಬುದನ್ನು ಒಮ್ಮೆ ಯೋಚಿಸಿ ನೋಡಿ.

ಆದ್ರೆ, ಈ ವಿಡಿಯೋ ನೋಡಿದ ನಿಮಗೆ ಅರ್ಥವಾಗುವ ಅಂಶವೇನೆಂದರೆ ಪ್ರತಿಯೊಬ್ಬರೂ ಕೂಡ ಯಾವುದೇ ರೀತಿಯ ಜಗಳವಾಡದೆ ತಮ್ಮ ತಪ್ಪು ತಿಳಿದುಕೊಂಡು ಹಿಂದೆ ಸರಿದಿದ್ದಾರೆ.

ಪ್ರತಿಯೊಂದು ಟ್ರಾಫಿಕ್ ನಿಯಮಗಳನ್ನು ಪಾಲನೆ ಮಾಡಿ, ಇನ್ನಾದರೂ ನಮ್ಮ ಜವಾಬ್ದಾರಿಗಳನ್ನು ತಿಳಿದುಕೊಂಡು ಮುನ್ನೆಡೆಯೋಣ.