'ಹಿಟ್ ಮ್ಯಾನ್' ರೋಹಿತ್ ಶರ್ಮಾ ಅವರ ಸೂಪರ್ ಹಿಟ್ ಕಾರು

ನಮಗೆ ದೊರಕಿರುವ ಮಾಹಿತಿ ಪ್ರಕಾರ ಭಾರತ ಕ್ರಿಕೆಟ್ ತಂಡದ ಆಟಗಾರ 'ಹಿಟ್ ಮ್ಯಾನ್' ಎಂದೇ ಪ್ರಖ್ಯಾತಿ ಪಡೆದಿರುವ ರೋಹಿತ್ ಶರ್ಮಾ ಅವರು ಬಿಎಂಡಬ್ಲ್ಯು 5 ಸಿರೀಸ್‌ನ ಗರಿಷ್ಠ ನಿರ್ವಹಣೆಯ ಎಂ5 ಹಾಗೂ ಸ್ಕೋಡಾ ಲೌರಾ ಕಾರನ್ನು ಹೊಂದಿರುತ್ತಾರೆ.

ಈ ಪೈಕಿ ಬಿಎಂಡಬ್ಲ್ಯು 5 ಸಿರೀಸ್ ಎಂ5 ಗರಿಷ್ಠ ನಿರ್ವಹಣೆಯ ಎಕ್ಸ್‌ಕ್ಯೂಟಿವ್ ಕಾರಿನ ಬೆಲೆ ಒಂದು ವರೆ ಕೋಟಿ ರುಪಾಯಿಗಳಷ್ಟು ದುಬಾರಿಯಾಗಿದೆ. ಅಲ್ಲದೆ ಸೊಗಸಾದ ವಿನ್ಯಾಸವನ್ನು ಕಾಪಾಡಿಕೊಂಡಿದೆ.

ಬಿಎಂಡಬ್ಲ್ಯು 5 ಸಿರೀಸ್ ಕಾರಿನ ಇತಿಹಾಸವನ್ನು ಗಮನಿಸಿದಾಗ ಈ ಆಕರ್ಷಕ ಎಕ್ಸ್‌ಕ್ಲೂಟಿವ್ ಮಿಡ್ ಸೈಜ್ ಕಾರನ್ನು 1972ರ ಇಸವಿಯಿಂದಲೇ ಸಂಸ್ಥೆಯು ಉತ್ಪಾದಿಸುತ್ತಿದೆ. ಪ್ರಸ್ತುತ ಮಾರುಕಟ್ಟೆಯಲ್ಲಿ ಆರನೇ ಪೀಳಿಗೆಯ ಬಿಎಂಡಬ್ಲ್ಯು 5 ಸಿರೀಸ್ ಕಾರು ಮಾರಾಟದಲ್ಲಿದೆ.

ನಾಲ್ಕು ವೆರಿಯಂಟ್ ಹಾಗೂ ಎರಡು ಎಂಜಿನ್ ಆಯ್ಕೆಗಳಲ್ಲಿ 5 ಸಿರೀಸ್ ಮಾದರಿಯನ್ನು ಬಿಎಂಡಬ್ಲ್ಯು ಮಾರಾಟ ಮಾಡುತ್ತಿದೆ. ಆದರೆ ಏಕಮಾತ್ರ ಇಂಧನ ಆಯ್ಕೆ ಇರಲಿದೆ. ಇದು 1995 ಸಿಸಿ ಮತ್ತು 2993 ಸಿಸಿ ಡೀಸೆಲ್ ಆಟೋಮ್ಯಾಟಿಕ್ ಎಂಜಿನ್‌ನಿಂದ ನಿಯಂತ್ರಿಸಲ್ಪಡುತ್ತದೆ.

ಬಿಎಂಡಬ್ಲ್ಯು 5 ಸಿರೀಸ್ ದೆಹಲಿ ಎಕ್ಸ್ ಶೋ ರೂಂ ಬೆಲೆ 49.90 ಲಕ್ಷ ರು.ಗಳಿಂದ ಆರಂಭವಾಗಿ 59.20 ಲಕ್ಷ ರು.ಗಳ ವರೆಗಿದೆ. ಇದು ಐದು ಸೀಟುಗಳ ಸಿಟ್ಟಿಂಗ್ ವ್ಯವಸ್ಥೆಯನ್ನು ಹೊಂದಿರಲಿದೆ. ಬೆಂಝ್‌ನಲ್ಲಿ ಗರಿಷ್ಠ ನಿರ್ವಹಣೆಯ ಎಎಂಜಿ ಕಾರುಗಳ ತರಹನೇ ಇದು ಅತ್ಯಂತ ಶಕ್ತಿಶಾಲಿ 5 ಸಿರೀಸ್ ಕಾರಾಗಿದೆ.

ಬಿಎಂಡಬ್ಲ್ಯುನ ಮೋಟಾರು ಸ್ಪೋರ್ಟ್ಸ್ ವಿಭಾಗವು ಎಂ5 ಗರಿಷ್ಠ ನಿರ್ವಹಣೆಯ ಕಾರನ್ನು ತಯಾರಿಸುತ್ತಿದೆ. ಇದರ ನಿರ್ಮಾಣ 1986ನೇ ಇಸವಿಯಿಂದಲೇ ಆರಂಭವಾಗಿತ್ತು.

ಅದೇ ಹೊತ್ತಿಗೆ 20 ಲಕ್ಷ ರು.ಗಳಷ್ಟು ಬೆಲೆ ಬಾಳುವ ಸ್ಕೋಡಾ ಲೌರಾ ಕಾರನ್ನು ರೋಹಿತ್ ಶರ್ಮಾ ಹೊಂದಿರುತ್ತಾರೆ. ಇವೆಲ್ಲವೂ ಇತರ ಸೆಲೆಬ್ರಿಟಿಗಳಂತೆ ಮೈದಾನದ ಹೊರಗೂ ರೋಹಿತ್ ಅವರ ಪ್ರತಿಷ್ಠೆಯನ್ನು ಎತ್ತಿ ಹಿಡಿಯುತ್ತದೆ.